लुका 8:10 - बारेली पावरी

¹⁰ येसु कोयू, “तुमु काजे परमेश्वरोन राजोन भेद सोमजणेन कोरता सोमोज आपली छे, बाकीन दिसरा काजे दाखलासी सोमवाय जातलो छे, इनान कोरता” चे देखीन बी नी देखे, एने सोमवीन बी नी सोमजे.

लुका 8:10 Referans Kwoze

मरकुस 4:11

चू तीनु काजे कोयू, “तुमु काजे ते परमेश्वरोन राजोन भेदोन सोमोज आपलो छे, बाकीन बारथे वावा जुगू आखा वाते दाखलासी होयतेली.”

मत्ती 11:25

तिनी टेमे येसु कोयू, “हे बासो, सोरग एने धोरतीन प्रभू, मे तारो धन्यवाद कोरो कि तू इनी वातो काजे ग्यानी एने समजदारीसी डुकाळीन मेक्यू, एने पुऱ्या काजे आप देदू.”

कुलुस्सि 2:2

काहाकि तिंदरे मोनोमा शांती जोळे एने चे मोंगसी आपसामा जुळायीन रोये एने चो पुरा समाजोन आखो धोन ली लेये एने परमेश्वर बासोन भेद काजे, मतलब येसु मसिह काजे उवखी लेये.

रोमी 16:25

हिमी जो तुमु काजे मारी वारली खोबर मतलब येसु मसिहन सोंदेसोन प्रचार अनसारे पाको कोरतू रोयतलु छे, तिना भेदोन विजावान अनसारे जो ओमोरकाईसी डूकाय रोयो,

मत्ती 16:17

येसु तीनु काजे जोवाब आप्यू, “हे शिमोन, योनान पुऱ्यु, तू सोयावू छे; काहाकि मास एने लुयसी नी बाकीन मारू बास जू सोरगोमा छे, जी वात मार पोर देखाळलु छे.”

1 तीमथी 3:16

इनुमा शंका नी होय कि भोक्तीन फरक गंभीर छे, मतलब होयो जे डीलोमा प्रगट होयलो, आत्मामा धोरमी ठेरायू, सोरग दूत काजे देखायतू दिसरा जातीमा हेरा प्रचार होयलू, जोगोमा हेरे पोर भुरसू कोरलु होतु, एने महिमामा उपर चुटायलु होतु.

1 कुरीन्थियो 12:11

बाकीन ये आखा प्रभाव शाली काम एकुत आत्मा कोरतेलू, एने तीनाक जो लागतलो चो वाट देतलु.

योहान 12:40

“चू तिंदरा डूवा आंदवा एने तिंदरा मोने काठला कोर देदलु छे; कोबी ओसो नि होये कि डूवे कोरीन देखसे, एने मोनोसी समजे, एने फिरे एने मे तीनुक वारु कोरिस.”

मरकुस 4:12

इनान कोरता कि “चे देखता जायीन देखे एने तीनु काजे समजाये नी एने सोमवता जायीन सोमवे बी एने नी सोमजे; ओसो नि होये कि चे फिरे, एने माफी कोराय जासे.”