लुका 7:22 - बारेली पावरी

²² एने चू तीनु काजे कोयू, “जो काय तुमु देख्या एने सोमवला छे, जायीन योहान काजे कोय देवू; कि आंदवा देखतला, लेंगळा चालतला फिरतेला, कुळावा चुखा कोराय जातला, बेहेरा सोमोवतला, मोराला जीवता कोराय जातला, एने गोरीबो काजे वारली खोबर सोमवाळाय जातली.

लुका 7:22 Referans Kwoze

लुका 4:18

“प्रभून आत्मा मार पोर छे इनान कोरता कि चू गरीब काजे वारली खोबर सोमवाळनेन कोरता मारू अभिषेक कोरलु छे, एने मेसेक इनान कोरता मुकेल्लू छे कि बोंदी वावा काजे छुटकारान एने आंदवा काजे नोजोर मेवाळणेन वारली खोबरोन प्रचार कोरो एने छेंदायला काजे छुळावू,

याकुब 2:5

हे मारा मोंगावा भाशो, सोमवू काय परमेश्वर इना जोगोन भिकारी काजे नि नेवाळ्यू कि भुरसामा मातभोर एने तीना राज्योन अधिकारी होयसू, जेरु वायदु चू तिंदरे साते कोरे जेरेसी मोंग राखतला छे.

मत्ती 21:14

तेत्यार आंदवा एने लेंगळा, मंदीरमा येसुनचा आव्या, एने येसु तीनु काजे वारू कोऱ्यु.

प्रेषित 26:18

कि तू तिंदरा डूवा उगाळे इनान कोरता कि चे आंदारामा गोथा विजावामा भुतडान राजम गोथा परमेश्वरोन राजमा आवे, जीनासी चे पापोन माफी एने तीनु माणसो साते होक ली लेये जू मारे पोर भुरसू कोरनेन लारे चुखला होयला छे.

लुका 7:21

तीनेत टेमे चू घोन सोवटा काजे बिमारीमा एने पीळामा, एने भुंडली आत्मामा गोथू छुळाव्यू; एने लोकेत आंदवा काजे देखता कोऱ्यु;

प्रेषित 8:7

काहाकि घोणा सोवटामा गोथा भुंडली आत्मा मोटोत आवाज कोरीन आयळती जायीन निकवी गोयी, एने लोकेत लखवान बिमारी एने लेंगळा बी वारू कोराय गोया;.

योहान 1:46

नथनेल तीना काजे कोयू, “काय कुदु वारलो चीज नासरेथमा गोथी निकवी सोकतली?” फिलीप तीनाक कोयू, “आवीन देखले.”

मत्ती 11:5

कि आंदवा देखतेला एने लेंगळा चालतला एने फिरतेला, कुळावाक चुखा कोराय जातला एने बेहरा सोमवतेला, मोरलाक जीवता कोराय जातला, एने गोरीबोक वारली खोबर सोमवाळाय जातली.

लुका 7:23

सोयावा छे चे जे मारा बारामा ठूकर नि खाय.”