लुका 7:19 - बारेली पावरी

¹⁹ तेतार योहान तेरा चेला माईन दुय काजे बुलावीन प्रभूनचा यो पुछने मूकल्यु “काय आवने वावु तुत छे, कि आमु दिसरान एने वाट जुवजे?”

लुका 7:19 Referans Kwoze

योहान 4:25

बायर तीना काजे कोयी, “मेसेक मालूम छे कि मसिह यु मसिह कोवायतलु, आवने वावू छे; जेतार चू आवसे, ती आमुक आखा वाते कोय देसे.”

लुका 10:1

इनी वातोन ओवतेन प्रभू सत्तर ओवी माणसे नेवाळ्यू, एने जीना-जीना सोहोरमा एने जागे चू जानेवावू होतु, चा तीनुक दुय-दुय कोरीन तेरे ओगोव मूकल्यु.

प्रकाशित वाक्य 11:3

मे दुय गोवाणु काजे यु होक आपीस कि गोनटो पांघोरला एक हजार दुय सोव साठ दाहळा तोक भविष्यवाणी कोरे.

मरकुस 6:7

एने चू बारा जोना काजे तेरे साते बुलाव्यू एने तीनु काजे दुय-दुय कोरीन मुकलने बाज गोयू; एने तीनु काजे भुंडली आत्मा पोर होक आप्यू.

लुका 7:13

तिनीक देखीन प्रभू काजे गिन आवी, एने तिनी काजे कोयू, “मा रोडे.”

लुका 7:20

चे तीनानचा आवीन कोया, “योहान बाप्तिस्मा आपनेवावू आमु काजे तारेनचा यो पुछने कोरीन मूकल्यु कि काय आवने वावु तुत छे, कि आमु कुदा दिसरान वाट देखजे?”

लुका 11:1

एक दाहळे येसु प्रार्थना कोरतू होतु. जेतार चु प्रार्थना कोर लेदू, ती तेरा चेला मायलु एक जोणु तीना काजे कोयू, “हे प्रभू, जोसू योहान तेरा चेला काजे प्रार्थना कोरणे सिकाळ्यु तोसुच आमु काजे बी तू सिकाळ दे.”

लुका 11:39

प्रभू तीना काजे कोयू, “हे फरुशी तुमु कोवशु एने थाविक उपोर-उपोर गोथा उजावतला, बाकीन तुमरे महाय आंदारो एने रीस भोरली छे.”

लुका 12:42

प्रभू कोयू, “चू विस्वासयोग्य एने बुद्धीमान भंडारी कून छे, जेरु मालिक तीनाक नोवकोर चाकोर पोर सरदार ठेरावे, कि तीनुक टेम पोर खाणेन समान आप देय.

लुका 13:15

यो सोमवीन प्रभू जोवाब आप्यू, “हे दोगावा, काय शब्बाथोन दाहळे तुमरे मायीन आखा जोना आपना बुल्योक एने गोदळा काजे जागा पोर गोथा छुळीन पाणी पावणे नि लीजातला?”

लुका 17:5

जेतार प्रेषितोन प्रभू काजे कोया, “आमरू भुरसू बोढाव.”

लुका 17:6

प्रभू कोयू, “ओगर तुमु काजे राईन दाना बोराबोर बी भुरसू होतु, ती प्रभू इना झाड काजे कोयतू कि जोळोमा गोथू उखवीन दोरीयामा उग जा, ती चू तुमरी मान लेतू.”

लुका 18:6

प्रभू कोयू, “सोमवू, अधोरमीन नियाव कोरणे वावु काय कोयतेलु छे?

लुका 19:8

जक्कय उबरोयीन येसु काजे कोयू, हे प्रभू, देख, मे मारो आदो धोन गोरीब काजे आप दोम, एने कुदान लुचळाय कोरीन लेदलु होय ती तीना काजे चार गुणा आप दोम.

लुका 22:61

ती प्रभू पोछु फिरीन पतरस भूनी भाव्यू, एने पतरस काजे प्रभून ची वात फोम आवाळीन जी चू कोयलु होतु, “आज कुकळू वासदेनेन पेहेले, तू तीन कावार मारू नाकार कोरसे.”

लुका 24:34

चे कोयता होता, “प्रभू छाचलीन जीव उठलु छे, एने शिमोन काजे देखाय पोळ्यु.”

योहान 4:1

ओवते जेतार प्रभू काजे मालूम होयो कि फरुशी सोमवला छे कि येसु योहान गोथू जादा चेला बोनावलु एने तीनुक बाप्तिस्मा आपतलु.

योहान 6:23

तेत्यार दिसरा ढोंड्या तिबिरियास गोथा तिना जागान साते आव्या, जा चे प्रभून धन्यवाद कोरनेन ओवते रुटू खादला होता.

योहान 11:2

जी ची मरीया होती जी प्रभू पोर इत्तर लागाळीन तेरा पायो काजे आपना झोटे कोरीन नुसली होती, तेरु भाश लाजर बिमार होतु.