लुका 6:8 - बारेली पावरी

⁸ बाकीन चु तिंदरू विचार जानतू होतु; इनान कोरता चू सुकला हातोवावा माणसो काजे कोयू, “उठ इचमा उबरोयजा” चू उठीन उबरोय गोयू.

लुका 6:8 Referans Kwoze

प्रकाशित वाक्य 2:23

मे हेरा पुऱ्या काजे मार नाखीस; तेत्यार आखा मंडव्या जान लेसे कि मोन एने मोन पारखने वावू मेत छे, एने मे तुमु होर एक काजे तेरे कामोन अनसारे बोदलु आपीस.

मत्ती 9:4

येसु तिंदरी मोनो मायली वाते जानीन कोयू “तुमु माणसे आपना-आपना मोनोमा भुंडा विचार काहा कोर रोया?”

1 पतरस 4:1

एरेन कोरता जेतार मसिहन डीलोमा होईन दुख झेल्यू ती तुमु भी तिनी मनसा काजे हत्यार सारखा वापर कोरु, काहाकि जू डीलमा दुख झेललु छे, चू पापमा गोथू छुट गोयू,

इब्रानियो 4:13

जेरो आमु काजे हिसाब आपनु छे, तेरी नोजोरमा काहनुस जोनावर डीकायलु नी होय तेरा डूवा ओगोव आखो काहीन उगाळलो एने देखायलो छे.

फिलिप्पि 1:28

एने कानलीत वातोमा विरोधीसी बिक नी लागतलो, यो तिंदरेन कोरता छुटकारान एने यो परमेश्वर तोरोफसी छे.

प्रेषित 26:26

इनी वातो काजे खुद राजाक मालूम छे कि तेरे सामने हिंमतसी बुल रोयू इना मायलो काहीन वात नि होयली जी तेरेसी डूकायली छे काहाकि यी वात कहाना कोपरामा नि होयी.

प्रेषित 20:24

बाकीन मे मारा जीव काजे काय नी सोमज्यु कि तीनाक मोंगावू जाणो, बाकीन यो कि मे मारा दोवळना काजे एने तिनी सेवा काजे पुरी कोरो, जो मे परमेश्वरोन दयान वारली खोबर पोर गोवायी आपनेन कोरता प्रभू येसु जुव गोथू ली लेदलु छे.

योहान 21:17

चू तिसरे कावार तीना काजे कोयू, “हे शिमोन, योहानोन पुऱ्यु, काय तू मार पोर मोंग कोरतेलू छे?” पतरस नाराज होयू कि येसु हिना काजे तिसरी कावार ओसू कोयू, “काय तू मार पोर मोंग कोरे?” एने तीना काजे कोयू, “हे प्रभू, तुते आखो काय जानतलु छे; तू यो जानतलु छे कि मे तार पोर मोंग कोरतेलू छे” येसु तीना काजे कोयू, “मारा गाडरा काजे चार.

योहान 9:4

जू मेसेक मुकललू छे, आमु तेरा काम दिसू दिसुत कोरनो जोरुरी छे; ची रात आवने वावी जीनामा कुदू काम नि कोर सोकतलू.

योहान 2:25

एने तीना काजे गोरोज नि होती कि माणसोन बारामा कुदु गोवायी आपे, काहाकि चू खुद जानतू होतु कि माणसोन मोनोमा काय छे?

लुका 5:22

येसु तिंदरा मोनोम वावी वात जानीन, तीनु काजे कोयू, “तुमु आपना मोनोमा काय विचार कोर रोया?

लुका 6:9

येसु तीनु काजे कोयू, “मे तुमु काजे यो पुछो कि शब्बाथोन दाहळे काय वारू छे, वारलो कोरणे कि भुंडलो कोरणे; जीव वाचाडने कि नाश कोरणे?”

मरकुस 3:3

येसु सुकाला हातोवावा माणसो काजे कोयू, “इचमा उबरोयजा.”

लुका 13:12

येसु तिनीक देखीन बुलाव्यू एने कोयू, “हे बायर, तू तारी कोमजूरीसी छुट गोयी.”