लुका 5:21 - बारेली पावरी

²¹ तेत्यार शास्त्री एने फरुशी विचार कोरणे बाज गोया, “यु कून छे जू परमेश्वरोन बुराई कोरतेलू? परमेश्वर काजे छुळीन एने कून पापोन माफी कोर सोकतलू?”

लुका 5:21 Referans Kwoze

योहान 10:33

यहुदि माणसे जोवाब आप्या, “वारला कामोन कोरता आमु तार पोर दोगळा नि देता बाकीन परमेश्वरोन बुराई कोरनेन वोजेसी; एने इनान कोरता कि तू माणूस होयीन तू खुदो काजे परमेश्वर बोनावतलु.”

लुका 7:49

तेत्यार जे माणसे तेरे पुठी खाणो खाणे तिंदरे-तिंदरे बोस रोया होता, चे मोनोमा विचार कोरणे बाज गोया, “यु कून छे जू पापो काजे बी माफ कोरतेलू?”

मत्ती 26:65

इनापोरसी महायाजक आपना छिंदरा फाळीन कोयु, “जू परमेश्वरोन बुराई कोरलु छे, हिमी आमुक गोवायीन काय जरुरत छे? देखू तुमु हिमी जी बुराई सोमवला छे.

रोमी 8:33

परमेश्वरोन नेवाळला पोर गुणू कून लागाळे? परमेश्वर छे जू तीनुक धोरमी ठेरावने वावू छे.

लुका 5:17

एक दाहळू ओसो होयो कि चू सिकाळतु होतु, एने फरुशी एने शास्त्रध्यापक चा बोस रोयला होता चे गलील एने यहुदियान होर एक गाव गोथा एने यरुशलेममा गोथा आवला होता, एने वारू कोरनेन कोरता प्रभून ताकत तेरे पुठी होतो.

मत्ती 9:3

देखू, इनापोरसी घोणा शास्त्री विचार कोऱ्या, “यु ते परमेश्वरोन बुराई कोरतेलू.”

लुका 3:8

आखरी मोन फिरावनेन लायकीन फोव लावू, एने आपना-आपना मोनोमा यो मा विचार कोरु कि आमरू बास अब्राहाम छे; काहाकि मे तुमु काजे कोयो कि “परमेश्वर इनू दोगोळासी आब्राहामोन कोरीन पुऱ्या पोयदा कोर सोकतेलू.

लुका 5:22

येसु तिंदरा मोनोम वावी वात जानीन, तीनु काजे कोयू, “तुमु आपना मोनोमा काय विचार कोर रोया?