लुका 3:11 - बारेली पावरी

¹¹ चू तीनु काजे जोवाब आप्यू, “जीना जुव दुय डोगला होय, चू तेरे पुठी जिना जुव नि होय वाट लेये एने जीना जुव खाणो छे, चू बी ओसुत कोरे.”

लुका 3:11 Referans Kwoze

1 योहान 3:17

बाकीन जिना कुदा जुव जोगोन धोन छे एने चू तेरा भाशो काजे गोरीब देखीन तेरो पोर गिन नि कोरनो जुवे, ती तेरेमा परमेश्वरोन मोंग कोसो बोनीन रोय सोकसे?

1 तीमथी 6:18

चे वारलो कोरे, एने वारला कामोमा मालदार बोने एने उदार एने मदतमा हमेशा उभू रोये.

लुका 18:22

यो सोमवीन येसु तीना काजे कोयू, “तारेमा हिमी बी एक वातोन कोमी छे, आपनो आखो काय वेचीन गोरीब काजे वाट दे, एने तुसेक सोरगोम धोन जूळसे एने आवीन मारे पोछोव.”

1 योहान 4:20

कोबी कुदू कोये, “मे परमेश्वर पोर मोंग कोरतेलू छे,” एने आपना भाशो पोर दुष्मोनी राखतला कि चू झुटू छे, काहाकि चू आपना भाश पुठी जिनाक चू देखलू छे मोंग नि कोरतेलू, ती चू परमेश्वर पोर बी जीनाक चू नि देख्यू नि कोर सोकतलु.

याकुब 1:27

आमरू परमेश्वर एने बासोन साते चुखली एने वारलु आराधना जी छे कि विखावावू एने रोंडायलीन दुखोमा तेरी खोबर लेय, एने आपनी आप काजे जोगोसी निरदोष राख.

लुका 11:41

बाकीन होव, महाय वावी चीजो काजे दान कोर देवू, ती देखू, सोब काय तुमरेन कोरता चुखो होय जासे.

मत्ती 25:40

तेत्यार राजा तीनुक जोवाब आपसे, “मे तुमु काजे छाचलीन कोय कि, तुमु जे मारा नानामा नाना भाशोमा गोथा काहना एका साते कोऱ्या चो मारे साते कोऱ्या.”

इब्रानियो 6:10

काहाकि परमेश्वर अधोरमी नी होय कि तुमरा कामो एने तिना मोंग काजे विसरी जाय जे तुमु तिनान नावोन रुपमा इना रितीसी देखाळ्या कि चुखला माणसोन सेवा कोऱ्या एने हिमी बी कोर रोया.

प्रेषित 10:31

एने कोयने बाज गोयू, “हे कुरनेलियुस, तारी प्रार्थना सोमवाय गोयली छे एने तारो दान परमेश्वरोन सामने फोम कोराय गोयलो छे.”

प्रेषित 10:4

चू तीनाक ध्यानसी देख्यू एने बिहीन कोयू, “हे प्रभू काय छे?” चू तीनाक कोयू “तारी प्रार्थना एने तारू दान फोम कोरीन परमेश्वरोन ओगोव पुगलो छे.”

प्रेषित 10:2

चू भक्त होतु, एने आपना आखा घोरल्या पुठी परमेश्वरोक बिह्तु होतु, एने यहुदि माणसो काजे घोनो दान आपतू होतु, एने बारबार परमेश्वरोन प्रार्थना कोरतू होतु.

योहान 13:29

यहुदा जुव थोयली रोयती होती, इनान कोरता काहना-काहना सोमज्या कि येसु तीनाक कोय रोयू कि जो काहीन आमुक तीहीवारोन कोरता जुवे चो मुले लेणे, नि ती यो कि गोरीबो काजे काहीन आपे.

लुका 19:8

जक्कय उबरोयीन येसु काजे कोयू, हे प्रभू, देख, मे मारो आदो धोन गोरीब काजे आप दोम, एने कुदान लुचळाय कोरीन लेदलु होय ती तीना काजे चार गुणा आप दोम.

इफिसीयो 4:28

चुरी कोरणे वावू ओवी चुरी नि कोरे, बाकीन वारला कामे कोरणेमा आपनो हातसी मेहनत कोरु इनान कोरता कि जीनाक गोरोज से तीनाक आपनेन कोरता तेरे जुव काहीन रोये.

1 तीमथी 6:17

इनी संसारन मालदार माणसोक आग्या आप कि होया लालची नी होय एने चूलबुल धोनोपोर आस नी कोरे, पुन परमेश्वर पोर जू आमरे सुखोन कोरता आखो एने घोनो सोवटो आप देतलु.

याकुब 2:14

हे मारा भाशो, ओगर कुदु कोयसे कि मेसेक भुरसू छे पुन चू काम नि कोरतू होसे, ती इनासी काय लाभ? काय ओसो भुरसू कोबी तेरु छुटकारू कोर सोकतलु छे?