लुका 21:8 - बारेली पावरी

⁸ येसु कोयू, “हुशारीमा रोयू कि भुलवाय नि जाय, काहाकि घोणा सोवटा मारे नावोसी आवीन कोयसे, ‘मे होयु छे,’ एने यो बी कि, ‘टेम साते आव लागली छे’ तुमु तिना पोछोव झुनी जाता.

लुका 21:8 Referans Kwoze

1 योहान 4:1

हे मोंगावा, एक आत्मान तेरेन तोसो मा कोरु, नि ती आत्मा काजे पारखू कि चे परमेश्वर जुव गोथा छे कि नि; काहाकि झुटा भविष्य कोरणे वावा जोगोमा निकवीन आव लागला छे.

2 थिस्सलुनीकियो 2:3

काहना रितीसी, कुदान धोकामा नि आवनो काहाकि चू दाहळू नि आवे जा तोक धोरमोन त्याग नि होये, एने चू अधोरमी माणूस मतलब नाशोन पुऱ्यु प्रगट नि होये.

इफिसीयो 5:6

कुदू तुमुक वायबार वातोसी धुकू नी देनो जुवे काहाकि इनान कामोन वोजेसी परमेश्वरोन रीस आग्या नि मानने वावा पोर पोळतेली छे.

मत्ती 24:11

लोकेत झुटा भविष्य कोरता उठीन उभरोईसे, एने लोकेत जोनाक भोनकावसे.

2 तीमथी 3:13

पुन दुष्ट एने भडकावने वावा धोकू देतला एने धोकू खातला, बिगडी जातला.

2 योहान 1:7

काहाकि कहानला ओसा भनकावने वावा जोगोमा निकावी रोया, जे यो नि मानतला कि येसु मसिह डीलोमा होईन आयु; भनकावने वावु एने येसु मसिहक रुकने वावा जेच छे.

लुका 17:23

माणसे तुमु काजे कोयसे, “देखू, वा छे, नि ती या छे,” बाकीन तुमु जाता झुनी एने नि तिंदरे पोछोव जाता.

प्रकाशित वाक्य 12:9

तेत्यार चा मोटलु अजगर, मतलब, चू जुनलू घोळसु जू इबलीस एने भुतडू कोवायतलु छे एने आखो जोगोन भळकावने वावू छे, धोरती पोर पाळाय गोयू, एने तेरा दूत तेरे पुठी पाळ गोया.

मत्ती 4:17

तिनी टेमे गोथू येसु प्रचार कोरणे एने यो कोयने सुरवात कोऱ्यु, “मोन फिरावू काहाकि सोरगोन राज साते आव रोया”.

प्रकाशित वाक्य 1:3

सोयावा छे, जे इनी भविष्यवाणीन वचन काजे मानतला छे, एने चे जे सोमवतला छे एने इनाम लिखायली वातो काजे मानतला छे; काहाकि टेम साते छे.

योहान 8:24

इनान कोरता मी तुमु काजे कोयो कि खुदोन आपना पापोमा मोरसू, काहाकि ओगर तुमु भुरसू नि कोरे कि मे चू छे ती खुद आपना पापोमा मोरसू.”

योहान 5:43

मी आपना बासोन नावोसी आवलु छे, एने तुमु मेसे काजे स्वीकार नि कोरतेला; ओगर दिसरू कुदू मारा नावोसी आवे ती तीनाक स्वीकार कोर लेसू.

मत्ती 3:2

“मोन फिरावू, काहाकि सोरगोन राज साते आव लागलो छे.”

लुका 21:7

चे तीनु काजे पुछा, “हे गुरु, यो आखो कोत्यार होयसे? एने जे वाते जेतार पुरी होयने पोर होसे तिनी टेमोन काय निशाणी रोयसे?”

लुका 21:9

जेतार तुमु लोळाय एने दोंगान वाते सोमवे ती घाबरायता झुनी, काहाकि इंदरो पेहले होयनो जोरुरी छे बाकीन तिनी टेमे तेत्यारुत आखरी नि होये.”

योहान 8:28

तेत्यार येसु कोयू, “जेतार तुमु माणसोन पुऱ्याक उचला पोर चोळावसे, ती जानसु कि मे चू छे; मे आपना खुदो काजे काहीन नि कोरतु बाकीन जोसू मारू बास मेसेक सोमवाळ्यु तोसोत जे वाते कोय रोयू.

1 कुरीन्थियो 6:9

काय तुमु नी जानता कि अन्याय कोरण्या माणसे परमेश्वरोन राजोन वारीस नी रोये? धोकू मा खावू; नी वेश्या गमन, नी मूर्ती पुजान, नी परस्त्रीगमन, नी लुचळाय, नी पुरूश गामी,