लुका 2:9 - बारेली पावरी

⁹ एने प्रभून एक दूत तिंदरेनचा आवीन उबरोयू, एने प्रभून विजावो तिंदरे चारू धोळे चोमक्यो, एने चे घोना जुदा बिह गोया.

लुका 2:9 Referans Kwoze

2 कुरीन्थियो 3:18

बाकीन जेतार आपनु आखान उगाळला चेहरासी प्रभून विजावो इना रितीसी छे, जिना रितीसी आरसामा प्रभून लारे जू आत्मा छे आपनु तीना विजावा रुपमा थुलो-थुलो कोरीन बदलता जातला छे.

प्रकाशित वाक्य 18:1

हेरेन ओवतेन एक सोरग दूतो काजे सोरग गोथू उतरतेलु देख्यू, जीनाक मोटलु होक जोळलु होतु; एने कोवी तेरे विजावासी चोमकी उठी.

प्रेषित 27:23

काहाकि परमेश्वरोन जू मे छे एने जेरी सेवा कोरतेलू तेरु सोरग दूत आज राती मारेंचा आवीन उबरोय गोयू.

प्रेषित 5:19

बाकीन राती परमेश्वरोन एक सोरग दूत बंदी वाळान झोपलु उगाळीन तीनु काजे बारथे लावीन कोयू.

योहान 12:41

यशयाह ये वाते इनान कोरता कोयलु कि चू तेरी महिमा देखलू, एने चू तेरा बारामा वाते कोऱ्यु.

लुका 24:4

जेतार चे इनी वातोसी शोंकामा होता ती देख्या, दुय माणसे चोमोकने वावा डोगला पेहेरीन तिंदरे साते आवीन उभा रोया.

प्रकाशित वाक्य 20:11

एने मे एक मोटलु धोव्वु सिहासन एने तिना काजे, यु तिना पोर बोस रोयू, हेरे सामने सी कोवी एने वादवो वाटाय गोया, एने हिंदरेन कोरता जागा नि जोडी.

इब्रानियो 12:21

यो नोजारू ओतरु भयानक होतु कि मुसा कोयू “मे जुदु काम बिह गोयू एने कापतू होतु.”

1 तीमथी 3:16

इनुमा शंका नी होय कि भोक्तीन फरक गंभीर छे, मतलब होयो जे डीलोमा प्रगट होयलो, आत्मामा धोरमी ठेरायू, सोरग दूत काजे देखायतू दिसरा जातीमा हेरा प्रचार होयलू, जोगोमा हेरे पोर भुरसू कोरलु होतु, एने महिमामा उपर चुटायलु होतु.

2 कुरीन्थियो 4:6

इनान कोरता कि परमेश्वरुत छे, जू कोऱ्यु, “आंदारलामा गोथो विजावो चोमके, एने चू मोनोमा चोमक्यू कि परमेश्वरोन महिमान उवखनोन दिवू येसु मसिहन मुयो पोर विजावो होये.”

प्रेषित 12:7

एने देखू प्रभून एक सोरग दूत आयु एने तिना खुलीमा विजावो चोमक्यो एने चू पतरसोन पासवी पोर हात लागाळीन तीनाक जागाळ्यु एने कोयू “साटू उठ एने तेरो हातोमायला साकव्या निकवीन पोळ गोया.”

लुका 1:28

एने सोरगो दूत तीनिनचा माहाय आवीन कोयू, “खुशी एने जीत तारी होये, जीना पोर परमेश्वरोन दया होयली छे! प्रभू तारे पुठी छे.”

मत्ती 1:20

जेतार चू इनी वातोन विचारमा होतु ती प्रभून सोरोग दूत तीनाक सोपनामा आवीन कोयने बाज गोयू, “हे युसूफ दाऊदन पुऱ्या, तू तारी लाडी मरीया काजे तारेनचा लावने मा बिहे, काहाकि जो हेरे कुखोमा छे, चो पवित्र आत्मान लारे छे,

लुका 2:8

एने तिना देसोमा कोतरा गाडरान गुवाव्या होता, जे राती खोयळामा रोयीन आपना टूवान राखवावी कोरता होता.