8 जक्कय उबरोयीन येसु काजे कोयू, हे प्रभू, देख, मे मारो आदो धोन गोरीब काजे आप दोम, एने कुदान लुचळाय कोरीन लेदलु होय ती तीना काजे चार गुणा आप दोम.
आपनो धोन वेचीन दान कोर देवू; एने आपनेन कोरता ओसा थोयला बोनावू जे जुना नी होये, बाकीन सोरगोमा ओसो धोन एखठा कोरु जो घोटे नी एने जीना साते चुटू नि जाय, एने किडा नी बिगाळतला.
एने मे तुमु काजे कोयो कि अधोरमोन धोनोसी आपनेन कोरता दुस्तीदार बनाय लेवू, काहाकि जेतार तोक चो जात रोये ती चे तुमुक ओमोर नीवासीमा ली लेये.
बाकीन होव, महाय वावी चीजो काजे दान कोर देवू, ती देखू, सोब काय तुमरेन कोरता चुखो होय जासे.
तिनीक देखीन प्रभू काजे गिन आवी, एने तिनी काजे कोयू, “मा रोडे.”
तेतार योहान तेरा चेला माईन दुय काजे बुलावीन प्रभूनचा यो पुछने मूकल्यु “काय आवने वावु तुत छे, कि आमु दिसरान एने वाट जुवजे?”
यो देखीन आखा माणसे कुर-कुर कोरता जायीन कोयने बाज गोया, “यु ते एक पापी माणसोनचा जायीन रोय रोयू.”