लुका 18:43 - बारेली पावरी

⁴³ तेत्यार चू तेत्यारुत देखणे बाज गोयू एने परमेश्वरोन बोढाई कोरतू जायीन तेरे पोछोव चाल पोळ्यु; एने आखा माणसे देखीन परमेश्वरोन बोढाई कोऱ्या.

लुका 18:43 Referans Kwoze

गलातियों 1:24

एने चे मारा बारामा परमेश्वरोन महिमा कोरता होता.

प्रेषित 26:18

कि तू तिंदरा डूवा उगाळे इनान कोरता कि चे आंदारामा गोथा विजावामा भुतडान राजम गोथा परमेश्वरोन राजमा आवे, जीनासी चे पापोन माफी एने तीनु माणसो साते होक ली लेये जू मारे पोर भुरसू कोरनेन लारे चुखला होयला छे.

प्रेषित 11:18

चो जे सोमवीन हुगात रोय गोया एने परमेश्वरोन बोढाई कोरता जायीन कोये बाज गोया तेत्यार ते परमेश्वर दिसरा जाती काजे जीवनोन कोरता मोन फिरावनेन वरदान आपलु छे.

प्रेषित 4:21

तेत्यार चे एने तीना काजे धोमकी आपीन छुळ देदा एने काहाकि माणसोन तीनु काजे दोंड आपनेन काय मोकू नि जोळ्यू, एरेन कोरता कि जी वात होयली तेरे वोजेह आखा माणसे परमेश्वरोन बोढाई कोरता होता.

लुका 13:17

जेतार येसु ये वाते कोयू, ती तेरा आखा दुष्मोन लाजवाय गोया, एने आखी भीळ तिनी महिमान कामो पोरसी जो चू कोरतू होतु, खुश होय गोया.

लुका 5:26

तेत्यार आखा वाहराय गोया एने परमेश्वरोन महिमा कोरणे बाज गोया एने घोणा बिहीन कोयने बाज गोया, “आज आमु ओनजानली वात देखला छे.”

लुका 4:39

चू तेरे साते उबरोयीन सेरी काजे धोमकाव्यू एने सेरी उतरी गोयो, एने ची तेत्यारुत उठीन तिंदरा सेवा-चाकरी कोरणे बाज गोयी.

मत्ती 21:14

तेत्यार आंदवा एने लेंगळा, मंदीरमा येसुनचा आव्या, एने येसु तीनु काजे वारू कोऱ्यु.

मत्ती 11:5

कि आंदवा देखतेला एने लेंगळा चालतला एने फिरतेला, कुळावाक चुखा कोराय जातला एने बेहरा सोमवतेला, मोरलाक जीवता कोराय जातला, एने गोरीबोक वारली खोबर सोमवाळाय जातली.

मत्ती 9:8

माणसे यो देखीन नोवलाय गोया एने परमेश्वरोन महिमा कोरणे बाज गोया जू माणसो काजे यु होक आपलु छे.

1 पतरस 2:9

पुन तुमु एक खास पिढ्या, एने राज-पदधारी पुजारान सोमाज, एने चुखला माणसे एने परमेश्वरोन नेवाळली माणसे होयसे, एरेन कोरता कि जू तुमु काजे आंदारामा गोथू तेरा अदभूत विजावामा बुलावलु छे, तेरा गुणे ओगोव कोरु.

लुका 19:37

साते जातु जायीन चू जेतुन बोयळान उतरतीपोर पुग्यू, ती आखा चेला तिना आखा मोटला कामोसी जे चे देखला होता, खुशी होयीन मोटेत बुलोन चे परमेश्वरोन स्तुती कोरणे बाज गोया.

लुका 9:43

तेत्यार आखा माणसे परमेश्वरोन महान ताकत पोरसी वाहराय गोया. बाकीन जेतार आखा माणसे इना आखा कामो पोरसी जो चू कोरतू होतु वाहारायता होता, ती आपना चेला काजे कोयू,