लुका 18:16 - बारेली पावरी

¹⁶ येसु पुऱ्या काजे साते बुलावीन कोयू, “पुऱ्या काजे मारेंचा आवने देवू, एने तीनु काजे मोना कोरु, काहाकि परमेश्वरोन राज असला जून छे.

लुका 18:16 Referans Kwoze

1 कुरीन्थियो 14:20

हे भाशो, तुमु समजनेमा नानला पुऱ्यामा बोनु बुराईमा ते नानला पुऱ्या रोयू, बाकीन सोमोजनेमा शहाना बोनु.

1 कुरीन्थियो 7:14

काहाकि ओसलु घरवावू जू भुरसू नी राखतू होय, चू लाडीन वोजेसी चुखो गीनायतेलु एने ओसली लाडी जी भुरसू नि राखतली घरवावान वोजेसी चुखलो गिनायतली छे; नीती तुमरा पुऱ्या पारी भुंडला रोयता, बाकीन हिमी ते चुखला छे.

1 पतरस 2:2

नोवीन जन्मो लेदला पुऱ्यान तोसो चुखलो आत्मिक दुधोन मोर्जी कोरु, तेरेन कोरता तेरे लारे छुटकारू जोळनो जुवे कोरीन ओगोव जावू,

प्रेषित 2:39

काहाकि यु वायदू तुमरे गोथा तुमरा पुऱ्या पारी एने तुमरे आखान कोरता जे नांबे-नांबे छे मतलब जे आखा जीनुक प्रभू आपनु परमेश्वर तेरेनचा बुलावसे.

मत्ती 19:14

येसु कोयू, “पुऱ्या काजे मारेंचा आवने देवू, एने तीनु काजे मोना मा कोरु, काहाकि सोरगोन राज ओसला जून छे”.

लुका 18:15

ओवतेन माणसे आपना पुऱ्या काजे बी तेरेनचा लावणे बाज गोया कि येसु तिंदरे पोर हात मेके; बाकीन चेला देखीन तीनुक जुर कोऱ्यु.

लुका 18:17

मे तुमु काजे छाचलीन कोयो कि जू कुदू परमेश्वरोन राज काजे नानला पुऱ्या सारको स्वीकार नि कोरे चू तीनामा कोबी नि जाय सोके.”