लुका 17:16 - बारेली पावरी

¹⁶ एने येसुन पायो पोर उबळू पोळीन तेरो धन्यवाद कोरने बाज गोयू, एने चू सामरी होतु.

लुका 17:16 Referans Kwoze

मत्ती 10:5

इनू बारा जोना काजे येसु आग्या आपीन मूकल्यु, “बिन यहुदी वोखे झुन जाता एने सामरीन काहनात देसोमा जाता झुनी.”

प्रकाशित वाक्य 19:10

तेत्यार मे हिनाक नोमोन कोरणेन कोरता तेरा पायो पोर पोड गोयू चू मेसे काजे कोयू, “देख, ओसू मा कोरे, मे तारो एने तारा भाशो साते वावू दास छे जू येसुन गोवायी देणेपोर पाकु छे परमेश्वर काजे नोमोन कोर; काहाकि येसुन गोवायी भविष्यवाणीन आत्मा छे.”

प्रकाशित वाक्य 5:14

एने चारू जोनावरे आमेन कोया, एने पुढाऱ्या भीमा पोडीन नोमोन कोऱ्या.

प्रकाशित वाक्य 4:10

तेत्यार चोवीस प्राचीन सिहासन पोर बोसने वावान ओगोव पोड जासे, एने चू जू कायम जीवतलु छे नोमोन कोरसे; एने चे आपना-आपना मुकुट सिहासनोन ओगोव यो कोयता जायीन मेक देसे,

प्रेषित 1:8

बाकीन जेतार पवित्र आत्मा तुमरे पोर आवसे तेत्यार तुमुक ताकत जोळसे; एने यरुशलेम एने आखा यहुदियामा, एने सामरिया, एने धोरतीन जोगोन धोळे तोक मारा गोवा बोनसू.

योहान 4:9

ची सामरी बायर येसु काजे कोयी, “तू यहुदि होयीन मार सारखी सामरी जुव पाणी काहा मांगतलू?” (काहाकि यहुदि शमरोनी पुठी काहना रितीन व्योहार नी मेकतला).

योहान 8:48

यो सोमवीन यहुदि तीना काजे कोया, “काय आमु वारलो नि कोरतेला कि तू सामरी छे, एने तारेमा भुंडली आत्मा छे?”

योहान 5:23

कि आखा माणसे जोसो बासोन मान राखतला छे तोसोच पुऱ्यान बी मान राखू. जू पुऱ्यान मान नि कोरे, चू बासोन जू तीनाक मुकललु छे, मान नि राखतलु.

लुका 5:8

यो देखीन शिमोन पतरस येसुन पायो पोर पोळ्यु एने कोयू, “हे प्रभू, मारेंचा गोथू जा, काहाकि मे पापी माणूस छे.”

मरकुस 5:33

तेत्यार ची बायर यो जाण गोयी कि मारी कोसी भोलाई होयली छे, बिहती एने कापती जाईन आवी, एने तेरा पायो पोर पोळीन तीना काजे आखी हालत खोरी-खोरी कोय देदी.

मत्ती 2:11

चे तीना ढूरोन वाळामा पुगीण तिना बावा काजे तेरी आया मरीयमोन साते देख्या, एने उबळू पोडीन येसु काजे नोमोन कोऱ्या, एने आपना-थोयल्या छुळीन तीनाक सोनो, एने लोबान, एने गंधरस भेट चोळाव्या.

लुका 17:17

इनापोरसी येसु कोयू, “काय दोस जना चुखा नि होया, ती ओवते चे नव जना का छे?

1 कुरीन्थियो 14:25

एने तिंदरा मोनोमा भेद सामने एने जेतार चू उबळू पोळीन परमेश्वर काजे नोमोन कोरसे एने मान लेसे कि छाचलीन परमेश्वर तुमरा इचमा छे.