लुका 16:2 - बारेली पावरी

² आखरी मालदार तीनाक बुलावीन कोयू, “यो काय छे जो मे तारा बारामा सोमवी रोयू? तारा कारभारन हिसाब आप, काहाकि तू ओगु कारभारी नि रोय सोकतलु.”

लुका 16:2 Referans Kwoze

प्रकाशित वाक्य 20:12

पोछु मे नानला मोटला आखा मोरला काजे सिहासनोन सामने उभरोहलू देख्यू, एने किताबे उगळी गोया; एने ओवी पोछि एक किताब उगळाय गोयी; मतलब जीवनोन किताब; एने जोसो तिना किताबमा लिखायलो होतो, तोसोच हिंदरा कामोन अनसारे मोरलान नियाव कोराय गोयू.

1 पतरस 4:10

जेतार आखा काजे एक खास वरदान जूळलो छे, ती तिनाक परमेश्वरोन ओलोग-ओलोग भातीन अनुग्रहन वारला भंडारीन सामने एक दिसरान सेवामा लागाळू.

1 पतरस 4:5

बाकीन चे तिनाक जू जीवतलान एने मोरलान छे तीनुन न्याय कोरणे तीयार छे, लेखू आपसे.

1 तीमथी 5:24

काहना माणसोन पाप प्रगट होय जातला छे एने नियावोन कोरता पेहलुत पुग जाणे, पुन कुदु पोछोव गोथा आवतेला.

1 तीमथी 4:14

हीना वरदानोन कोरता जू तार पुठी छे एने भविष्यवाणी पुठी डाह-डाहान हात मेकनेन टेमे तुसेक जोळलो होतो, बे फिकर मा रोये.

2 कुरीन्थियो 5:10

काहाकि गोरोजोन छे कि आपना आखान हाल मसिहन नियावोन खुर्ची ओगोव उगळी जासे कि होर एक जोन आपना-आपना वारलो, भुंडला कामोन बोदलु जू चू डीलोन लारे कोरला होय जाय.

1 कुरीन्थियो 4:5

इनान कोरता जेतार तोक प्रभू नी आवे, टेमोन पेहेले काहणी वातोन नियाव मा कोरू; चू आंदारलाम डूकायली वाते विजावामा देखाळसे, एने मोनोन अभीप्राय काजे प्रकट कोरसे, तेत्यार परमेश्वरोनचा गोथो होर एकोन बोळाय होयसे.

1 कुरीन्थियो 4:2

ओवतेन न्या भंडारीमा जी वात देखाय जातली छे कि चू भुरसान लायक होय.

1 कुरीन्थियो 1:11

काहाकि हे मारा भाशो, खोलोयान घोरानान माणसे मेसेक तुमरा बारामा कोयला छे कि तुमु झोगळायला रोयतला छे.

रोमी 14:12

इनान कोरता आमरे मायला होर एक जोणु परमेश्वर काजे आपना-आपना हिसाब आपसे.

लुका 12:42

प्रभू कोयू, “चू विस्वासयोग्य एने बुद्धीमान भंडारी कून छे, जेरु मालिक तीनाक नोवकोर चाकोर पोर सरदार ठेरावे, कि तीनुक टेम पोर खाणेन समान आप देय.

लुका 12:20

बाकीन परमेश्वर तीनाक कोयू, “हे बिन ओकली, इने राती तारू जीव तारे जुव गोथू मांगाय जासे; तेत्यार जो काहीन तू एखठो कोरलु छे चो कुनीन होयसे?”

मत्ती 12:36

एने तुमु काजे कोयो कि जे-जे रिकामा वाते माणसे कोयसे, नियावोन दाहळे हर एक तिनी वातोन हिसाब आपसे.

मत्ती 20:8

सांतू आंगुरोन मोवान मालिक आपना कारभारी काजे कोयू, “दाहळक्या काजे बुलावीन पोसला गोथा पेहेला तोक तीनुक दाहाळकी आप”.

लुका 16:1

ओवतेन येसु चेला काजे बी कोयू एक मालदारोन एक कारभारी होतु, माणसे तीना पोर ओसू गुणू लागाळ्या कि चू तारो आखो धोन उळाव देदलु छे.

लुका 16:3

तेत्यार कारभारी विचार कोरणे बाज गोयू, हिमी मे काय कोरो? काहाकि मारू मालिक कारभारन काम मारजुव गोथो हापकणे बाज रोयू धुवू ते मारेसी खोंदायतलू नि; एने भिक मागणे मेसेक लाज आवतेली.