लुका 16:11 - बारेली पावरी

¹¹ इनान कोरता जेतार तुमु अधोरमोन धोनमा खोरला नि ठेराये, ती खोरलो धोन तुमुक कून सोपसे?

लुका 16:11 Referans Kwoze

लुका 12:33

आपनो धोन वेचीन दान कोर देवू; एने आपनेन कोरता ओसा थोयला बोनावू जे जुना नी होये, बाकीन सोरगोमा ओसो धोन एखठा कोरु जो घोटे नी एने जीना साते चुटू नि जाय, एने किडा नी बिगाळतला.

याकुब 2:5

हे मारा मोंगावा भाशो, सोमवू काय परमेश्वर इना जोगोन भिकारी काजे नि नेवाळ्यू कि भुरसामा मातभोर एने तीना राज्योन अधिकारी होयसू, जेरु वायदु चू तिंदरे साते कोरे जेरेसी मोंग राखतला छे.

इफिसीयो 3:8

मारे पोर जे चुखला माणसो मायला नानासी ते नानू यो मोंग होयो कि मे दिसरा जातीन काजे मसिहन घोन मोटो धोनोन वारली खोबर सोमवाळे.

लुका 18:22

यो सोमवीन येसु तीना काजे कोयू, “तारेमा हिमी बी एक वातोन कोमी छे, आपनो आखो काय वेचीन गोरीब काजे वाट दे, एने तुसेक सोरगोम धोन जूळसे एने आवीन मारे पोछोव.”

लुका 16:9

एने मे तुमु काजे कोयो कि अधोरमोन धोनोसी आपनेन कोरता दुस्तीदार बनाय लेवू, काहाकि जेतार तोक चो जात रोये ती चे तुमुक ओमोर नीवासीमा ली लेये.

प्रकाशित वाक्य 3:18

इनान कोरता मे तुसेक समती आपो कि आगठामा तातो कोरलो सोनो मारे जुव गोथू मुले ली ले कि तू धोनवान होय जाय, एने धोव्वा डोगला लीले कि तुसेक पेहेरीन तुसेक आपना उगाळलान लाज नी आवे, एने तारा डूवामा लागाळनेन कोरता सुरमू लीले कि तू देखणे बाज जाय.

मत्ती 6:24

“काहनलु माणूस दुय मालक्यान सेवा नि कोर सोकतलु, काहाकि चू एक पोर दुष्मोनी एने दिसरा पोर मोंग कोरसे, नि ती एक पुठी साते रोयसे एने दिसरा काजे विटेवलु माणसे तुमु परमेश्वरोन एने धोन दुयोन सेवा नी कोर सोकतला”.

लुका 16:12

एने ओगर तुमु परायान धोनमा खोरला नि ठेरे ती जो तुमरो छे, तीनाक तुमुक कुन आपसे?