लुका 12:42 - बारेली पावरी

⁴² प्रभू कोयू, “चू विस्वासयोग्य एने बुद्धीमान भंडारी कून छे, जेरु मालिक तीनाक नोवकोर चाकोर पोर सरदार ठेरावे, कि तीनुक टेम पोर खाणेन समान आप देय.

लुका 12:42 Referans Kwoze

इब्रानियो 13:17

आपना अगवान आग्या माणू एने तेरे साते रोयू काहाकि ओसला चे तुमरा जीवन काजे देखीन पूस-पास कोरतेला छे, कि तीनु काजे तिंदरू हिसाब आपनो छे, तीनु काजे यो काम खुशीमा कोरणे देवू नी कि असा निकवता जायीन, काहाकि इनासी तुमु काजे काहीन फायदु नी होये.

इब्रानियो 13:7

जा तुमरा डाहला होता, एने जे तुमु काजे परमेश्वरोन वचन सोमवाळला से, तिंदरी फोम कोरु; एने ध्यानसी तिंदरी चाल-चलनोन नाश देखीन तिंदरा भुरसान चाल चालू.”

2 तीमथी 4:2

कि तू वचनोन प्रचार कोर, टेम एने बिना टेम पोर तीयार रोयजी, आखा भातीन सहनसिलता एने शिक्षा पुठी सिकाळ एने लोळ एने सोमजाड.

1 तीमथी 5:17

जे डाह-डाहा वारला पुरती कोरतेला छे, खास कोरीन चे जे वचन सोमवाळने एने सिकाळनेमा मेहनत कोरतेला छे, दुय गुणा आदरन लायक समजनो जुवे.

1 पतरस 4:10

जेतार आखा काजे एक खास वरदान जूळलो छे, ती तिनाक परमेश्वरोन ओलोग-ओलोग भातीन अनुग्रहन वारला भंडारीन सामने एक दिसरान सेवामा लागाळू.

तीतुस 1:7

काहाकि पुढारी काजे परमेश्वरोन भंडारी होयनेन वजा निरदोष होयनो जुवे, नि जिद्दी, नि रीसावू, नि मोंदळ्यु, नि लोळाय कोरणे वावु, एने भुंडला कोमायीन लालच्यु नि रोयनो जुवे.

प्रेषित 20:28

इनान कोरता आपनी एने आखा टूवान तोपास कोरु जीनामा पवित्र आत्मा तुमुक पुढारी ठरावलु छे, कि तुमु परमेश्वरोन मंडव्यान राखवावी कोरे, जीनाक चू आपना लुयसी मुले लेदला छे.

मत्ती 20:8

सांतू आंगुरोन मोवान मालिक आपना कारभारी काजे कोयू, “दाहळक्या काजे बुलावीन पोसला गोथा पेहेला तोक तीनुक दाहाळकी आप”.

इब्रानियो 3:5

मुसा ते परमेश्वरोन आखा घोरमा सेवक सारकु विस्वासयोग्य रोयू कि जिना वातोन वर्णन होयने वावु होतु, तिंदरी गोवायी आपे.

1 तीमथी 3:15

कि अगर मारो आवनेमा टेम होय जाय ती तू जान ले कि परमेश्वरोन मंदीरमा जू जीवतला परमेश्वरोन मंडवी छे, एने जो खोरलान खांबु एने पाये छे कोसू रोयनो जुवे.

लुका 7:13

तिनीक देखीन प्रभू काजे गिन आवी, एने तिनी काजे कोयू, “मा रोडे.”

मत्ती 13:52

येसु तीनु काजे कोयू, “इनान कोरता होर एक शास्त्री जू सोरगोन राजोन चेलू बोनलू छे, तिना घोरोन सारखू छे जू आपना भोंडारमा गोथू नोवली एने जुनली चीजे निकावतलु छे.”

लुका 7:19

तेतार योहान तेरा चेला माईन दुय काजे बुलावीन प्रभूनचा यो पुछने मूकल्यु “काय आवने वावु तुत छे, कि आमु दिसरान एने वाट जुवजे?”

लुका 12:43

सोयावा छे चे दास, जीनुक तिंदरू मालिक आवीन ओसोत कोरतेला देखे.