लुका 10:41 - बारेली पावरी

⁴¹ प्रभू तिनी काजे जोवाब आप्यू, “मार्था, हे मार्था; तू घोणा वातोन कोरता चिंता कोरतेली एने घाबराय तेली.

लुका 10:41 Referans Kwoze

फिलिप्पि 4:6

कानलीत वातोन चिंता मा कोरू; बाकीन होर एक वातोमा तुमरो मांगनो, प्रार्थना एने विनतान लारे धन्यवाद साते परमेश्वर ओगोव उबराखाय जाय.

लुका 21:34

इनान कोरता हुशारीमा रोयू, ओसो नि होये कि तुमरा मोन खुमारीमा, एने मोंदळ्यामा, एने इना जीवनोन चिंतामा पोड जाय, एने चू दाहळू तुमरे पोर फासी सारखु आवीन पोळे.

मरकुस 4:19

एने संसारोन चिंत्ता, एने धोनोन धोकू, एने दिसरा चीजोन लालच तीनामा भोरायीन वचन काजे डाब देतला एने चे निसफोव रोय जातेला.

लुका 12:22

ओवतेन येसु आपना चेला काजे कोयू, “इनान कोरता मे तुमु काजे कोयो, आपना जीवन चींता नि कोरनो; कि आमु काय खाजे; नी आपना डीलोन कि काय पेहेरसू.”

लुका 8:14

जो झाडक्यामा पोळ्यो, यो चे छे जे सोमोवतला, बाकीन ओगा चालीन चींता, एने धोन, एने जीवनोन सुखोमा फोस जातला छे एने तिंदरो फोव नी पाकतलो.

लुका 10:38

जेतार चे जाता होता ती चू एक गावमा गोयू, एने मार्था नावोन एक बाय तीनाक आपने घोर बुलावी.

लुका 10:40

बाकीन मार्था सेवा कोरती-कोरती घाबराय गोयी एने तेरेनचा आवीन कोयने बाज गोयी, “हे प्रभू काय तुसेक काहीन चींता नि होय कि मारी बहोनिश मेसेक सेवा कोरनेन कोरता एखली काजे मेक देदली छे? इनान कोरता तिनी काजे कोय कि मारी मदत कोरे.”

योहान 11:1

मरीया एने तेरी बहोनिश मार्थान गाव बैतनिय्याहान लाजर नावोन एक माणूस बिमार होतु.

योहान 11:5

येसु मार्था एने तेरी बहोनिश एने लाजर इंदरे पोर मोंग कोरतेलू.

योहान 12:2

चा चे तेरेन कोरता खाणो तीयार कोऱ्या; एने मार्था सेवा कोरती होती, एने लाजर तीना मायलु एक होतु जू तेर पुठी खाणो खाणेन कोरता बोसलु होतु.