9 निकदेम तीना काजे जोवाब आप्यू, “जे वाते कोसा होय सोकतला?”
तेरा चेला मायला घोणा सोवटा यो सोमवीन कोया, “जी काठली वात छे; इना काजे कून सोमवी सोकतलो छे?”
इनापोरसी यहुदि यो कोयीन आपोसमा लोळायने बाज गोया, “यु माणूस कोसू आमुक आपनो मास खाणे आप सोकतलु छे?”
मरीया सोरगो दूत काजे कोयी, “यो कोसो होयसे मे ते ओदमी काजे जानतेली तोक नी.”
निकदेम तीनाक कोयू, “माणूस जेतार डूकरू होय गोयू, ती कोसू जन्म होय सोकतलू? काय चू आपना आशोन कुखोमा दुसरे कावार जन्म होय सोकतलु?”
वाहवू जिन्खुर जाने चाहे तिन्खुर जातली छे एने तू तेरू शब्द सोमवतेलु, बाकीन नि मालूम कि चू का गोथू आवलु एने कांखुर जातला? जू कुदु आत्मासी जन्म होयलू छे चू ओसुत छे.
यो सोमवीन येसु तीना काजे कोयू, “तू इस्राईलोन गुरु होयीन बी काय इनी वातो काजे नि सोमज्यू?
