योहान 13:2 - बारेली पावरी

² जेतार भुतडू शिमोनोन पुऱ्यु यहुदा इस्कारीयोतन मोनोमा यो नाख देदलु होतु कि चू धोरावे, ती खाणो खाणेन टेमे.

योहान 13:2 Referans Kwoze

प्रेषित 5:3

पतरस कोयू हे हनन्या! भुतडो तारा मोनोमा जी वात काहा नि कोयू कि तू पवित्र आत्माक झूट बुलने एने जागान दामोमा गोथो काहीन निकावीन मेक लेदू.

प्रकाशित वाक्य 17:17

काहाकि परमेश्वर तिंदरा मोनोमा यो घालसे कि चे तेरी मोर्जी पुरी कोरे, एने जेतार तोक परमेश्वरोन वचन पुरो नी होये, तेत्यार तोक एक मोन होयीन आपनो राज जोनावर काजे आप दे,

इफिसीयो 2:3

इनामा आमु बी आखान आखा पेहेले आपना डीलोन मोर्जीमा दाहळा जावाळता होता एने मोनोन मोर्जी पुरी कोरता होता एने दिसरा माणसो सारखो स्वभाव सी रीसोन पुऱ्या होता.

2 कुरीन्थियो 8:16

परमेश्वरोन धन्यवाद होये, जे तुमरेन कोरता जीत खुशी तीतुसोन मोनोमा मेक देदलु छे,

लुका 22:31

“शिमोन हे शिमोन देख, भुतडू तुमु माणसो काजे मांग लेदलु छे कि गोहून तोसो झाडे,

लुका 22:3

तेत्यार भुतडू यहुदामा भोराय गोयू, जू इस्कारीयोत कोवायतलु एने बारा चेलामा गीनायतू होतु.

योहान 13:4

खाणा पोर गोथू उठीन आपना उपोरला कापळा निकाव देदू, एने फेटू लीन आपनो कोळ्यो बांध्यू.

मत्ती 10:4

शिमोन झिलोट, एने यहुदा इस्कारीयोत जु येसुक धोराव देदलु.

योहान 13:11

चू ते आपना धोरावने वावा काजे जानतू होतु इनान कोरता चू कोयू, “तुमु आखान-आखा चुखा नि होय.”