योहान 1:26 - बारेली पावरी

²⁶ योहान तीनुक जोवाब आप्यू, “मे ते पाणीसी बाप्तिस्मा आपतलु, बाकीन तुमरे इचमा एक जोणु उभू छे तीनाक तुमु नि उवखतला.

योहान 1:26 Referans Kwoze

प्रेषित 1:5

काहाकि योहान ते पाणीमा बाप्तिस्मा आप्यू बाकीन थुलाक दाहळान बादमा तुमु पवित्र आत्मासी बाप्तिस्मा लेसू.

लुका 3:16

तेत्यार योहान तीनु आखा काजे कोयू, मे ते तुमुक पाणीसी बाप्तिस्मा आपतलु, बाकीन चु आवने वावू छे जू मारे गोथू ताकत वावू छे; मे ते तेरे लायक बी नी होय कि तेरा खासळान बोंद छुळ सोको चू तुमुक पवित्र आत्मान एने आगठान बाप्तिस्मा आपसे.

मरकुस 1:8

मे ते तुमु काजे पाणीसी बाप्तिस्मा आपलु छे बाकीन “चू तुमु काजे पवित्र आत्मान बाप्तिस्मा आपसे.”

मत्ती 3:11

मे पाणी कोरीन तुमुक मोन फिरावने बाप्तिस्मा आपतलु, बाकीन जू मारे बादमा आवने वावु छे चू मार गोथा ताकत वावू छे; तेरा चाट्या चूटनेन बी लायक नि होय, चू तुमुक पवित्र आत्मा एने आगठासी बाप्तिस्मा आपसे.

योहान 8:19

चे तीना काजे कोया, “तार बास कां छे?” येसु जोवाब आप्यू, “नि तुमु मेसेक उवखतला, नि मारा बासो काजे, ओगर मेसेक उवखता ती मारा बासो काजे बी उवखता.”

1 योहान 3:1

देखू, बास आमरेपोर कोसो मोंग कोरतेलू छे कि आमु परमेश्वरोन पुऱ्या कोवायजे; एने आमु छे बी इनान कोरता जोग आमुक नी उवख्यू.

प्रेषित 11:16

तेत्यार परमेश्वरोन वचन मेसेक फोम आवी जो चू काय कोरतू होतु, योहान ते पाणीन कोरीन बाप्तिस्मा आप्यू बाकीन तुमुक पवित्र आत्मासी बाप्तिस्मा जोळसे.

योहान 17:25

हे धोरमी बासो, जोग मेसेक नि जान्यू, बाकीन मे तुसेक जान्यू; एने जेबी जान्या कि तूच मेसेक मुकेललु चे.

योहान 17:3

एने ओमोर जीवन यो छे कि चे तुसेक एक धोळ्या खोरला परमेश्वर काजे येसु मसिह काजे, जीनाक तू मुकेललु छे, जाणे.

योहान 16:3

ओसो चे इनान कोरता कोरसे कि चे नी बासो काजे जानतला, एने नि मेसेक जानतला छे.

मत्ती 3:6

चे आपना-आपना पापे कबूल कोरीन यरदन नदीमा तिनान हाते बाप्तिस्मा लेदा.

प्रेषित 19:4

पौलुस कोयू, “योहान यो कोयीन मोन फिरावनेन बाप्तिस्मा आप्यू कि जू मारे बादमा आवने वावू छे, तीना पोर मतलब येसु पोर भुरसू कोरजू.”