याकुब 5:7 - बारेली पावरी

⁷ तेरेन कोरता हे भाशो, प्रभून आवने तोक धीर धोरू देखू खेतो वावु जोगोन किमती धानोन आस राखतु जाईन पेहेलु एने आखरी पाणी पोळने तोक धीर धोरतला छे.

याकुब 5:7 Referans Kwoze

गलातियों 6:9

आमु वारला कामे कोरणेन धीर नी छुळे, काहाकि ओगर आमु ढिला नी होयजे ती टेमो पोर काटनी काटसु.

कुलुस्सि 1:11

तेरी महिमान अनसारे आखा भातीन ताकतसी ताकतवाला बोनता जावू, न्या तोक कि खुशीमा आखा भातीन धीर एने सहन शीलता देखाळ सोके.

इब्रानियो 6:15

एने इना रितीसी धीर धोरीन वाट जुवीन चू वायदू ली लेदू,

रोमी 2:7

जू वारला कामोन एकुत जागे उबो रोयीण, महिमा एने, आदर, एने ओमोर हेरेमा छे तीनुक चू ओमोर जीवन आपसे;

गलातियों 5:5

काहाकि आत्मान लारे आपनु भुरसासी, आस कोरली धारमिकतान वाट जुवतला छे.

1 थिस्सलुनीकियो 2:19

वारलो आमरी आस एने खुशी एने बोढाईन मुकुट काय छे? काय आमरा प्रभू येसुन सामने तेरो आवनेन टेमे तुमु बी रोये.

मत्ती 24:44

इनान कोरता तुमु बी तीयार रोयू, काहाकि जिनी घोळीन बारामा तुमु विचार बी नी होसे, तिनी घोळी माणसोन पुऱ्यु आव लागसे.

1 थिस्सलुनीकियो 3:13

काहाकि चू तुमरा मोनो काजे ओसू पाकु कोरे कि जेतार आमरू प्रभू येसु आपना आखा चुखला माणसो साते आवे, ती चे आमरा परमेश्वर एने बासो सामने चुखलामा निरदोष ठेराये.

मत्ती 24:27

“काहाकि जोसी वीजवी पूरब गोथी निकवीन पश्चिम तोक चोमकतली, तोसुत, माणसोन पुऱ्यु बी आवनो होयसे.

रोमी 15:4

जोतरा वाते पेहेलेत लिखाय गोया, जी आमरेत भोननेन कोरता लिखाय गोयो कि आमु धीर एने पवित्र शास्त्रान प्रोत्साहन लारे आस राखे.

2 पतरस 3:4

एने कोयसे, “तिनान आपनेन वायदू का गोयी काहाकि जेतार गोथा डाह डाहा मोर गोयला छे, आखो काय तोसोच छे जोसो कोव बोननेन टेम गोथो होतो?”

1 थिस्सलुनीकियो 1:3

एने आपना परमेश्वर एने बासोन सामने तुमरा भुरसान काम, एने मोंगोन मेहनत एने आपना प्रभू येसु मसिहमा आसोन धीरोज काजे एक सारखा फोम कोरतेला.

1 कुरीन्थियो 1:7

न्या तोक कि काहना वरदान मा तुमुक घोटी नि होये, एने तुमु आमरा प्रभू येसु मसिहन देखायनेन वाट जुवता रोयला छे.

लुका 21:27

तेत्यार चे माणसोन पुऱ्याक ताकत एने मोटली महिमा साते वादवा पोर आवतेलु देखायसे.

लुका 18:8

मे तुमु काजे कोयो कि, चू तेतारुत तिंदरू नियाव कोरसे ते बी माणसोन पुऱ्यु जेतार आवसे, ती काय चू धोरती पोर भुरसू कोरसे?”

लुका 8:15

बाकीन वारली जागा मायला ये चे छे, जे वचन सोमवीन वारू एने घोनो वारू आपना मोनोमा सोमावीन राखतला एने धीर धोरीन फोवे लावतेला छे.

मत्ती 16:27

माणसोन पुऱ्यु आपना सोरग दूत पुठी आपना बासोन महिमा आवसे, एने तिनी टेमे चू होर एक काजे तिंदरा कामोन अनसारे प्रतीफोव आपसे.

मत्ती 16:28

मे तुमु काजे छाचलीन कोयो कि जे न्या उबरोय रोया, इंदरे माहीन कुदु ओसा छे कि चे जेतार तोक माणसोन पुऱ्याक तेरा राजमा आवतेलु नी देखे, तेत्यार तोक मोतोन सोवाद कोबी नि चाखे.

योहान 21:22

येसु तीना काजे कोयू, “कोदि जुवे ती चू मारे आवने तोक रुकाय रोये, ती मेसेक इनासी काय तू मार पोछोव आव लाग.”

योहान 21:23

इनान कोरता भाशो मे जी वात फेलावरोयू कि यु चेलू नि मोरे; तीबी येसु हिना काजे यो नि कोयू कि होयू नि मोरे, बाकीन यो कि “कोदि मेसेक जुवे कि चू मारे आवने तोक रुकाय रोये, ती मेसेक हेरसी काय?”.

याकुब 4:11

हे भाशो, एक दिसरान बोदनामी मा कोरु, जू आपना भाशोन बोदनामी कोरतेलू छे, चू नियम शास्त्रान बोदनामी कोरतेलू छे एने नियम शास्त्र पोर गुणू लागाळतलु छे; एने ओगर तू नियमशात्रापोर दोष लागाळतलु छे, ती तू नियम शास्त्र पोर चालने वावू नि बाकीन तेरे पोर हाकिम ठेरावसे.

याकुब 5:3

तुमरो सोनो चांदी मा कीट लाग गोयली छे; एने वेदाय तुमरे पोर गोवायी देसे, एने आगठा ओगोव तुमरो मास खाय जासे, तुमु आखरी टेमोमा धोन एकठो कोरला छे.

याकुब 5:10

हे भाशो, जिना भविष्य कोरता मसिहन नावोमा वाते कोरला, तीनुक दुख चुटनो एने धीर धोरणेन एक वारू सोमजू.