याकुब 4:12 - बारेली पावरी

¹² नियम शास्त्र आपनेवावू हाकिम एकुत छे, जू वाचाडने एने नाश कोरणेमा ताकत वावु छे, बाकीन तू कुन छे, जू आपना साते वावा पोर गुणू लागाळतलु छे?

याकुब 4:12 Referans Kwoze

रोमी 14:4

तू कून छे जू दिसरान सेवक पोर गुणू लागाळतलु? तेरो सुदो होयनो नि ते पोड जाणो तेरा मालिक साते रीसतो मेकतलु; बाकीन चू सुधू कोराय जासे, काहाकि प्रभू तीनाक पाकु कोर सोकतेलु.

रोमी 2:1

आखरी, हे गुणू लागाळने वावा, तू कुदुबी काहा नी होय, तू रिकामा छे; काहाकि जिनी वातोमा तू दिसरा पोर दोष लागाळे तिनी वातोमा तू खुदो काजे बी गुणावू ठेरावतलु, इनान कोरता कि तु जू गुणू लागाळलु खुद बी चो काम कोरतेलू.

मत्ती 10:28

जो डीलो काजे नाश कोर सोकतेला, बाकीन आत्मा काजे नाश नि कोर सोकतेलां, तिना काजे मा बिहू; बाकीन तिना काजे बिहू, जू आत्मा एने डील दुयू काजे नोरोगमा नाश कोर सकतेलू छे.

याकुब 5:9

हे भाशो, एक दिसरा पोर दोष मा लागाळू, काहाकि तुमु गुणावा नि बोने; देखू नियाव कोरन्यू झोपला पोर उभू छे.

इब्रानियो 7:25

आखरी, जू तेरे लारे परमेश्वर साते आवतेला चू तिंदरो पुरो-पुरो छुटकारू कोरनेन ताकत छे काहाकि चू तिंदरेन कोरता निवेदन कोरणे हमेशा जीवतलु होये,

रोमी 14:13

आखरी ओगा आमु एक दिसरा पोर गुणू नि लागाळजे, पुन तुमु जो पाको मानतेला कि आपना भाशोन सामने दुख नीती ठूकर खाणेन वोजा होये.

रोमी 9:20

हे माणसो भोलेत तू कून छे जू परमेश्वरोन सामना कोरतेलू? काय बोनावली चीज बोनावने वावा काजे कोय सोकतली “तू मेसे काजे ओसो काहा बोनाव्यू?”

लुका 12:5

मे तुमु काजे जोताळो कि तुमु कुनी काजे बिहनो जुवे, मारनेन ओवते जीना काजे नोरोगमा नाखनेन होक छे, तीना काजे बिहू; होव, मे तुमु काजे कोयो, तीनात काजे बिहू.