याकुब 4:11 - बारेली पावरी

¹¹ हे भाशो, एक दिसरान बोदनामी मा कोरु, जू आपना भाशोन बोदनामी कोरतेलू छे, चू नियम शास्त्रान बोदनामी कोरतेलू छे एने नियम शास्त्र पोर गुणू लागाळतलु छे; एने ओगर तू नियमशात्रापोर दोष लागाळतलु छे, ती तू नियम शास्त्र पोर चालने वावू नि बाकीन तेरे पोर हाकिम ठेरावसे.

याकुब 4:11 Referans Kwoze

1 पतरस 2:1

एरेन कोरता आखा भातीन भेदभाव एने छोळ एने ढोंग एने खोर एने बुराई काजे नांबे कोरीन,

रोमी 2:1

आखरी, हे गुणू लागाळने वावा, तू कुदुबी काहा नी होय, तू रिकामा छे; काहाकि जिनी वातोमा तू दिसरा पोर दोष लागाळे तिनी वातोमा तू खुदो काजे बी गुणावू ठेरावतलु, इनान कोरता कि तु जू गुणू लागाळलु खुद बी चो काम कोरतेलू.

याकुब 5:9

हे भाशो, एक दिसरा पोर दोष मा लागाळू, काहाकि तुमु गुणावा नि बोने; देखू नियाव कोरन्यू झोपला पोर उभू छे.

लुका 6:37

“गुणू मा लागाळू, ती तुमरे पोर बी गुणू नि लागे, दोषी मा ठेरावू, ती तुमु बी दोषी नी ठेराये, माफ कोरु, ती तुमरी बी माफी होय जासे.

1 कुरीन्थियो 4:5

इनान कोरता जेतार तोक प्रभू नी आवे, टेमोन पेहेले काहणी वातोन नियाव मा कोरू; चू आंदारलाम डूकायली वाते विजावामा देखाळसे, एने मोनोन अभीप्राय काजे प्रकट कोरसे, तेत्यार परमेश्वरोनचा गोथो होर एकोन बोळाय होयसे.

इफिसीयो 4:31

आखा भातीन कोळवो एने रीस एने प्रकोप एने कळ एने बुराई एने आखो भेदभाव सी तुमरेसी नांबे मेकाय जाये.

2 कुरीन्थियो 12:20

काहाकि मेसेक बिक छे, कोदि ओसो नी होयनो जुवे कि मे आवीन जोसो जुवे, तोसो तुमुक नी देखो; एने तुमरेमा झोगळू, डाहा, रीस, खिलाप, रीस, चुगली, अभिमान एने झुटा छे.

2 तीमथी 3:3

दया नी करनेवावु, क्षमा नी कोरने वावु, चुगली कोरन्यू, असयंमी, मोटकायी, वारलान दुष्मोन,

1 तीमथी 3:11

इनान कोरता बायोर काजे बी वातळी होयनो जुवे; चुगली लागाळने वावी नी जुवे, पुन चतरावी एने आखी वातोमा भुरसू मेके ओसी जुवे.

रोमी 7:7

ती आमु काय कोयजे? काय शास्त्रनियम पाप छे? कोबी नि, बाकीन बिना शास्त्रनियमोन मे पापो काजे नी उवखी सोको, अगर शास्त्रनियम नी कोयती कि लालच मा कोरे ती मे लालच काजे नी जानतू,

रोमी 2:13

काहाकि परमेश्वरोनचा नियम काजे सोमोवनेवावा धोरमी नि होय बाकीन वचनोन अनसारे चालने वावा धोरमी ठेरायसे से.

याकुब 1:25

बाकीन माणूस आजादी सिद्ध नियम शास्त्र पोर ध्यान कोरतू रोयतलु छे, चू आपना कामोमा इनान कोरता आशिष जोळसे कि सोमवीन विसरे नी बाकीन तोसोच काम कोरतेलू छे.

तीतुस 2:3

इना रितीसी डाहला बायराण चाल चलन धोरमी माणसो सारखी रोये, चे चुगली लागाळने वाली एने मोंदळाय नि, बाकीन वारली वाते सिकाळने वावी जुवे.

याकुब 1:16

हे मारा मोंगावू भाशो, धोकू मा खावू.

याकुब 1:19

हे मारा मोंगावा भाशो, जी वात तुमु जान लेवू होर एक माणूस सोमवनेन कोरता साटू एने बुलनेमा धीर एने रीसमा धीरूस होये.

याकुब 2:8

तीबी कोदि तुमु पवित्र शास्त्रन तीना वचन अनसारे कि “तू आपना घोर धोळे वावा पुठी आपनेन तोसो मोंग राख” छाचलीन तीना राज व्यावस्था काजे पुरा कोरतेला छे, ती वारलोत कोरतेला छे.

याकुब 5:7

तेरेन कोरता हे भाशो, प्रभून आवने तोक धीर धोरू देखू खेतो वावु जोगोन किमती धानोन आस राखतु जाईन पेहेलु एने आखरी पाणी पोळने तोक धीर धोरतला छे.

याकुब 5:10

हे भाशो, जिना भविष्य कोरता मसिहन नावोमा वाते कोरला, तीनुक दुख चुटनो एने धीर धोरणेन एक वारू सोमजू.