याकुब 4:1 - बारेली पावरी

¹ तुमरेमा लोळाय एने झोगळू का गोथा आव लाग्या? काय तीना सुख एने विलासो मा नि जो तुमरे डीलोमा लोळायतला एने कुटायतला छे?

याकुब 4:1 Referans Kwoze

1 पतरस 2:11

हे मोंगावा, मी तुमु काजे विनता कोरो कि तुमु खुदो काजे दिसरा देसोन एने पाहांतऱ्या जानीन इना संसारोन लालूच गोथो जू आत्मामा लोळाय कोरतेली छे, वाचीन रोयू.

गलातियों 5:17

काहाकि डील आत्मान खिलापमा एने आत्मा डीलोन खिलापमा मोर्जी कोरतेला जे एक दिसरान खिलाप छे, इनान कोरता कि तुमु जो कोरनेन कोरतेला चो नी कोर सोकतला.

रोमी 7:23

बाकीन मेसेक आपना डीलोमा दिसरे भातीन शास्त्रनियम देखाय देतली छे, जी मारे बुद्धीन नियमोसी लोळायतली छे एने मेसे काजे पापोन शास्त्रनियमोन बंधनमा नाखतेली जी मारे डीलोम छे.

रोमी 8:7

काहाकि डील पोर मोन लागाळनो ते परमेश्वर साते दुष्मोनी कोरनो छे काहाकि नी ते परमेश्वरोन शास्त्रनियमोन होकमा छे एने नी होय सोकतलो.

याकुब 1:14

काहाकि हर एक माणूस आपनी लालचमा हापकीन एने फोसीन पारखमा पोळतेलु छे,

1 पतरस 1:14

आग्या पावने वावा पुऱ्यान ओगोव आपनी अग्यानता टेमोन जुनली लालचोन तोसा मा बोनु.

कुलुस्सि 3:5

इनान कोरता आपना इना डीलो काजे मार देवू, जो धोरती पोर छे मतलब व्यभिचार, भुंडला काम, दुष्कामना, बुरी लालच एने लोभ काजे मूर्ती पूजान बराबर छे.

2 पतरस 3:3

पेहेले यो जान लेवू कि आखरी दाहळामा हासी मोजाक उळावने वावा आवसे जो आपनी भुंडली मोर्जीन लारे चालसे.

याकुब 4:3

तुमु मांगतला छे पुन तुमुक जोळतेलो नि, तेरेन कोरता कि भुंडी मोर्जी से मांगतला छे, काहाकि आपने भोग विलास मा उळाव देजे.

2 पतरस 2:18

चे वायबार मोटायन वाते कोरीन लुचळान कामोन लारे, तिना माणसोन डीलोन भुंडली मोर्जी आपतला छे जे भोटकलामा गोथा हिमी निकवनेण बाजरोयला छे.

तीतुस 3:3

काहाकि आमु बी पेहेले बिन ओकल्या, एने आग्या नि मानने वावा, एने शंकामा पोळला एने भाती-भातीन लालच एने सुखविलासन गुलामीमा होता, एने भेदभाव, एने रीस कोरनेमा जीवन जीवता होता, एने भुंडला होता एने एक दिसरा पुठी सिगी कोरता होता.

तीतुस 3:9

बाकीन बिन ओकोलोन विवाद एने पोयदावारी एने खिलाप एने झोगळासी जी आग्यान बारामा होय, वाचीन रोय; काहा चे बिना फोवोन एने वायबार छे.

रोमी 7:5

काहाकि जेतार आमु डीलोमा होता ती पापोन लालच जे शास्त्रनियमोन लारे होतो मोरनोन फोव पोयदा कोरनेन कोरता आमरा डीलोमा काम कोरती होती.

मत्ती 15:19

काहाकि भुंडला विचार, खुन, सिनावो, भुंडला विचार, चुरी, झुटी गोवायी एने बुराई, मोनोसी निकवतली छे.

योहान 8:44

तुमु तुमरा बास भुतडासी छे एने तुमरा बासोन मोर्जी काजे पुरी कोरणे चाहतला. चू ते सुरवाती गोथूच हत्यारु एने खोरला पोर सुदू नि रोयू, काहाकि खोरलो तीनामा होतो नि जेतार चू झूट बुलतलु, ती तेरा स्वभावमा गोथूच बुलतलू; काहाकि चू झुटू छे एने झुटोन बास छे.

2 तीमथी 2:23

बाकीन बिन ओकल्यान ओकोल ओलोग से, काहाकि तुसेक मालूम छे कि इनापोरसी झोगळा पोयदा होयतला छे.