याकुब 3:13 - बारेली पावरी

¹³ तुमरेमा ग्यानवान एने समोजदार कून छे? जू ओसो छे चू आपनो कामो काजे वारलो चाल-चलनमा तिना नम्रता साते प्रगट कोरे, जू ग्यानमा उत्पन होयतेली छे.

याकुब 3:13 Referans Kwoze

गलातियों 5:23

नम्रता एने सय्यम छे, ओसला-ओसला कामोन खिलापमा काहनो बी नियम शास्त्र नी होय.

याकुब 3:17

पुन जो ग्यान उपोर गोथो आवतेलो चो पेहेले चुखला होयतेलो छे ओवतेन मिलनसार, कोमल एने सोमोजनेन एने दया एने वारला फोवो गोथो लागलो एने पक्षपात एने कोपट रोहित होयतलु छे.

मत्ती 5:5

“सोयावा छे, जे नम्र छे, काहाकि चे धोरतीन अधिकारी होयसे.”

कुलुस्सि 3:12

इनान कोरता परमेश्वरोन नेवाळलान सारखा जे चुखला एने मोंगावी छे, मोटली दया, एने भोलाई एने दीनता एने नम्रता एने सहन शीलता ली लेवू.

1 पतरस 2:12

दिसरा जातीमा तुमरो चाल चोलोन वारलो रोये; काहाकि जिना-जिना वातोमा होय तुमु काजे भुंडला कामोन जाणीन बोदनाम कोरतेला छे, चे तुमरा वारला कामो काजे देखीन तिंदरे वोजेह दयान दाहळामा परमेश्वरोन महिमा कोरु.

तीतुस 3:2

कुदा काजे बोदनाम झुन कोरता, झोगळावा नि जुवे; बाकीन नोरमन स्वभाव जुवे, एने आखा माणसो पुठी, मोटी नम्रता पुठी रोये.

2 तीमथी 2:25

चू खिलाप काजे नम्रतासी सोमजाडने, काय मालूम परमेश्वर तिंदरा मोन फिरावनेन मोन आपे कि चे बी खोरला काजे उवखे.

फिलिप्पि 1:27

निसतो ओतरो कोरु कि तुमरो चाल चलन मसिहन वारली खोबरोन लायक रोये कि मे आवीन तुमुक देखो, नीती नी बी आवो, तुमरे बारामा सोमवो कि तुमु एकुत आत्मामा पाका रोयू, एने एक मोन होयीन वारली खोबरोन भुरसान कोरता मेहनतोन कोरता रोयतला.

1 तीमथी 6:11

पुन हे परमेश्वरोन माणसे, तू इनी वातोनचा गोथू ढास एने धारमिकता, भोक्ती, भुरसू, मोंग, धीर एने नम्रपणान पोछोव पोड.

याकुब 2:18

नीती कुदु कोय सोकतलु छे, “तुसेक भुरसू छे एने मे काम कोरतेलू छे” तू तारू भुरसू मेसेक काम नि कोरता ते देखाळ; एने मी आपनु भुरसू आपने कामोन लारे तुसेक देखाळीस.

1 पतरस 2:9

पुन तुमु एक खास पिढ्या, एने राज-पदधारी पुजारान सोमाज, एने चुखला माणसे एने परमेश्वरोन नेवाळली माणसे होयसे, एरेन कोरता कि जू तुमु काजे आंदारामा गोथू तेरा अदभूत विजावामा बुलावलु छे, तेरा गुणे ओगोव कोरु.

याकुब 1:21

एरेन कोरता आखी भुंडी एने दुष्मोनी भावोन बोढती काजे नांबे कोरीन तिना वचन काजे नम्रतासी ग्रहण कर लेवू जू मोनमा वेराय गोयो एने जू तुमरे जीवन छुटकारू कोर सोकतलु छे.

1 तीमथी 4:12

कुदू तारी जुवानी काजे कमी नी समजनो जुवे; पुन वचन एने चाल चलन एने मोंग एने भुरसू एने चुखलामा विस्वास्यान कोरता वारलो होय जासे.

2 कुरीन्थियो 10:1

मे चू पौलुस जू तुमरे सामने नम्र छे बाकीन तुमरे पोछोव तुमरेसी कोळक रोयतेलु, तुमु काजे मसिहन नम्रता एने नोरमाईन वजेसी सोमजतेलु.

मत्ती 11:29

मारो जुवळो आपनेपोर हाकली लेवू, एने मारेसी सीकू; काहाकि मे नम्र एने मोनोन गोरीब छे एने तुमु काजे आपना आत्मामा आराम जोळसे.

याकुब 3:1

हे मारा भाशो, तुमरे माईन जादा प्रचारक नि बोने, काहाकि जानतला छे कि आपु प्रचारक ओवी बी गुणावा ठेरावसे.

इफिसीयो 4:2

मतलब आखरी नम्रतासी एने धीर धोरीन मोंगसी एक दिसरान वेठ लेवू.

गलातियों 6:4

पुन हर जोना आपनात कामो काजे पारखतला, एने तेत्यार दिसरान बारामा नी बाकीन आपनात बारामा तीनु काजे घोमंड कोरणेन टेम होयसे.

गलातियों 6:1

हे भाशो अगर कुदु माणूस काहना गुणामा धोराय बी जाय ती तुमु जे आत्मिक छे, नम्रता पुठी ओसला काजे सोमावू, एने खुद बी हुशारीमा रोयू कि तुमु बी परीक्षामा नी पोळे.

2 कुरीन्थियो 8:24

आखरी आपनो मोंग एने आमरो चो घोमंड जी तुमरे बारामा छे, मंडवीन ओगोव उबराखीन तीनु काजे देखाळ्यू.

मत्ती 21:5

“सियोनोन माणसो काजे कोयू, देख, तारू राजा तारेनचा आव रोयू; चू नम्र छे, एने गोदळा पोर बोस रोयू; मतलब गोदळीन पिलापोर.”

1 पतरस 3:4

नीती तुमरो डूकायलो एने माणसोन, नम्रता एने मोनोन दीनतान अविनाशी सोजावट तीयारीमा रोये, काहाकि परमेश्वरोन नजरमा एरू महत्व मोटलो छे.

1 कुरीन्थियो 6:5

मे तुमुक लाजवाळनेन कोरता यो कोयो. छाचलीन तुमरेमा एक बी दिमाक वावू नी जोळतू, जू आपना भाशोन फेसलू कोर सोके?

मत्ती 7:24

इनान कोरता जू कुदू मारी वाते सोमवीन तीनुक मानतला, छे इना ओकोलवावा माणसो सारखु ठेरायसे जू आपनो घोर एक चाफऱ्या पोर बांध्यू.

इब्रानियो 13:5

तुमरा स्वभाव बिना पोयशान लालचोन रोये, एने जो तुमरे जू से, तिनामा खुश रोयजी; काहाकि येसु खुद कोयलु छे, “मे तुसेक कोदि नि छुळो, एने कबी नि नाखो”.

1 पतरस 1:15

बाकीन जोसी तुमरू बुलावने वावू चुखलु छे, तोसोत तुमु भी तुमरा आखा चाल चलनमा पवित्र बोनु.