याकुब 2:8 - बारेली पावरी

⁸ तीबी कोदि तुमु पवित्र शास्त्रन तीना वचन अनसारे कि “तू आपना घोर धोळे वावा पुठी आपनेन तोसो मोंग राख” छाचलीन तीना राज व्यावस्था काजे पुरा कोरतेला छे, ती वारलोत कोरतेला छे.

याकुब 2:8 Referans Kwoze

गलातियों 5:14

काहाकि आखा नियम, इनी एकुत वातमा पुरी होय जातली छे, “तू तारा साते वावा पोर खुदो सारखो मोंग कोर.”

याकुब 2:12

तुमु तीना माणसो सारखा वचन बुलू एने काम भी कोरु, जिंदरु नियाव आजादी व्यवस्थान अनसारे होयसे.

मत्ती 22:39

एने इनीन तोसी जो दिसरी बी छे कि तू आपना साते वावा पोर आपने सारको मोंग कोरजी,

गलातियों 6:2

तुमु एक दिसरान भार हाकलु एने इना रितीसी मसिहन नियम शास्त्र काजे पुरा कोरु.

1 पतरस 2:9

पुन तुमु एक खास पिढ्या, एने राज-पदधारी पुजारान सोमाज, एने चुखला माणसे एने परमेश्वरोन नेवाळली माणसे होयसे, एरेन कोरता कि जू तुमु काजे आंदारामा गोथू तेरा अदभूत विजावामा बुलावलु छे, तेरा गुणे ओगोव कोरु.

याकुब 1:25

बाकीन माणूस आजादी सिद्ध नियम शास्त्र पोर ध्यान कोरतू रोयतलु छे, चू आपना कामोमा इनान कोरता आशिष जोळसे कि सोमवीन विसरे नी बाकीन तोसोच काम कोरतेलू छे.

1 थिस्सलुनीकियो 4:9

बाकीन भाय-भोलायीन मोंगोन बारामा जो, गोरोजोन नि कि मे तुमरे साते काय लिखो, काहाकि आपनेमा मोंग कोरनेन तुमु खुद परमेश्वरोनचा गोथा भोनला छे;

फिलिप्पि 4:14

ते बी तुमु भोलो कोऱ्या कि मारा साती बोन्या.

मत्ती 25:23

तेरु माहाराज तीनाक कोयू, ‘सोयावा छे, वारला एने भुरसान लायोक दास, तु थुलाक भुरसान लायोक रोयू; मे तुसेक घोणा सोवटा चिजोन अधिकारी बोनावीस आपना महाराजोन खुशीमा सहभागी होय जा.’”

याकुब 2:19

तुसेक भुरसू छे कि एकुत परमेश्वर छे; तू वारलु कोरतेलू छे भुंडली आत्मा भी भुरसू राखतेला एने कापतेला छे.

मत्ती 25:21

तेरु माहाराज तिना काजे कोयू, “सोयावा वारला एने भुरसान लायक पावोर, तू थुलाकमा भुरसान लायक रोयू; मे तुसेक घोणा सोवटा चीजोन अधिकारी बोनावीस, आपना महाराजोन खुशीमा सहभागी होय जा.”

मत्ती 7:12

इनान वोजेसी जो काहीन तुमुक लागे कि माणसे तुमरे साते कोरे, तुमु बी तिंदरे पुठी तोसोच कोरु; काहाकि शास्त्रान आग्या एने भविष्य कोरतान शिकवन जीत छे.

रोमी 13:10

मोंग सातेवावान काहीन बुराई नी कोरतेला, इनान कोरता मोंग कोरनो नियम शास्त्र काजे पुरो कोरतेला छे.

याकुब 4:11

हे भाशो, एक दिसरान बोदनामी मा कोरु, जू आपना भाशोन बोदनामी कोरतेलू छे, चू नियम शास्त्रान बोदनामी कोरतेलू छे एने नियम शास्त्र पोर गुणू लागाळतलु छे; एने ओगर तू नियमशात्रापोर दोष लागाळतलु छे, ती तू नियम शास्त्र पोर चालने वावू नि बाकीन तेरे पोर हाकिम ठेरावसे.