याकुब 2:12 - बारेली पावरी

¹² तुमु तीना माणसो सारखा वचन बुलू एने काम भी कोरु, जिंदरु नियाव आजादी व्यवस्थान अनसारे होयसे.

याकुब 2:12 Referans Kwoze

याकुब 1:25

बाकीन माणूस आजादी सिद्ध नियम शास्त्र पोर ध्यान कोरतू रोयतलु छे, चू आपना कामोमा इनान कोरता आशिष जोळसे कि सोमवीन विसरे नी बाकीन तोसोच काम कोरतेलू छे.

याकुब 2:8

तीबी कोदि तुमु पवित्र शास्त्रन तीना वचन अनसारे कि “तू आपना घोर धोळे वावा पुठी आपनेन तोसो मोंग राख” छाचलीन तीना राज व्यावस्था काजे पुरा कोरतेला छे, ती वारलोत कोरतेला छे.

कुलुस्सि 3:17

वचनमा नीती कामोमा जो कायबी वात कोरु आखो प्रभू येसुन नावोसी कोरु, एने तिनान लारे परमेश्वर बासोन धन्यवाद कोरु.

फिलिप्पि 4:8

इनान कोरता हे भाशो जे-जे वाते खोरला छे, एने जे-जे वाते आदोरोन छे, एने जे-जे वाते सही छे, एने जे-जे वाते चुखला छे एने जे-जे वाते वारू एने जे-जे वाते मोन भावनि, मतलब जा बी वारला गुणे एने बोढाईन वाते छे तीना पोर ध्यान लागाळू.

लुका 4:18

“प्रभून आत्मा मार पोर छे इनान कोरता कि चू गरीब काजे वारली खोबर सोमवाळनेन कोरता मारू अभिषेक कोरलु छे, एने मेसेक इनान कोरता मुकेल्लू छे कि बोंदी वावा काजे छुटकारान एने आंदवा काजे नोजोर मेवाळणेन वारली खोबरोन प्रचार कोरो एने छेंदायला काजे छुळावू,

योहान 8:32

तुमु खोरला काजे जानसु, एने तुमुक छुळावसे.

गलातियों 6:2

तुमु एक दिसरान भार हाकलु एने इना रितीसी मसिहन नियम शास्त्र काजे पुरा कोरु.