याकुब 1:27 - बारेली पावरी

²⁷ आमरू परमेश्वर एने बासोन साते चुखली एने वारलु आराधना जी छे कि विखावावू एने रोंडायलीन दुखोमा तेरी खोबर लेय, एने आपनी आप काजे जोगोसी निरदोष राख.

याकुब 1:27 Referans Kwoze

रोमी 12:2

इना संसारोन तोसा मा बोनु, बाकीन तुमरो मोन नोवला होयनेसी तुमरी चाल-चलन बी बोदेलतो जाय, जिनासी तुमु परमेश्वरोन वारली एने गोवणे वावो, एने पाकी मोर्जी अनुभव सी मालूम कोरता रोयू.

याकुब 4:4

हे भुंडला विचारोन काय तुमु नी जानतला कि संसारमा दोस्ती कोरणे परमेश्वर सी नांबे कोरनो छे? आखरी जुव कुदू जोगोन दुस्ती होयने जुवे, चू आपने आप काजे परमेश्वरोन वैरी बोनावतलो छे.

1 तीमथी 5:4

ओगर काहनली रोंडायलीन पुऱ्या या सोगायता होय ती होया पेहेल आपने घोरल्यान साथे भोक्तीन तोसा रोयने जुवे, एने तेरा आसी बासा आखा काजे हर एक काजे तिंदरू होक आपने सिक, काहाकि यो परमेश्वर काजे गोवतेलो छे.

1 तीमथी 1:5

आग्यान निचोड यो छे कि वारलो मोन एने वारलो ग्यान एने बिना कपटीन भुरसासी मोंग पोयदा होये.

लुका 1:6

चे दुयु परमेश्वरोन सामने धोरमी होता, एने प्रभून आखी आग्या एने रिती पोर निरदोष चालने वावा होता.

मत्ती 5:8

“सोयावा छे जे, जिंदरा मोने चुखला छे, काहाकि परमेश्वर काजे देखसे.”

1 योहान 5:18

आपनु जानजे कि जो काय परमेश्वर सी बोनलो छे, चू पाप नि कोरतेलु; बाकीन जो कुदू परमेश्वर सी बोनलो से तीनाक चू वाचाळीन राकतेलु; एने चू भुतडू तीनाक छिम नि सोके.

याकुब 3:17

पुन जो ग्यान उपोर गोथो आवतेलो चो पेहेले चुखला होयतेलो छे ओवतेन मिलनसार, कोमल एने सोमोजनेन एने दया एने वारला फोवो गोथो लागलो एने पक्षपात एने कोपट रोहित होयतलु छे.

गलातियों 6:14

बाकीन ओसो नी होयो दिसरा काहना वातोन मोटाय कोरे, निस्त आपनु प्रभू येसुन मसिहन ख्रूसोपोर जिनान लारे जोग मारा नोजोरमा एने मे जोगोन नोजोरमा ख्रुस पोर चाळाय गोयलु छे.

गलातियों 1:4

चू खुदो काजे आपना पापोन कोरता आप देदू, काहाकि आपनु परमेश्वर एने बासोन मोर्जीन अनसारे आपुक इनी भुंडला संसारसी छुळावे.

गलातियों 5:6

मसिह येसुमा संता वावा एने नी सुंता कोरला काय कामोन नी होय, बाकीन निसतू भुरसू, जू मोंगोन लारे प्रभाव पाळतलु.

मत्ती 12:32

जू कुदू माणसोन पुऱ्यान खिलापमा काहीन वात कोयसे, तेरु यु गुणू माफ कोराय जासे, बाकीन जू कुदू पवित्र आत्मान खिलापमा काहीन कोयसे, तेरा गुणान नि ते इना संसार एने नि ते तिना आवने वावा संसारमा माफ कोरायसे.

रोमी 2:13

काहाकि परमेश्वरोनचा नियम काजे सोमोवनेवावा धोरमी नि होय बाकीन वचनोन अनसारे चालने वावा धोरमी ठेरायसे से.

गलातियों 3:11

बाकीन जी वात प्रगट होई कि नियम शास्त्रान लारे परमेश्वरोनचा कुदू धोरमी नी ठेरतू, काहाकि धोरमी जन भुरसासी जीवतलु रोयसे.

इफिसीयो 2:2

जीनामा तुमु पेहेले इना संसारन रिती पोर एने वादवा मायला मालकोन राज मतलब तिना आत्मान अनसारे चालता होता, जे हीमी बी आग्या नि मानने वावामा काम कोरतेलू छे.

तीतुस 2:12

एने आमुक चेतावनी आपे कि आमुक अभक्ती एने संसारन भुंडली मोर्जीसी मन फिरावनीन इना जोगोमा संयम एने धर्म एने भक्तीसी जीवन जिवू.

याकुब 3:9

इनासी आमु प्रभू एने बासोन स्तुती कोरतेला छे, एने इनासी माणूस काजे जो परमेश्वरोन रूपमा बोनावला छे, शाप देतला छे.

2 पतरस 1:4

जिंदरे लारे चू आमु काजे किमतीवान एने जुदी मोटी वायदू आप्यू, काहाकि तिंदरे लारे तुमु तिनी सोळनेमा गोथा छुळीन जो जोगोमा भुंडली लालूचसी होयतेली छे, परमेश्वरोन स्वभावोमा एखठा होय जावू.

2 पतरस 2:20

जेतार चे प्रभू एने छुटकारू आपनेवावू येसु मसिहन उवोखन लारे जोगोन भाती भातीन विटोवायला सी वाचीन निकव्या, एने ओवी तीनामा कोरीन हार गोया ती तिंदरी पोछली हालत पेहेले गोथी बी भुंडी होय गोयली छे.

2 पतरस 3:14

इनान कोरता हे मोंगावा जेतार कि तुमु इनान वातोन आस देखतलो, ती कोशिश कोरु कि तुमु शांतीसी तिनान ओगोव चुखला एने निरदोष ठोरु.