याकुब 1:25 - बारेली पावरी

²⁵ बाकीन माणूस आजादी सिद्ध नियम शास्त्र पोर ध्यान कोरतू रोयतलु छे, चू आपना कामोमा इनान कोरता आशिष जोळसे कि सोमवीन विसरे नी बाकीन तोसोच काम कोरतेलू छे.

याकुब 1:25 Referans Kwoze

लुका 11:28

चू कोयू, “होव; बाकीन सोयावा चे छे जे परमेश्वरोन वचन सोमवतला एने मानतला.”

योहान 13:17

तुमु जे वाते जानतेला, एने ओगर तीनु पोर चाले ती सोयावा छे.

1 पतरस 2:16

तुमु खुद काजे आजाद कोयू; बाकीन आपनी इनी आजादी काजे बुराईन कोरता आडोव मा बोनावु; बाकीन तुमु खुदो काजे परमेश्वरोन दास सोमजीन चालू,

याकुब 2:12

तुमु तीना माणसो सारखा वचन बुलू एने काम भी कोरु, जिंदरु नियाव आजादी व्यवस्थान अनसारे होयसे.

गलातियों 5:1

मसिह आजादोन कोरता आपु काजे आजाद कोरलु छे हिमी तोक इनामा पाका रोयू, एने गुलामोन हातोमा ओवी पोसा मा जावू.

1 कुरीन्थियो 15:58

इनान कोरता हे मारा मोंगावा भाशो, पाका एने जागेत रोयू, एने प्रभून कामोमा आखामा बोढता जावू, काहाकि यो जानतला छे कि तुमरो मेहनत वायबार नी होय.

1 तीमथी 4:16

तुमरी एने तुमरा प्रचारन तोपास कोर. इनू वातो पोर एक जागे रोय, काहाकि अगर ओसू कोरतू रोयीस ती तू तारा एने तारा सोमोवने वावान कोरता बी छुटकारान वोजा होयसे.

2 कुरीन्थियो 13:5

आपना खुदो काजे पारखू कि भुरसामा होय कि नी होय. आपना खुदजे पारखू, काय तुमु आपना बारामा यो नी जानतला कि येसु मसिह तुमरेमा छे? नीती तुमु पारखमा बिन कामोन निकवला छे.

रोमी 11:22

इनान कोरता परमेश्वरोन मोंग एने काठलो पण देख, जे पोड गोया तिंदरे पोर काठलो छे बाकीन तारे पोर मोंग, हिमी तू तिनामा पाकु रोय, नीती तुसेक बी काट नाखसे.

रोमी 8:15

काहाकि तुमुक गुलामोन आत्मा नी कि तुमु बिही जावू, बाकीन सेवेत्र्यु मोंगोन आत्मा जोळली छे, जीनामा आपु हे अब्बा, हे बास कोयीन आयळीन कोयतेला.

गलातियों 2:4

जो इना झुटा भाशोन वोजेसी होये, जे चुरी कोरनेसी भोराय गोयला होता, कि इना छुटकारान जू मसिह येसुमा आमु जोळलु छे, भेद लीन आमु बोंदी बोनाव्यू.

योहान 8:36

इनान कोरता ओगर पुऱ्यु तुमुक छुळावसे, ती छाचलीन तुमु छुळवाय जावू.

प्रकाशित वाक्य 14:13

पोछु मे सोरगोमा गोथू यो बुल सोमव्यू, “लिख, जे मोरला प्रभूमा मोरतला छे चे हिमी गोथा सोयावा छे” आत्मा कोये, “होव, काहाकि चे आपना आखा मेहनतसी आराम कोरसे, तिंदरा कामे हिंदरे साते जात रोयतला छे.”

1 तीमथी 2:15

ती भी बायर पुऱ्या काजे जन्मो आपनेने लारे छुटकारू हासील कोरसे, अगर ची धीर साते भुरसू, मोंग, एने चुखलामा एक जागे रोये.

रोमी 7:12

इनान कोरता शास्त्रनियम चुखलो छे एने आग्या बी चुखलो एने सोही एने वारली छे.

प्रेषित 26:22

इना रितीसी परमेश्वरोनचा गोथो मदत लीन मे आज तोक बोनलू छे एने नानला मोटला ओगोव गोवायी आप रोयू एने जे वात भविष्य कोरता एने मुसा कोयलु छे कि चे होयने वावा छे इनुक छुळीन एने काय नि कोयतेलु.

प्रेषित 13:43

जेतार आराधना सोर गोयी ती घोन सोवटा यहुदिवावा आवला एने भोक्तीवावान गोथा घोणा सोवटा माणसे पौलुस एने बरनाबास पोछोव चाल पोळ्या चे वाते कोयता जायीन तीनु काजे सोमजाड्या कि परमेश्वरोन दयामा टीकिन रोयजू.

इब्रानियो 12:15

ध्यानसी देखता रोयू कि कुदू परमेश्वरोन दयासी छेटू नी रोय जाय, नीती कुदु कोळोवालो थुळ फुटीन तोकलीत आपे, एने लारे घोना सोवटा माणसे भुंडली होय जाय.

प्रेषित 2:42

एने चे प्रेषितोन गोथा लगातार शिक्षा लेणे, एने संगती कोरणे, रुटू खाणे, एने प्रार्थना कोरणेन मोन लागाळ रोया होता.

प्रकाशित वाक्य 22:14

“सोयावा चे छे, जे आपना छिंदरा धुवलेतला छे, काहाकि तीनुक जीवनोन झाडोनचा आवनेन होक जोळसे, एने फाटकोण गोथा आवीन गावमा भोरायसे.”

1 योहान 2:24

जो काय तू पेहेलेन सोमवला छे चो होयू तारेमा बोनलु रोये ती तू बी पुऱ्यामा एने बासोमा बोनलु रोयीस.

कुलुस्सि 1:23

अगर तुमु भुरसान पाया पोर पाका उबरोय रोये एने तीना वारली खोबरोन आस काजे जिनाक तुमु सोमवला छे मा छुळू, जिनान वारली खोबर सोरगोन नेळो आखो जोगोमा कोराय गोयो एने जेरू मे पौलुस सेवक बोन्यू.

रोमी 2:13

काहाकि परमेश्वरोनचा नियम काजे सोमोवनेवावा धोरमी नि होय बाकीन वचनोन अनसारे चालने वावा धोरमी ठेरायसे से.

रोमी 8:2

काहाकि जीवनोन आत्मान शास्त्रनियमोन जो येसु मसिहमा मेसेक पापोन एने मोतोन शास्त्रनियम सी आजाद कोर देदू.

गलातियों 6:2

तुमु एक दिसरान भार हाकलु एने इना रितीसी मसिहन नियम शास्त्र काजे पुरा कोरु.