याकुब 1:17 - बारेली पावरी

¹⁷ काहाकि होर एक वारलो वरदान एने होर एक वारलो दान उपोर गोथो छे, एने विजावान बासोनचा गोथो जूळतलो छे, जीनामा नि ओदोल बोदोल होयनेन वोजेह हीनापोर सहावू पोळतेलु छे.

याकुब 1:17 Referans Kwoze

योहान 3:27

योहान जवाब आप्यू, “जेतार तोक माणसो काजे सोरगोमा गोथो नि आपाये, तेत्यार तोक तीनाक काय नी जोळ सोकतलो.”

मत्ती 7:11

ती जेतार तुमु भुंडा होयीन बी, आपना पुऱ्या काजे वारला चीजे आपने जानतेला, ती तुमुक सोरगोन बास तेरे जूव मांगणे वावा काजे वारला चीजे काहा नि आपे?

इब्रानियो 13:8

येसु मसिह काल ने आज कायम एक सारखु छे.

योहान 8:12

येसु ओवी माणसो काजे कोयू “जोगोन विजावो मे छे; जू मार पोछोव आवसे चू आंदाराम नि चाले, बाकीन जीवनोन विजावो जोळसे.”

1 योहान 1:5

जी वारली खोबर आमु तीना जुव गोथा सोमव्या एने तुमु काजे सोमवाळ रोया, चो यो छे कि परमेश्वर विजावो छे एने तेरे सामने आंदारलो नि होय.

याकुब 3:17

पुन जो ग्यान उपोर गोथो आवतेलो चो पेहेले चुखला होयतेलो छे ओवतेन मिलनसार, कोमल एने सोमोजनेन एने दया एने वारला फोवो गोथो लागलो एने पक्षपात एने कोपट रोहित होयतलु छे.

इफिसीयो 2:8

काहाकि भुरसान लारे दयासी तुमरो छुटकारू होयलो छे; एने यो तुमरे भूनी गोथा नी बाकीन परमेश्वरोन दान छे.

लुका 11:13

आखरी जेतार तुमु भुंडला होयीन बी तुमरा पुऱ्या काजे वारली चीज आपने जानतला, ती सोरगो मायलु बास आपना मांगणे वावा काजे पवित्र आत्मा काहा नी आपे.’”

1 कुरीन्थियो 4:7

काहाकि तुमरेमा एने दिसरामा कून मोटाय कोरे? एने तारे जुव काय छे जो तू दिसरासी नी लेदू? एने जेतार कि तू दिसरासी लेदलु छे, ती ओसी मोटायकी काहा कोरे कि माणू नि जोळ्यो?

1 योहान 4:10

मोंग इनामा नि कि आमु परमेश्वर पोर मोंग कोऱ्या, बाकीन इनाम छे कि चू आमरेपोर मोंग कोऱ्यु एने आमरा पापोन पश्चातापन कोरता हेरा पुऱ्या काजे मूकल्यु.

इफिसीयो 1:18

एने तुमरे मोनोन डूवा विजावो बोने कि तुमु सोमजी लेवू कि बुलावनेन आस काय छे एने चुखला माणसोमा तेरो भागीदार महिमान धोन कोसो छे.

योहान 1:9

खोरलो विजावो जो हर एक माणसोक विजावो आपतेलो छे, जोगोमा आवने वावु होतु.

प्रकाशित वाक्य 21:23

तिना गावमा सूर्यान एने चांदोन विजावान गोरोज नी होय, काहाकि परमेश्वरोन तेजोसी तिनामा विजावो होयलो छे, एने गाडरु हिंदरु दिवू छे.

2 कुरीन्थियो 4:6

इनान कोरता कि परमेश्वरुत छे, जू कोऱ्यु, “आंदारलामा गोथो विजावो चोमके, एने चू मोनोमा चोमक्यू कि परमेश्वरोन महिमान उवखनोन दिवू येसु मसिहन मुयो पोर विजावो होये.”

प्रकाशित वाक्य 22:5

पोछि रात नी होये, एने तिना दिवा एने दाहळान विजावान गोरोज नी रोये, काहाकि प्रभू परमेश्वर हिनुक विजावो आपसे, एने चे कायम राज कोरसे.

याकुब 1:5

कोदि तुमरे माहीन कुदा काजे बुद्धीन कोमी होसे ती परमेश्वर जू मांगु, जू बिना हीच-किचाये आप देसे.

रोमी 6:23

काहाकि पापोन दाहाळकी ते मोत छे बाकीन परमेश्वरोन वरदान आपना प्रभू येसु मसिहमा ओमोर जीवन छे.

याकुब 3:15

यो ग्यान चो नि होय जो उपोर गोथो उतरतेलो छे, एने संसारोन, एने शरीरोन, एने भुतडान छे.

फिलिप्पि 1:29

काहाकि मसिहन वजेसी तुमरे पोर यो गिन होयी कि नी तीनु पोर जो भुरसू कोरे बाकीन तिंदरेन कोरता दुख भी उठाव्यू.

प्रेषित 11:18

चो जे सोमवीन हुगात रोय गोया एने परमेश्वरोन बोढाई कोरता जायीन कोये बाज गोया तेत्यार ते परमेश्वर दिसरा जाती काजे जीवनोन कोरता मोन फिरावनेन वरदान आपलु छे.

प्रेषित 5:31

तीना काजे परमेश्वर प्रभू काजे छुटकारू आपन्यु ठेरावीन आपने जेवळे हाते उचू कोर देदू छे, कि चू इस्राईल काजे मोन फिरावनेन ताकत पापोन माफी आप सोके.

योहान 3:3

येसु तीनु काजे जोवाब आप्यू, “मे तुसेक छाचलीन-छाचलीन कोयो, ओगर कुदू नोवला रितीसी नि जन्म होये ती परमेश्वरोन राज देख नि सोकतलू,.”

1 तीमथी 6:16

एने ओमोरकाई निसतो तेरो छे एने चू लेके विजावामा रोयतलु छे, एने नि तीनाक काहनलु माणूस नि देख्यू एने नी कोदि देख सके, हेरी महिमा एने राज्य हमेशा रोयसे. आमेन.