याकुब 1:12 - बारेली पावरी

¹² सोयावू छे जू माणूस जू पारखमा वातळू रोयतलु छे, काहाकि चू छाचलीन निकवीन जीवनोन होयू मुकुट जोळ जासे जेरी वायदू परमेश्वर एने आपना मोंग कोरने वावा साते कोरलु छे.

याकुब 1:12 Referans Kwoze

1 पतरस 5:10

तुमु इतरीक वार तोकलीत झेलीन आखो दयान परमेश्वर छे, जू तुमु काजे येसु मसिहमा तेरी ओमोरकाईन महिमान कोरता बुलावलु, चू खुद तुमु काजे सिद्ध, पाक्का ताकत वावा एने स्थिर कोरसे.

प्रकाशित वाक्य 2:10

जे दुख तुसेक झेलणो पोळसे, तीनु काजे मा बिहे काहाकि देखू, भुतडू तुमरेमा गोथू काहनास काजे जेल खाणामा घालणेमा छे, काहाकि तुमु पारखाय जावू एने तुमु काजे दोस दाहळा तोक दुख झेलणो पोळसे जीव आपता तोक विश्वासी रोयजी, ती मे तुसेक जीवनोन मुकुट आपीस.

याकुब 5:11

देखू आपु धीर धोरणेन वावा काजे सोयावा कोयतेला छे तुमु अय्युब धीरोन बारामा ते सोमवला छे, एने प्रभूनचा गोथो जू तेरो प्रतीफोव होयलो तिनाक भी जान लेदला छे, तेरेसी मसिहन घोन मोटी दोया एने मोंग प्रकट होयली छे.

रोमी 8:28

आमु काजे मालूम छे कि माणसे परमेश्वर पोर मोंग कोरतेला छे, तिंदरेन कोरता आखा वातोक भेसकीन वारलो पोयदा कोरतेली छे; मतलब तीनुन कोरता जी तेरी मोर्जीन अनसारे बुलवाय गोयला छे.

मत्ती 10:22

मारा नावोन वोजेसी आखा माणसे तुमरे पुठी दुष्मोनी कोरसे, एने जू आखरी तोक धीर धोरीन रोयसे तेरु छुटकारू होयसे.

1 कुरीन्थियो 9:25

होर एक पेहेलवान आखा रितीन तंबू कोरतेलू छे; होयु एक चिमटायने वावा मुकुट काजे हासील कोरनेन कोरता यो आखो कोरतेलू छे, बाकीन आमु ते तीना मुकुटोन कोरता कोरतेला जो चिमटायतेलो नी.

1 पतरस 3:14

ओगर तुमु धोरमोन वोजेह दुख झेलसु, ती सोयावा छे; बाकीन माणसोन वातो काजे मा बिहू, एने मा घाबरायु,

2 तीमथी 4:8

भविष्यमा मारेन कोरता धोरमोन होयो मुकुट मेक मेक्यो छे, जीनाक प्रभू जू धोरमी न्यायी छे मेसेक तीने दाहळे आपसे, एने मेसे ओतरु नि एने हीन आखा काजे बी हिंदरा प्रकट होयनेन काजे मोंगावू मानताला छे.

याकुब 2:5

हे मारा मोंगावा भाशो, सोमवू काय परमेश्वर इना जोगोन भिकारी काजे नि नेवाळ्यू कि भुरसामा मातभोर एने तीना राज्योन अधिकारी होयसू, जेरु वायदु चू तिंदरे साते कोरे जेरेसी मोंग राखतला छे.

1 पतरस 5:4

जेतार प्रोधान राखनेवावू प्रगट होयसे ती तुमु अमोर महिमान मुकुट जोळसे.

1 कुरीन्थियो 2:9

बाकीन ओसो लिखलो छे, “जी वाते डूवा नी देख्या कानटो नी सोमव्यो, एने जे वाते माणसोन मोनमा नी चोळी चेत छे जे परमेश्वरमा आपनो मोंग राखणे वावान कोरता तीयार कोरला छे.”

प्रकाशित वाक्य 3:21

जो जय हासील कोरे, मे तीनाक मारे पुठी मारा सिहासन पोर बोसाळीस, जोसू मे बी जय हासील कोरीन मारा बासो पुठी तेरा सिहासन पोर बोठ गोयू.

1 पतरस 4:13

बाकीन जोसो-जोसो तुमु मसिहन दुखोमा सहभागी होयतला छे, खुशीमा रोयू, जीनासी तेरी महिमा प्रकट होयते सोमय भी तुमु खुशीसी भोराय जावू.

1 कुरीन्थियो 8:3

बाकीन कुदू परमेश्वर पोर मोंग कोरे ती परमेश्वर तीना काजे उवेखतलु कि.

प्रकाशित वाक्य 3:19

मे जिना-जिना पोर मोंग कोरो, तीनु आखा काजे (दुख) एने (तकलिप) आपो कि, इनान कोरता वारला कामे होय एने मोन फिरावे.

इब्रानियो 10:32

बाकीन तीनु दाहळान फोम कोऱ्यु जेतार तुमु विजावो लेनेन ओवतेन खुदो तोकलीतमा पाका उबरोयला होता.

इब्रानियो 6:15

एने इना रितीसी धीर धोरीन वाट जुवीन चू वायदू ली लेदू,

मत्ती 25:34

तेत्यार राजा तेरे जेवळे धोळे वावा काजे कोयसे, “हे मारा बासोन सोयावा माणसे आवू इना राजोन अधिकारी बोन जावू, जो जोगोन पेहेले गोथो तुमरेन कोरता तियार कोरलु छे.”

इब्रानियो 11:17

भुरसासी अब्राहाम पारखाय जाणेन टेमे इसाहाक काजे वेदी पोर चोळाव्यू मतलब जीना काजे वायदू आपलु होतु चू तेरा पुऱ्या काजे बलि चोळावने वावू होतु.

1 योहान 4:19

आमु इनान कोरता मोंग कोरतेला, कि पेहेले चू आमरेपोर मोंग कोऱ्यु.

इब्रानियो 12:5

एने तुमु तिना प्रचार काजे जे तुमु काजे पुऱ्यु सोमजीन आपाय गोयू, विसरी गोया, “हे मारा पुऱ्या, परमेश्वरोन तकलिप काजे होलकी वातोमा सोमजू, एने हिमी चू तुसेक झीटकारे ती हिंमत नी हारजी.”

लुका 6:22

“सोयावा छे तुमु जेतार माणसोन पुऱ्यान कोरता माणसे तुमरे साते दुष्मोनी कोरसे एने तुमु काजे निकाव देसे, एने तुमुक ताकलीत देसे, एने तुमरो नाव बुरो सोमजीन काट देसे”

रोमी 5:4

एने धीरसी खोरलो निकवनो एने खोरलो निकवनेसी आस पोयदा होयतेली छे;.

2 तीमथी 2:15

खुदो काजे परमेश्वरोक स्वीकार कोरनेन लायक एने ओसा कामे कोरने वावू ठेरावनेन कोशिश कोरतेला जू लोजित नी होये एने जुवे खोरला वचन काजे वारला रितीसी काममा लावतलु.

1 पतरस 4:14

ओगर मसिहन नावोन वोजेसी तुमरी बुराई कोराय जातली छे, ती तुमु सोयावा छे, काहाकि महिमान आत्मा, जू परमेश्वरोन आत्मा छे, तुमरेमा आव्या कोरतेलू छे.