याकुब 1:1 - बारेली पावरी

¹ परमेश्वरोन एने प्रभू येसु मसिहन चेलू याकुबोनचा गोथा चे बारा पिढी काजे गया तीतर बीतर होईन रोयला तीनुक नमस्कार मुकलो.

याकुब 1:1 Referans Kwoze

1 पतरस 1:1

पतरसोनचा गोथू जू येसु मसिहन प्रेषितो छे, तीनु पोरदेशीन नाव जो पुन्तुस, गलातिन, कप्पदूकिया, आसिया एने बिथुनीयामा तितर बितोर होईन रोयला छे,

योहान 7:35

यहुदि आपसामा कोया यु का जासे कि होयू आपनुक नि जुळे? काय यु तिना यहुदिनचा जासे जे युनानीमा वेरा वेर होय रोया होता, एने युनानी काजे बी संदेश आपसे?

प्रेषित 8:1

शाउल तेरी मोत सी सहमत होतु, तिने दाहळे यरुशलेमोन मंडवी पोर मोटूत छोळोन सुरवात होय गोयी एने प्रेषितोन काजे छुळीन आखान आखा यहुदिया एने सामरिया देसोमा तितर-बीतर होय गोया.

प्रेषित 26:7

आमरा बास पिढी इना वायदान फोव लेनेन आसोमा खुशीसी रात दाहळू परमेश्वरोन सेवा कोरला छे एने हे राजा इना आसोन बारामा यहुदि मारे पोर गुणू लागाळतला.

प्रेषित 15:23

चे तिंदरे हाते यो लिखीन मुकल्या “प्रेषितोन एने तीनु भाशोन तोरोफसी जे डायला छे, अन्ताकिया सिरीया एने किलिकिया मंडवीन भाशो काजे जे दिसरा जातीन होता नमस्कार.”

तीतुस 1:1

पौलुसोन भूनी गोथो जू परमेश्वरोन सेवक एने येसु मसिहन प्रेषित छे, परमेश्वरोन नेवाळला माणसोन भुरसू एने तिना खोराइन उखाइतान अनसारे जो भोक्तीन अनसारे छे,

गलातियों 2:9

एने जेतार चे इना दयासी जो मेसेक जोळलो होतो, सोमजी गोयू, ती याकुब एने कैफा, एने योहान जे मंडवीन खांबा सोमजता होता, मेसेक एने बरनाबास काजे संगतीन जेवळ्या हात मेवाळयु कि आमु दिसरा जातीन माणसोमा जाय, एने चे सुंता कोरलानचा;

प्रेषित 15:13

जेतार चे हुगा होय गोया तेतार याकुब कोयने बाज गोयू, “भाशो मारी सोमवू”.

रोमी 1:1

पौलुसोनचा गोथो जू येसु मसिहन दास छे, एने प्रेषित होयनेन कोरता बुलावलु छे, एने परमेश्वरोन तिना वारली खोबरोन कोरीन ओलोग कोराय गोयलु छे,

प्रेषित 21:18

दिसरे दाहळे पौलुस आमुक लीन याकुबोनचा लीन गोयू जा सारी आखा पुढारी एखठा होता.

योहान 12:26

ओगर कुदु मारी सेवा कोरसे ती, मारे पोछोव चालू; एने चा मे छे, चा वारू सेवक बी रोयसे ओगर कुदु मारी सेवा बी कोरसे ती, बास तेरु मान कोरसे.

मत्ती 19:28

येसु तीनु काजे कोयू, “मे तुमु काजे छाचलीन कोयो कि नोवली जोगोमा जेतार माणसोन पुऱ्यु आपनी महिमान सिहासन पोर बोठसे, ती तुमु मारे पोछोव आवला छे, बारा सिहासन पोर बोसीन इस्राईलोन बारा पिढीन नियाव कोरसू.

यहुदा 1:1

यहुदा भूनी गोथो जो येसु मसिहन दास एने याकुबोन भाश छे, तीनुक बुलावलान नावे जो परमेश्वरोन बासोमा मोंगावा एने येसु मसिहन कोरता वारला छे.

2 पतरस 1:1

शिमोन पतरसोन जुव गोथो, जू येसु मसिहन पावोर एने प्रेषितोन छे, तीनु माणसोन नाव जे आमरू परमेश्वर एने छुटकारू आपने वावु येसु मसिहन धारमिकतान लारे आमरेन तोसो किमतीन भुरसू हासील कोर लेदू.

फिलिप्पि 1:1

मसिह येसुन सेवक पौलुस एने तीमथीन तोरोफसी, आखा चुखला माणसोन नावे जे येसु मसिहमा रोयीण फिलीप्पी देसोमा रोयता होता, पुढारी एने सेवक साते.

गलातियों 2:12

इनान कोरता कि याकुब भूनी गोथा लोकेत माणसे आवनेन पेहेल चू दिसरा जातीन माणसो पुठी खाया कोरतू होतु बाकीन जेतार चे आव्या ती सुंता होयला माणसोन बिहीन पोछा जात रोया एने ओलोग कोरणे बाज गोयू.

गलातियों 1:19

बाकीन प्रभू येसुन भाश याकुब काजे छुळीन एने प्रेषितमा गोथा कुदा काजे नी जोळ्यो.

प्रेषित 15:21

काहाकि जोनावरोमा गोथो सोहोर-सोहोरमा मुसान नियम शास्त्रण वारली खोबर कोयने वावा होयने आवला छे, एने आखा शब्बाथोन दाहळे प्रार्थना घोरमा वाचाय जातली छे.

प्रेषित 1:13

जेतार चे चा पुग्या ती चे एक घोरोन तावापोर गोया, जा पतरस एने योहान, एने याकुब, एने शिमोन, एने अन्द्रियास, एने फिलीप एने थोमा, बरतुल्मै, एने मत्ती, एने हलफईन पुऱ्यु याकुब, एने शिमोन जीलोद एने याकुबोन पुऱ्यु यहुदा रोयता होता.

मत्ती 13:55

काय यु सुतारोन पुऱ्यु नी होय? एने काय एरी आयान नाव मरीयम एने एरा भाशोन नावे याकुब, युसूफ, शिमोन एने यहुदा नी होय?

प्रेषित 12:17

बाकीन चू तीनु काजे हुगा रोयनेन हात वारू कोरीन देखाळ्यू प्रभून काहनास रितीसी मेसेक बंदी वाळामा गोथू बारथे निकव्यू, एने चू कोयू याकुब एने भाशो काजे जी वात कोय देजु “तेत्यार चू चा गोथू निकवीन दिसरे जागे जात रोयू.

प्रकाशित वाक्य 7:4

जिना पोर छापू लागाळाय गोया तिंदरी मे गिनती सोमव्यू, मतलब इस्राईलोन पिढीन आखा जातीमा एक लाख चोवीस हजार पोर छापू आपाय गोया.

प्रेषित 2:5

सोरगोन तोवे होर एक जातीन भक्तीमान यहुदि यरुशलेममा रोयता होता.

लुका 22:30

काहाकि तुमु मारा राज्यमा मारे साते बोसीन मारा मेज पर खावू-पिवू, बाकीन सिहासन पोर बोसीन इस्राईलोन बारा पिढीन नियाव कोरो.

मत्ती 10:3

फिलीप, एने बरतुल्मै, थोमा, एने फावू लेणेवावू मत्ती, हलफईन पुऱ्यु याकुब, एने तद्दै.

2 तीमथी 4:21

सिवायन पेहेले आवनेन कोरजी, युबुलूस एने पुदेस एने लीनुस एने कलौदिया एने सब भाशोन तुसेक नमस्कार.

प्रेषित 23:26

माहाराज फेलिकस सुभेदार काजे क्लौदियुस लुसियासोन नमस्कार.

लुका 6:15

एने मत्ती, एने थोमा, एने हलफईन पुऱ्यु याकुब, एने शिमोन जु जीलोत कोवायतू होतु,

मरकुस 3:18

एने अन्द्रियास, एने फिलीप, एने बरतुल्मै एने मत्ती, एने थोमा, एने हलफईन पुऱ्यु याकुब, एने तद्दै, एने शिमोन कनानी,