इब्रानियो 8:3 - बारेली पावरी

³ काहाकि होर एक महायाजक भेट एने बलिदान दुयू काजे बी चोळावनेन कोरता नेवळाय जातलु छे, आखरी, यो गोरोजोन छे कि चोळावनेन कोरता इना महायाजोक जुव बी काहीन रोयनो जुवे.

इब्रानियो 8:3 Referans Kwoze

इब्रानियो 5:1

आखा महायाजक माणसोमा गोथो नेवळाय जातलो छे, एने माणसोन कोरता नेवळाय जातलो छे, तिना वातोन बारामा जो परमेश्वर साते नात राखे, ठराय जातलो कि पापोन कोरता भेट एने बलिदान दुयू चोळाव्या कोरे.

इफिसीयो 5:2

एने मोंगोमा चालू जोसू मसिह तुमरे पोर मोंग कोरलु, एने आमरेन कोरता खुदो काजे सुख आपने वावो सुगंधोन कोरता परमेश्वरोन ओगोव भेट चोळावीन बलिदान कोर देदू.

इब्रानियो 9:14

ती मसिहन लुय जू आपना खुदो काजे हमेशान आत्मान लारे परमेश्वरोन सामने निरदोष चोळाव गोयू तुमरा मोनो काजे ओवी बी जादा काहा नी चुखो कोरे तुमु जीवतला परमेश्वरोन सेवा कोरु.

इब्रानियो 7:27

जीनुक दिसरा महायाजक सारखो यो गोरोज नी होय कि दाहळीन पेहेले आपना पापो एने ओवी माणसोन पापोन कोरता बलिदान चोळावे, काहाकि चू खुद काजे बलिदान चोळावीन हमेशान कोरता पुरो कोर देदु.

तीतुस 2:14

जू खुद काजे आमरेन कोरता आप देदू कि आमु होर एक भातीन पापोमा गोथू छुळाव लेय एने चुखा कोरीन आपनेन कोरता एक ओसी जात बोनाव लेये जे वारला-वारला कामोमा तीयार जुवे.

योहान 6:51

जीवनोन रुटू जो सोरगे गोथो उतऱ्यु, मी छे कोबी कुदू इना रुटाम गोथू खाय, ती कायम जीवतलु रोयसे; एने यु रुटू मे जोगोन जीवनोन कोरता आपीस, चो मारो मास छे.”

रोमी 4:25

चू आमरा पापोन गुणान कोरता धोराय गोयू, एने आमुक धोरमी ठेरावनेन कोरता जीवतू कोराय गोयू.

रोमी 5:6

काहाकि जेतार आमु कोमजुर होता ती येसु मसिह सही टेम पोर धोरमीन कोरता मोर गोयू.

रोमी 5:8

बाकीन परमेश्वर आमरेपोर आपना मोंगोन भोलाई इना रितीसी प्रगट कोरतेलू कि जेतार आमु पापीत होता तेत्यार मसिह आमरेन कोरीन मोऱ्यु.

गलातियों 2:20

मे मसिह पुठी ख्रुस पोर चोळाय गोयू, हिमी मे जीवतलु नी रोयू पुन मसिह मारेमा जीवतला छे; एने मे डीलोम हिमी मे जीवतलु छे, जू परमेश्वर परमेश्वरोन पुऱ्या पोर छे, जू मार पोर मोंग कोऱ्यु एने मारेन कोरीन खुदो काजे आप देदू.

इब्रानियो 2:17

इना वजेसी तीनुन जुवतो होतो, कि आखा वातोमा तुमरा भाशो सारखो बोनु जीनासी चू परमेश्वर सी नात बोनावे, एक दयावू एने भुरसान लायक महायाजक बोने ताकी माणसोन पापोन कोरता पोसतावू कोरे.

इब्रानियो 3:1

इनान कोरता हे चुखला भाशो, तुमु जे सोरगोन बुलावनेन सहभागी छे, तिना प्रेषित एने महायाजक येसु पोर जीनाक आमु मानतला मोन लागाळू.

इब्रानियो 8:4

अगर चू धोरती पोर रोयतू ती कोदि नी पुजारू बोनतु एरेन कोरता कि शास्त्र नियममोन अनसारे भेट चोळावने वावा छे.