इब्रानियो 8:1 - बारेली पावरी

¹ हिमी जी वाते आमु कोय देदला छे, तीनामा खास वात यी छे कि आमरू ओसलु महायाजक छे, जू सोरगोमा परम सोयावान सिहासनोन जेवळे धोळे जायीन बोठलु छे.

इब्रानियो 8:1 Referans Kwoze

कुलुस्सि 3:1

आखरी, जेतार तुमु मसिह पुठी जीवाळाय गोया, ती सोरगोन चीजोन हेर कोरणेमा रोयू, जा मसिह रोयतेलु छे, एने परमेश्वरोन जेवळे धोळे बोस रोयू.

इब्रानियो 1:3

चू तेरी महिमान विजावो एने परमेश्वरोन रुपोन प्रतिरूप छे, एने आखा चीजो काजे हेरो ताकतोन वचनोन लारे सोमावतेलु छे, चू पापो काजे धुवीन उचला जागा पोर महामहीमोन जेवळे धोळे बोस रोयू.

प्रकाशित वाक्य 3:21

जो जय हासील कोरे, मे तीनाक मारे पुठी मारा सिहासन पोर बोसाळीस, जोसू मे बी जय हासील कोरीन मारा बासो पुठी तेरा सिहासन पोर बोठ गोयू.

इब्रानियो 12:2

एने भुरसान कोरता एने पुरो कोरणे वावा येसु भूनी तुमरी नोजोर लागाळ रोयू, जू तिना खुशीन कोरता जो तेरे ओगोव मेकलो होतो लाजवायनेन चिंता नी कोरीन ख्रुसोन दुख झेल्यू, एने परमेश्वरोन सिहासनोन जेवळे धोळे जायीन बोश्यू.

इब्रानियो 2:17

इना वजेसी तीनुन जुवतो होतो, कि आखा वातोमा तुमरा भाशो सारखो बोनु जीनासी चू परमेश्वर सी नात बोनावे, एक दयावू एने भुरसान लायक महायाजक बोने ताकी माणसोन पापोन कोरता पोसतावू कोरे.

इब्रानियो 10:12

बाकीन जे पुजारू ते पापीन बोदले हमेशान कोरता एकुत बलिदान चोळावीन परमेश्वरोन जेवळे धोळे जायीन बोश्यू.

इब्रानियो 1:13

बाकीन सोरग दूतोमा गोथू चू कुणी काजे केतार कोयू, “तू मारे जेवळे धोळे बोठ, जेतार तोक मे तारा दुष्मोनो काजे तारा पायोन नेचली पिढी नि कोर दोम.”

इफिसीयो 6:20

जिनान कोरता मे साकव्यासी बांधलु राजदूत छे; एने यो बी कि मे इतरा वारामा जोसो मेसेक लाग्यो हिंमतसी बुलो.

मरकुस 16:19

प्रभू येसु तिंदरे साते वात कोरनेन ओवतेन सोरग पोर चुटाय गोयू, एने परमेश्वरोन जेवळे धोळे बोस गोयू.

इब्रानियो 3:1

इनान कोरता हे चुखला भाशो, तुमु जे सोरगोन बुलावनेन सहभागी छे, तिना प्रेषित एने महायाजक येसु पोर जीनाक आमु मानतला मोन लागाळू.

इब्रानियो 4:14

जेतार कि आपनु ओसू मोटलु महायाजक छे, जू सोरगोमा गोथू होयीन गोयू, मतलब परमेश्वरोन पुऱ्यु येसु, ती आवू आपनु आपना स्वीकारला काजे मजबूत धोरीन रोयसू.