इब्रानियो 6:4 - बारेली पावरी

⁴ काहाकि जे माणसे एक कावा विजावो ली लेदला एने सोरगोन वोरदानोक चाख लेदा एने पवित्र आत्मान भागीदार बोनाव लेदला छे.

इब्रानियो 6:4 Referans Kwoze

मत्ती 5:13

तुमु धोरतीन मीठो छे; बाकीन अगर मीठान सोवाद बीगळी जाय ती चो पोछो काहना चीजोसी खारो कोरायसे? ओवतेन चो काय कामोन नी होय, निसतो एरू कि बारथे नाखाय जाय एने माणसोन पायो तोवे रोंदवाय जाय.

योहान 15:6

ओगर कुदु मारेमा जूळाय नि रोये, ती चू डाविन तोसु नाखाय जातु, एने सुक जातला छे; एने माणसे तीनुक एखठा कोरीन आगठामा नाख देतला छे, एने चे बी जातला छे.

इफिसीयो 2:8

काहाकि भुरसान लारे दयासी तुमरो छुटकारू होयलो छे; एने यो तुमरे भूनी गोथा नी बाकीन परमेश्वरोन दान छे.

योहान 3:27

योहान जवाब आप्यू, “जेतार तोक माणसो काजे सोरगोमा गोथो नि आपाये, तेत्यार तोक तीनाक काय नी जोळ सोकतलो.”

इब्रानियो 10:32

बाकीन तीनु दाहळान फोम कोऱ्यु जेतार तुमु विजावो लेनेन ओवतेन खुदो तोकलीतमा पाका उबरोयला होता.

मत्ती 12:45

तेत्यार चू जायीन तेर गोथी सात भुंडली आत्मा काजे तेरे साते लीन आवतेली, एने चे चा वास कोरे एने तिना माणसोन पेहली दशासी पोछली दशा जादा भुंडी होय जातली छे. इनी कोवीन भुंडला माणसोन हालत बी ओसीत होयसे.”

गलातियों 3:2

मे तुमरे जुव गोथू यो जाननेन कोर रोयू, कि तुमु आत्मा काजे काय, नियम शास्त्रान कामोमा गोथू नीती भुरसान वारली खोबरसी जोळ्यू.

2 तीमथी 2:25

चू खिलाप काजे नम्रतासी सोमजाडने, काय मालूम परमेश्वर तिंदरा मोन फिरावनेन मोन आपे कि चे बी खोरला काजे उवखे.

1 योहान 5:16

अगर कुदू आपना भाश काजे पाप कोरतेलू देखे, जेरो फोव मोरण नि होय, ती विनता कोरु, एने परमेश्वर तेरेन कोरता, जे असो पाप कोऱ्या जेरो फोव मोरण नि होसे, जीवाय आपसे. ओसलो पाप बी रोये कि तेरो फोव मोरण छे एरा बारामा मे विनता कोरणे नि कोयो.

इब्रानियो 2:4

एने तिना रितीसी परमेश्वर बी तेरी मोर्जीन लारे चिन्ह चमत्कार एने भाती भातीन मोटला कामे एने पवित्र आत्मान वरदानोन वाटनेन लारे तेरी गोवायी आप्यू.

1 तीमथी 4:14

हीना वरदानोन कोरता जू तार पुठी छे एने भविष्यवाणी पुठी डाह-डाहान हात मेकनेन टेमे तुसेक जोळलो होतो, बे फिकर मा रोये.

प्रेषित 11:17

आखरी जेतार परमेश्वर तीनुक भी चो दान आप्यू, जो आमुक प्रभू येसु मसिह पोर भुरसू कोरणेसी जोळलो होतो; कि मे कून होतु जू परमेश्वर काजे रुकतू?

इफिसीयो 4:7

बाकीन आमरेन गोथा होर एक काजे मसिहन दानोन अनसारे दया जोळी.

इफिसीयो 3:7

मे परमेश्वरोन मोंगोन तिना दानोन अनसारे, जोतरी मोटला प्रभावोन अनसारे मेसे काजे आपाय गोयलो छे तिना वारली खोबरोन सेवक बोन्यू.

प्रेषित 10:45

एने जोतरा सुंता कोरला विस्वासी पतरस पुठी आवला होता, चे आखा वाहराय गोया कि दिसरा जातीन माणसो पोर भी पवित्र आत्मान दान रेचवायलो छे.

प्रेषित 8:20

पतरस तीनाक कोयू, “तारा रुप्या तारे पुठी नाश होये, काहाकि तू परमेश्वरोन दान रुप्यासी मुले लेनेन विचार कोऱ्यु.”

योहान 6:32

येसु तीनु काजे कोयू, “मे तुमु काजे छाचलीन-छाचलीन कोयो कि मुसा तुमु काजे चे रुटा सोरगोमा गोथू नि आप्यू, बाकीन मारू बास तुमुक खोरलू रुटू सोरगोमा गोथू आपतलु छे.

गलातियों 3:5

जू तुमुक आत्मान दान कोरतेलू एने तुमरेमा मोटला कामे कोरतेला काय चा नियम शास्त्रन कामोसी नि ती वारली खोबर असो कोरे.

प्रेषित 15:8

एने परमेश्वर जू माणसो काजे पारखे, तीनु काजे बी पवित्र आत्मा आपीन तिंदरा बारामा गोवायी आपे.

योहान 4:10

येसु जोवाब आप्यू, “ओगर तू परमेश्वरोन वरदान काजे उवखती, एने यो बी जानती कि चू कून छे, जू तुसेक कोयने बाज रोयु, मेसेक पाणी पाव, ती तू तीना जूव मागती एने चू तुसेक जीवनोन पाणी आपतू.”

2 तीमथी 4:14

सिकनदर थोठरु मारा पुठी जुदु बुराई कोरलु छे; प्रभू हिनाक हेरा कामोन अनसारे बदल देसे.

रोमी 1:11

काहाकि मे तुमु काजे मेवनेन लालच कोरतेलू छे, मे तुमुक काहीन आत्मिक वरदान आपो जीनासी तुमु पाका होय जासू;.

2 कुरीन्थियो 4:4

एने तीनु अविस्वासन कोरता जिंदरी बुद्धी इना संसारोन भोगवान आंदवी कोर देदलु छे, काहाकि मसिह जू परमेश्वरोन प्रतिरूप छे, तेरे विजावान वारली खोबरोन विजावो तीनु पोर चोमके.

2 कुरीन्थियो 4:6

इनान कोरता कि परमेश्वरुत छे, जू कोऱ्यु, “आंदारलामा गोथो विजावो चोमके, एने चू मोनोमा चोमक्यू कि परमेश्वरोन महिमान उवखनोन दिवू येसु मसिहन मुयो पोर विजावो होये.”

इफिसीयो 1:18

एने तुमरे मोनोन डूवा विजावो बोने कि तुमु सोमजी लेवू कि बुलावनेन आस काय छे एने चुखला माणसोमा तेरो भागीदार महिमान धोन कोसो छे.