इब्रानियो 6:2 - बारेली पावरी

² एने बाप्तिस्मा, एने हात मेकने, एने मोरला काजे जीव उठने, एने ओमोरकाईन नियावोन शिक्षा तोसु पायु एने पोछो मा नाखू.

इब्रानियो 6:2 Referans Kwoze

प्रेषित 6:6

तीनुक प्रेषितोन ओगोव उभराख्या एने चे प्रार्थना कोरीन तीनु पोर हात मेक्या.

प्रेषित 24:25

बाकीन जेतार पौलुस नेकीन आत्मान धीर एने आवने वावा नियावोन बारामा बुल रोयू होतु ती फेलिकस बिही गोयू एने कोयू “इनी टेमे तू जात रोय टेम जोळसे ती मे तुसेक ओवी बुलावीस.”

प्रेषित 23:6

तेत्यार पौलुस यो सोमवीन कि एक तुमरी सदुकीन एने दिसरो फरुशीन छे महासभामा आयळीन कोया, “हे भाशो मे फरुशी एने फरुशीन पिढीन छे, मोरलान आस एने जीव उठनेन बारामा मारू नियाव चालू छे.”

प्रेषित 17:18

तेत्यार इपीकुरी एने स्तोईकीन माणसो माइन काहना तीना साते झोगळू कोरणे बाज गोया, एने काहनास कोया, “यु बळबळ कोरन्यू काय कोरणे चा रोयू?” बाकीन दिसरा कोया “चू दिसरा परमेश्वरोन प्रचारक मालूम पोळे, काहाकि चू येसु एने पोछोव जीव उठनेन वारली खोबर कोयतू होतु.”

प्रेषित 16:33

राती तिनी टेमे चू तीनु काजे लीजायीन तिंदरो घाव धुव्यू एने चू आपना आखो माणसो साते बाप्तिस्मा लेदू.

प्रेषित 16:15

जेतार ची एने तेरा घोरानो मेवीन बाप्तिस्मा लेदा ती ची आमु काजे विनता कोरी “अगर तुमु मेसेक प्रभून विस्वासी सोमजी रोया, ती आवीन मारे घोर आवीन रोयू,” एने ची आमु काजे मोनावीन ली गोयी.

प्रेषित 10:47

“काय कुदु पाणी काजे रुक सोकतलु कि यो बाप्तिस्मा नि लेये, जे आमरे सारका पवित्र आत्मा ली रोया.”

प्रेषित 2:41

आखरी चे माणसे तेरो वचन सोमव्या चे बाप्तिस्मा लेदा; एने तिने दाहळे तीनुमा लगभग तीन हजार माणसे मेवाय गया.

प्रेषित 2:38

पतरस तीनु काजे कोयू, “मोन फिरावू एने तुमरे मायला आखा आपना-आपना पापोन माफीन कोरीन येसु मसिहन नावसी बाप्तिस्मा लेवू तेतार तुमु पवित्र आत्मान वरदान लेसू.”

योहान 1:33

मे ते तीनाक उवोखतू नि होतु, बाकीन जू मेसेक पाणीसी बाप्तिस्मा आपने मूकल्यु, चू मेसेक कोयू, जीना पोर तू आत्मा काजे उतरतेलु एने उभ रोयतलु देख्यू, चू पवित्र आत्मासी बाप्तिस्मा आपनेवावू छे.

मरकुस 16:16

जू भुरसू कोरे एने बाप्तिस्मा लेये तेरूत छुटकारू होयसे, बाकीन जू भुरसू नी कोऱ्या चा गुणावा ठेराय जासे.

मत्ती 28:19

इनान कोरता तुमु जावू, आखा जात्यान माणसो काजे चेला बोनावू; एने तीनुक बास, एने पुऱ्यु, एने पवित्र आत्मान नावोसी बाप्तिस्मा आपु.

2 पतरस 3:7

बाकीन चाळ कुदान सोरगोन एने कोवीन तिना वचनोन लारे इनान कोरता मेक देदला छे कि धोपाळ देय; एने जे अधोरमी माणसोन न्याय एने नाश होयनेन दाहळे तोक ओसात मेक रोयसे.

इब्रानियो 11:35

बायरा पोछा जीव उठनेन लारे आपला मोरला काजे पोछा जीवतला देख्या, काहनास काजे तोकलीत आप्या बाकीन चे छुटकारू नी मांग्या जीनासी कि एक वारला पोछोव जीव उठने काजे ली लेये.

इब्रानियो 9:10

काहाकि यो निसतो खाणो पिणेन चीजे एने भाती भातीन उंगवनेन विधीन बारामा डीलोन नियम छे यो सुधार कोरनेन टेमे तोक ठेराय गोयलो छे.

2 तीमथी 2:18

जो यो कोयीन कि जीव उठनो होय गोयलो छे खोरलासी भोटकी गोयला छे, एने कोतरा विस्वास्या काजे उलटा पुलटा कोर देतला छे.

कुलुस्सि 2:12

एने तेरे साते बाप्तिस्मामा गाळाय गोया एने तीनामा परमेश्वरोन ताकत पोर भुरसू कोरीन जू तीनाक मोरलाम गोथू जीवाळ्यू तेरे साते जीव उठ्या.

फिलिप्पि 3:21

चू आपनी ताकतोन तिना असर सी जिनान लारे चे आखा चीजो काजे आपना हातोमा कोर सकतला छे, आपनी कोमजोर डीलोन रूप बोदलावीन आपनी महिमान डीलो सारका बोनाव देसे.

1 कुरीन्थियो 12:13

काहाकि आखा यहुदि होय काय युनानी, काय पावोर होय काय छुटकारू एकुत आत्मान लारे एक डील होयनेन कोरता बाप्तिस्मा लेदू, एने आपनु आखा काजे एकुत आत्मा पिवाळी छे.

1 कुरीन्थियो 10:2

एने आखा वादवामा एने दोरीयामा, मुसान बाप्तिस्मा लेदा.

रोमी 2:16

जीने दाहळे परमेश्वर मारा वारली खोबरोन अनसारे येसु मसिहन लारे माणसोन डूकायला वातोन नियाव कोरसे.

प्रेषित 26:8

जो वात तुमु माणसो काजे अविस्वासी काहा लागतली कि परमेश्वर मोरला गोथू पोछु जीव उठलु छे?

प्रेषित 24:21

एने इनी एक वात काजे छुळीन जो मे तिंदरे इचमा मा उबरोय रोयू होतु तेत्यार मे जुरेत मोटा बुलोमा कोयलु होतु “मोरनेमा गोथो पोछोव जीव उठनेन बारामा आज मारू नियाव तारे सामने कोराय रोयू.”

प्रेषित 24:15

एने परमेश्वर सी आस कोरतेलू कि जीनाक तुमु खुद बी राख रोया कि धोरमी अधोरमी दुयोन जीव उठनो छे.

प्रेषित 4:2

एने इनी वातोसी जुदा काम रीसवाईरोया होता कि, चे माणसो काजे प्रचार आपता होता एने येसुन उदाहरण आपीन मोरलान पोछु जीव उठनेन प्रचार कोरता होता.

योहान 5:29

जे वारलो कोरला छे चे पोछा जीव उठनेन कोरता जीव उठसे एने जे बुराई कोरला छे चे दोंडो भोगणे कोरता पोछा उठसे.

लुका 14:14

तेत्यार तू सोयावा होयीस, काहाकि तिंदरे जुव तुसेक बोदलु आपनेन कोरता काहीन नि होय, बाकीन तुसेक धोरमीन जीव उठने पोर एरू प्रतीफोव जोळसे.”

लुका 12:50

मेसेक ते एक बाप्तिस्मा लेनो छे, एने जेतार तोक चू नि होये तेत्यार तोक मे कानली हालोतमा रोयीस”

लुका 11:38

फरुशी काजे यो देखीन नोवलाय लागी कि चू खाणो खाणेन पेहेले उंगव्यू नी.

लुका 3:16

तेत्यार योहान तीनु आखा काजे कोयू, मे ते तुमुक पाणीसी बाप्तिस्मा आपतलु, बाकीन चु आवने वावू छे जू मारे गोथू ताकत वावू छे; मे ते तेरे लायक बी नी होय कि तेरा खासळान बोंद छुळ सोको चू तुमुक पवित्र आत्मान एने आगठान बाप्तिस्मा आपसे.

मरकुस 7:8

काहाकि तुमु परमेश्वरोन आग्या काजे टाविन माणसोन रिती काजे मानतेला.

मरकुस 7:4

एने हाटोमा गोथा आवीन, जेतार तोक उग्वे नि, तेत्यार तोक नि खातला; एने लोकेत दिसरा वाते छे जे तिंदरे जुव माननेन कोरीन पुगाळला छे, जोसा वाटका, एने कोवशा, एने तांबान ठाहरा काजे धुवनो-उजावोनो.

मत्ती 3:14

बाकीन योहान यो कोयीन तीनाक रुकने बाज गोयू, “मेसेक ते तारे हातोसी बाप्तिस्मा लेनेन गोरोज छे, एने तू मारेंचा आव रोयू?”

2 कुरीन्थियो 5:10

काहाकि गोरोजोन छे कि आपना आखान हाल मसिहन नियावोन खुर्ची ओगोव उगळी जासे कि होर एक जोन आपना-आपना वारलो, भुंडला कामोन बोदलु जू चू डीलोन लारे कोरला होय जाय.

प्रेषित 13:3

चे जेतार उपास प्रार्थना कोर लेदा ती तिंदरे पोर हात मेकीन तीनु काजे मुकली देदु.