इब्रानियो 5:7 - बारेली पावरी

⁷ आपना डीलोमा रोयनेन दाहळामा मसिह तीनासी जू तीनाक मोरनेमा गोथू वाचाड सोकतू जुरेत आवाजमा आयळीन एने आसवा वोयाळी वोयाळीन प्रार्थना एने विनता कोऱ्यु एने भोक्तीन वोजेसी तेरो सोमवाया गोयो.

इब्रानियो 5:7 Referans Kwoze

योहान 17:1

येसु जी वाते कोयू एने आपना डूवा सोरगे भूनी उचा कोरीन कोयू, “हे बास, ची टेम आव पुगली छे; आपना पुऱ्यान महिमा कोर कि पुऱ्यु बी तारी महिमा कोरे,

मत्ती 27:46

तिसरे प्रोहोरोन साते येसु मोटला बुलोसी आयळीन कोयू, “एली, एली, लमाशबक्तनी”? मतलब “हे मारा परमेश्वर, हे मारा परमेश्वर, तू मेसेक काहा छुळ देदु?”

मरकुस 15:34

तिसरे पोहर येसु मोटात बुलोमा आयळीन कोयू, “इलोई, इलोई, लमा सबखथनी?” एरू मतलब यो छे, “हे मारा परमेश्वर, हे मारा परमेश्वर, तू मेसे काजे काहा छुळ देदू?”

इब्रानियो 12:28

आखरी, जेतार आमु काजे ओसलो राज जोळनेपोर पाको छे, ती आवू आपु मजबूत रोयीण आदर एने बिकोमा परमेश्वरोन ओसी आराधना कोरे जू तीना काजे पसंद छे.

योहान 11:35

येसु रोड्यू.

मत्ती 27:50

ती येसु पोछु मोटला बुलोसी आयळीन जीव छुळ देदु.

मरकुस 15:37

तेत्यार येसु मोटात बुलोसी आयळीन जीव छुळ देदू.

इब्रानियो 2:14

आखरी; जिना रितीसी पुऱ्या मास एने लुयोन सहभागीता छे, ती चू खुद बी तीना रितीसी सहभागी होय गोयू, कि मोरोनोन लारे तीनाक मोरने पोर ताकत जोळी मतलब भुतडा काजे रिकामो कोर देये.

लुका 23:46

एने येसु मोटात बुलोमा आयळीन कोयू, “हे बासो, मी मारू आत्मा तारा हातोमा सोपो” एने जो कोयीन जीव छुळ देदू.

इब्रानियो 13:20

हिमी शांती दाता परमेश्वर, जू गाडरान महान राखवाव आपना प्रभू येसु काजे ओमोरकाईन वायदान कोरता लुयोन लारे मोरलामा गोथू जीवतु कोर देदु.

1 तीमथी 3:16

इनुमा शंका नी होय कि भोक्तीन फरक गंभीर छे, मतलब होयो जे डीलोमा प्रगट होयलो, आत्मामा धोरमी ठेरायू, सोरग दूत काजे देखायतू दिसरा जातीमा हेरा प्रचार होयलू, जोगोमा हेरे पोर भुरसू कोरलु होतु, एने महिमामा उपर चुटायलु होतु.

2 योहान 1:7

काहाकि कहानला ओसा भनकावने वावा जोगोमा निकावी रोया, जे यो नि मानतला कि येसु मसिह डीलोमा होईन आयु; भनकावने वावु एने येसु मसिहक रुकने वावा जेच छे.

1 योहान 4:3

एने जी आत्मा येसु काजे नि मानतेली ची परमेश्वर जुव गोथी नि होय; एने चे ते मसिहक रुकने वावी आत्मा छे, जेरी वाटे तुमु सोमवी रोया कि चू आवने वावू छे एने हिमी बी जोगोमा छे.

गलातियों 4:4

बाकीन जेतार टेम पुरी होय गोयी ती परमेश्वर आपना पुऱ्या काजे मूकल्यु जू बायरा गोथू जन्मो लेदू एने नियम शास्त्रान तेरे हातोन बोनलु छे.

योहान 11:42

मी जानतू होतु कि तू हमेशा मारी सोमवतलु छे, बाकीन जी भीळ आस पास उभी छे, इनान वोजेसी मे यो कोयू जीनासी कि चे भुरसू कोरे कि तू मेसेक मुकेललु छे.”

रोमी 8:3

काहाकि जो काम नियम डीलोन वोजेसी कमजोर होयीन नि कोर सोकी, तीनुक परमेश्वर कोरलु छे, मतलब तेरात पुऱ्या काजे पापमय डीलोन सारखो, एने पापोन बलिदान होयनेन कोरता मूकल्यु, डीलोमा पापोन दोंडोन आग्या आप्यू.

योहान 1:14

एने वचन देहधारी होयो; एने दया एने खोरलायसी पुरो होईन आमरे इचमा वस्ती कोऱ्यु, एने आमु तेरी ओसी महिमा काजे देख्या, जोसो बासोन एखला जून महिमा.

इब्रानियो 10:5

इना वजेसी मसिह जोगोमा आवनेन टेमे कोयतेला कि, “तू बलिदान एने भेट काजे नी मांग्यू बाकीन तू मारेन कोरता एक डील तीयार कोरलु छे.

इब्रानियो 10:10

इना मोर्जीन लारे येसु मसिहन डीलोन एकुत कावा हमेशान कोरता बलिदान चोळाव जाणेसी आपु चुखला कोराय गोयला छे.”

इब्रानियो 11:7

भुरसासी नोहा तिनी वातोन बारामा जो तिने टेम तोक देखायती नी होती चेतावनी लीन बिकोसी आपना परिवारोक वाचाडनेन कोरता ढोंड्या बोनाव्यू इना रितीसी चू जोगो काजे गुवाव्यू ठेराव्यू एने तिना धारमिकतान होकदार बोन्यू जू भुरसान अनसारे छे.