इब्रानियो 4:2 - बारेली पावरी

² काहाकि आमुक तिंदरेन तोसा वारली खोबर सोमवाळ देदा, बाकीन तीना सोमवला वचनोसी तीनु काजे काहीन फायदू नी होयो, काहाकि सोमवने वावा मोनोमा भुरसासी नि बोठ्या.

इब्रानियो 4:2 Referans Kwoze

1 थिस्सलुनीकियो 2:13

इनान कोरता आमु बी परमेश्वरोन धन्यवाद एक सारखा कोरतेला कि जेतार आमरे लारे परमेश्वरोन वचन तुमरेनचा पुग्यू, ती तुमु तिना काजे माणसोन नि बाकीन परमेश्वरोन वचन सोमजीन (एने छाचलीन यो ओसोत छे) स्वीकार कोऱ्या; एने चू तुमरा विश्वासीमा जे भुरसू कोरतेला, ताकत वावा छे.

इब्रानियो 11:6

भुरसू बिना तेरे खुश कोरनो, नि होयने वावा सारको छे, काहाकि जू कुदु परमेश्वरोनचा आवतेलु तिनान कोरता यु भुरसू कोरणेन जादा गोरोज छे कि चू छे, एने तीनाक हेरने वावा काजे प्रतीफोव आपतलु.

इब्रानियो 3:12

हे भाशो हुशारीमा रोयू कि तुमरेमा असलो भुंडलो एने अविस्वासीन मोन नि जुवे जो तुमु काजे जीवतला परमेश्वर सी नांबे लीन जात रोये.

1 तीमथी 4:8

काहाकि डीलन तीयारी सी कोम फायदु होयतलु छे, पुन भोक्ती आखा वातोन कोरता फायदान छे, काहाकि इने टेमोन एने आवने वावा जीवनोन बी वायदू इनान कोरता छे.

रोमी 2:25

अगर तू नियम शास्त्र पोर नि चाले ती सुंतामा फायदु ते से, बाकीन अगर तू नियम शास्त्र काजे नि माने ती तारो सुंता, नि सुंता वावा सारखु गीनायसे. (यिर्म. 4: 4)

प्रेषित 13:46

तेत्यार पौलुस एने बरनाबास हिंमतसी कोया, “यो होयनोत होतो कि परमेश्वरोन वचन पेहेले तुमु काजे सोमवाळ देता बाकीन इनान कोरता कि तुमु तेरी नि सोमवतला एने आपना खुदो काजे ओमोर जीवनोन जाणेन लायकी नी कोरतेला ती आमु दिसरा देसोमा जाता होता.”

याकुब 1:21

एरेन कोरता आखी भुंडी एने दुष्मोनी भावोन बोढती काजे नांबे कोरीन तिना वचन काजे नम्रतासी ग्रहण कर लेवू जू मोनमा वेराय गोयो एने जू तुमरे जीवन छुटकारू कोर सोकतलु छे.

इब्रानियो 4:6

ती जेतार यी वात बाकी छे कि कोतरा ओवी छे जे आराममा जाय सोके, एने जे पेहेले वारली खोबर सोमवला होता, चे आग्या नी माननेसी भोराय नी सोक्या.

1 कुरीन्थियो 13:3

ओगर मे मारो आखो धोन गोरीबो काजे खावाळ दिस, नीती मारो डील आगठो धोपाळनेन कोरता आपदिस, एने मोंग नी कोरो, ती मेसेक काहीबी फायदु नी होय.

1 पतरस 1:12

तीनु पोर जो प्रकट होये कि चू आपनी नि पुन तारी सेवान कोरता जी वात कोया कोरतू होतु, जिनान खोबर हिमी तुमु काजे तिंदरे लारे जोळलो जे पवित्र आत्मान लारे जू सोरगोम गोथू मुकेल्ला छे, तुमुक वारली खोबर कोयलु; एने इनी वातोन काजे सोरग दूत भी मोन लागाळीन देखनेन मोर्जी राखताला छे.

1 थिस्सलुनीकियो 1:5

काहाकि आमरी वारली खोबर तुमरेनचा निस्तो बुलोमा नि पुन ताकत एने पवित्र आत्मा एने मोटला पाका वातो पुठी पुगलो छे; जोसो तुमुक मालूम होयो कि आमु तुमरा इनाम कोसा बोन गोयला होता.

गलातियों 3:8

एने पवित्र शास्त्रान पेहेलेन जानीन कि परमेश्वर दिसरा जाती काजे विस्वासी धोरमी ठेरावसे; पेहेलेन अब्राहाम काजे जी वारली खोबर सोमवाळ देदु कि “तारेमा आखा काजे जातीन आशिष जोळसे.”

गलातियों 4:13

बाकीन तुमु काजे मालूम छे कि पेहेले मे डीलोन कोमजूरीन वजेसी तुमु काजे वारली खोबर सोमवाळ्यु.

प्रेषित 3:26

परमेश्वर तुमरेन कोरता सेवक काजे जीवाळीन तीनाक पेहेले तुमरेनचा मूकल्यु कि तुमरे माईन आखाक आशिष आपे एने बुराईमा गोथा वाचाडीन आशिष आपे.

रोमी 3:3

ओगर काहनुस विस्वासघाती कोरे तीबी काय होयो? काय अविस्वास्या होयनेसी परमेश्वरोन खोरलो वायबार ठेरावसे?

गलातियों 3:2

मे तुमरे जुव गोथू यो जाननेन कोर रोयू, कि तुमु आत्मा काजे काय, नियम शास्त्रान कामोमा गोथू नीती भुरसान वारली खोबरसी जोळ्यू.