इब्रानियो 3:6 - बारेली पावरी

⁶ बाकीन मसिह ते पुऱ्यान रुपमा परमेश्वरोन घोरोमा अधिकारी छे, एने तेरो घोर आमु छे ओगर आमु आपना धीरोन एने आसोन मोटाय काजे आखरी तोक पाका रोये.

इब्रानियो 3:6 Referans Kwoze

2 कुरीन्थियो 6:16

एने मुर्त्यान साते परमेश्वरोन मंदीरोन काय रीसतो? काहाकि आमु ते जीवतला परमेश्वरोन मंदीर छे; जोसू परमेश्वर कोयलु छे, “मे तिंदरेमा बोसीस एने तिंदरेमा चाल्या फिऱ्या कोरिस; एने मे हेरु परमेश्वर होयीस, एने चे मारा माणसे होयसे.”

1 कुरीन्थियो 3:16

काय तुमु नी जानता कि तुमु परमेश्वरोन मंदीर छे, एने परमेश्वरोन आत्मा तुमरेमा रोयतलु छे?

1 पतरस 2:5

तुमु बी जीवतलु दोगळान तोसो आत्मिक घोर बानावतला छे, जेरेन कोरता पुजारान चुखला सोमाज बोनीन, ओसो आत्मिक बलिदान चोळावू जू येसु मसिहन परमेश्वर काजे मान्यो छे.

इब्रानियो 10:35

इनान कोरता आपनु भुरसू मा छुळू जेरो महान प्रतीफोव छे.

इब्रानियो 6:11

आखरी मोर्जी छे कि तुमरेमा गोथू आखा आपनी आसोन पुरो निश्चय काजे नी लेये कि आखरी तोक कोशिशमा रोये.

1 कुरीन्थियो 6:19

काय तुमु नी जानतला कि तुमरो डील पवित्र आत्मान मंदीर छे, जू तुमरेमा बोसलु छे एने तुमुक परमेश्वरोनचा गोथू जोळलु छे; एने तुमु खुदोन नी होय?

इब्रानियो 10:23

आवू आपु आपनी आसोन अंगीकार काजे पाका बोनीन हिंमतसी धोर रोयू काहाकि जू वायदू कोऱ्यु कि चू खोरलो छे.

इब्रानियो 4:11

इनान कोरता आपनु तिना आरामोन भोरायने कोरता कोशिश कोरु, कोदि ओसो नी होयो कि तीना रितीसी आग्या नी मानणेन वजेसी काहनास माणसोन नाश होय जाय.

इब्रानियो 3:14

अगर आमु आपना पेहेला भुरसा पोर आखरी तोक मजबुतीमा पाका रोये ती आमु मसिहन भागीदार बोन गोयला छे.

प्रकाशित वाक्य 3:11

मी तेत्यारुत आवने वावु छे; जो काय तारे जुव छे तीनाक रुकायीन मेक कि कुदू तारू मुकुट हापकी नि लेये”.

इब्रानियो 4:14

जेतार कि आपनु ओसू मोटलु महायाजक छे, जू सोरगोमा गोथू होयीन गोयू, मतलब परमेश्वरोन पुऱ्यु येसु, ती आवू आपनु आपना स्वीकारला काजे मजबूत धोरीन रोयसू.

इब्रानियो 1:2

इना आखरी दाहळामा आमु काजे आपना पुऱ्यान लारे वात कोरलु छे, जिना काजे चू आखा चीजोन वारीस ठोराव्यू, एने तिनान लारे चू, आखा संसारोक बोनाव्यू.

1 तीमथी 3:15

कि अगर मारो आवनेमा टेम होय जाय ती तू जान ले कि परमेश्वरोन मंदीरमा जू जीवतला परमेश्वरोन मंडवी छे, एने जो खोरलान खांबु एने पाये छे कोसू रोयनो जुवे.

कुलुस्सि 1:23

अगर तुमु भुरसान पाया पोर पाका उबरोय रोये एने तीना वारली खोबरोन आस काजे जिनाक तुमु सोमवला छे मा छुळू, जिनान वारली खोबर सोरगोन नेळो आखो जोगोमा कोराय गोयो एने जेरू मे पौलुस सेवक बोन्यू.

मत्ती 10:22

मारा नावोन वोजेसी आखा माणसे तुमरे पुठी दुष्मोनी कोरसे, एने जू आखरी तोक धीर धोरीन रोयसे तेरु छुटकारू होयसे.

1 थिस्सलुनीकियो 5:16

हमेशा खुशीमा रोयू.

रोमी 15:13

परमेश्वर जू आसोन दाता छे तुमुक भुरसू कोरणेमा आखा रितीन खुशी एने शांतीसी पुरेपूर कोरे, कि पवित्र आत्मान ताकतसी तुमरी आस बोढती जाय.

मत्ती 24:13

बाकीन जू आखरी तोक वाट जुवीन हिंमत धोर रोयसे, तेरु छुटकारू होयसे.

प्रकाशित वाक्य 2:25

बाकीन होव, जो तुमरे जुव छे तीनाक मारे आवने तोक रुकीन मेकू.

प्रकाशित वाक्य 2:18

थुआतीरा मंडव्या दूतो काजे यो लिख, “परमेश्वरोन पुऱ्यु जेरा डूवा आगठान ज्वालान तोसो, एने जेरा पाय वारला पितोवोन तोसा छे, चू यो कोये कि,

2 थिस्सलुनीकियो 2:16

आमरू प्रभू येसु मसिह आपसुत, एने आमरू बास परमेश्वर जू आमरेपोर मोंग कोऱ्यु एने ओमोरकाई शांती एने वारली आस आपलु छे.

रोमी 5:2

जिनान लारे भुरसान वजहसी तिना दया तोक जीनामा आमु बोनला छे, जा आमु पुग बी गोया एने परमेश्वरोन महिमान आसोपोर मोटाय कोरे.

1 पतरस 1:8

तेरेसी तुमु बीना देखे मोंग राखतला छे, एने हिमी ते तिना पोर बिगुर देखीन भी भुरसू कोरीन ओसा खुशीमा एने मगन होतु जू कोयनेन बारथे एने महिमासी भोरलु छे;

गलातियों 6:9

आमु वारला कामे कोरणेन धीर नी छुळे, काहाकि ओगर आमु ढिला नी होयजे ती टेमो पोर काटनी काटसु.

रोमी 11:22

इनान कोरता परमेश्वरोन मोंग एने काठलो पण देख, जे पोड गोया तिंदरे पोर काठलो छे बाकीन तारे पोर मोंग, हिमी तू तिनामा पाकु रोय, नीती तुसेक बी काट नाखसे.

मत्ती 16:18

एने मे बी तुसेक कोयो कि तू पतरस छे, एने इना दोगळा पोर आपनी मंडवी बांधीस, एने अधोलोकोन झोपला तेरे पोर हावी नि होये.

रोमी 12:12

आसमा खुश रोयू; दुखोमा नी बिहीता उबरोयू, प्रार्थना हमेशा कोरता रोयू.

गलातियों 6:10

इनान कोरता जा तोक टेम जोळे, आपनु आखा पुठी वारू कोरु, खास कोरीन भाशो साते.

इफिसीयो 3:12

जीनामा आमु काजे तीना पोर भुरसू कोरणेसी हिंमत भुरसासी परमेश्वर साते आवनेन होक छे.

इब्रानियो 4:16

आखरी, आपनु हिंमतसी दयान सिहासनोन साते आवू कि आपनेपोर दया होये एने दया ली लेये काहाकि गोरोजोन टेमे आपनी मदत होये जाय.

इब्रानियो 6:18

कि आपनु दुय पाका वातोन लारे जीना बारामा परमेश्वरोन झूट ठरण नि होयने वावो छे, आपनो हिंमतसी वातळो बांदाय जा शरण लेनेन कोरीन एरेन कोरता दोवळे कि तिनी आस काजे ली लेये.

इब्रानियो 7:19

काहाकि शास्त्रनियमोन लारे (सिद्धता) पाको नी होयतलो ती दिसरी एने वारली ओसी आस मेकायली छे, जिनान लारे आपु परमेश्वर साते आवतेला.

इब्रानियो 10:19

इनान कोरता हे भाशो, जेतार आपुक येसुन लुयोन लारे एक नोवला एने जीवतली वाटसी मंदीरमा भोरायनेन हिंमत आव लागली छे.

इब्रानियो 10:21

एने जेतार कि आपना एक ओसलु महान पुजारू छे जू परमेश्वरोन घोरोन अधिकारी छे.

इब्रानियो 11:1

हिमी भुरसू ते आस कोरला चीजोन खातरी एने नी देखायने वावी चीजोन सोबूत छे.

1 पतरस 4:17

काहाकि टेम आव लागली छे, कि परमेश्वरोन घोरोमा गोथो सुरवात छे, आखरी नियावोन सुरवात आमरे गोथो होयसे ती तिंदरू काय पोरीनाम होयसे जे परमेश्वरोन वारली खोबरोक नि मानतेला?

प्रकाशित वाक्य 2:26

जे जय हासील कोरे एने मारा कामोन अनसारे आखरी तोक कोरता रोये, मे हिनुक जाती जातीन माणसो पोर होक आपीस,