इब्रानियो 3:1 - बारेली पावरी

¹ इनान कोरता हे चुखला भाशो, तुमु जे सोरगोन बुलावनेन सहभागी छे, तिना प्रेषित एने महायाजक येसु पोर जीनाक आमु मानतला मोन लागाळू.

इब्रानियो 3:1 Referans Kwoze

2 तीमथी 1:9

जू आमरू छुटकारू कोऱ्यु एने चुखला आत्मान बुलाहट सी बुलाव्यू, एने जो आमरा कामन ओनसारे नी बाकीन तेरो मतलब एने तेरी दया ओनसारे छे चू मसिह येसुमा ओमोरकाईसी आमरेपोर होयली छे.

फिलिप्पि 3:14

निशाणी भूनी जाया कोरो काहाकि चो इनाम लेये जिनान कोरता परमेश्वर मेसे काजे मसिह येसुमा उपोर बुलावलो छे.

इब्रानियो 7:26

यो वारलो होतो कि आमरेनचा ओसलु महायाजक छे जू चुखलो, निरदोष, साफ, पापी गोथू ओलोग एने सोरगसी बी उचो कोराय गोयू छे.

इफिसीयो 4:1

इनान कोरता मे जू प्रभूमा बांदायलु छे तुमु काजे विनता कोरो कि जिना बुलावला गोथो तुमुक प्रेषितोन छे तेरे सारखी चाल चालू.

1 पतरस 2:9

पुन तुमु एक खास पिढ्या, एने राज-पदधारी पुजारान सोमाज, एने चुखला माणसे एने परमेश्वरोन नेवाळली माणसे होयसे, एरेन कोरता कि जू तुमु काजे आंदारामा गोथू तेरा अदभूत विजावामा बुलावलु छे, तेरा गुणे ओगोव कोरु.

इब्रानियो 2:17

इना वजेसी तीनुन जुवतो होतो, कि आखा वातोमा तुमरा भाशो सारखो बोनु जीनासी चू परमेश्वर सी नात बोनावे, एक दयावू एने भुरसान लायक महायाजक बोने ताकी माणसोन पापोन कोरता पोसतावू कोरे.

इब्रानियो 10:21

एने जेतार कि आपना एक ओसलु महान पुजारू छे जू परमेश्वरोन घोरोन अधिकारी छे.

इफिसीयो 4:4

एकुत डील छे एने एकुत आत्मा छे; जोसो तुमु काजे जे बुलावला गोयला होता आपना बुलावनेसी एकुत आस छे.

1 थिस्सलुनीकियो 2:12

कि तुमरो चाल चलन परमेश्वर काजे बराबोर होय, जो तुमुक तेरा राजमा एने महिमामा बुलावतलु.

1 कुरीन्थियो 9:23

मे यो आखो काहीन वारली खोबरोन कोरता कोरो कि दिसरान साते तिंदरो भागीदार होय जाम.

2 तीमथी 2:7

जो मे कोयनो बाज रोयू एने प्रभू तुसेक आखान वातोन समज आपे.

1 तीमथी 6:12

भुरसान वारली कुस्ती लोळाय; एने इना ओमोरकाईन जीवन काजे धोर ले, जिनान कोरता तू बुलाय गोयू एने घोणा सोवटा गोवान सामने वारलु अंगीकार कोरलु होतु.

रोमी 15:8

इनान कोरता मे कोयो कि जी वायदू बाप दादा काजे आपाय गोयली होती तीनुक पाका कोरनेन कोरता मसिह, परमेश्वरोन खोरलायीन सबूत आपनेन कोरता, सुंता कोरला माणसोक सेवक बोनाव;.

इब्रानियो 2:11

काहाकि चुखलो कोरणे वावू एने पवित्र होयने वावू आखा एकुत मा गोथो छे, इनान कोरता तीनुक भाश कोयने नी लाजवायतू.

योहान 20:21

येसु पोछु हिनु काजे कोयू, “तुमुक शांती जोळे; जोसू बास मेसेक मुकेललु छे, तोसुच मे बी तुमु काजे मुकलो.”

यहुदा 1:1

यहुदा भूनी गोथो जो येसु मसिहन दास एने याकुबोन भाश छे, तीनुक बुलावलान नावे जो परमेश्वरोन बासोमा मोंगावा एने येसु मसिहन कोरता वारला छे.

इब्रानियो 3:14

अगर आमु आपना पेहेला भुरसा पोर आखरी तोक मजबुतीमा पाका रोये ती आमु मसिहन भागीदार बोन गोयला छे.

1 तीमथी 6:2

जिंदरु मालिक विश्वासी छे तीनुक होयू भाश होयनेन वोजेह कमी नी माने, एने हिंदरी चाकरी कोरे काहाकि या गोथू फायदू लेने वावू विश्वासी एने मोंगावू छे इनू वातोन प्रचार आपतू रोयु एने सोमजाडतू रोय.

2 थिस्सलुनीकियो 2:14

जिनान कोरता चू तुमुक आमरा वारली खोबरोन लारे बुलाव्यू, कि तुमु आमरू प्रभू येसु मसिहन महिमा काजे ली लेये.

2 थिस्सलुनीकियो 1:11

इनान कोरता आमु हमेशा तुमरेन कोरता प्रार्थना बी कोरतेला कि आमरू परमेश्वर तुमुक इना बुलावलान लायक सोमजे एने भोलाईन होर एकन मोर्जी एने भुरसान हर एक कामो काजे ताकत पुठी पुरा कोरे.

1 थिस्सलुनीकियो 5:27

मी तुमु काजे प्रभून कोसोम आपो कि जो चिट्ठी आखा भाशो काजे वाचीन सोमवाय जासे.

कुलुस्सि 3:12

इनान कोरता परमेश्वरोन नेवाळलान सारखा जे चुखला एने मोंगावी छे, मोटली दया, एने भोलाई एने दीनता एने नम्रता एने सहन शीलता ली लेवू.

कुलुस्सि 1:22

चू हिमी तेरो शारीरिक डीलोमा मोरोनोन लारे तुमरेसी मेव कोर देदू काहाकि तुमुक तेरे ओगोव चुखला एने बेगुना बोनावीन तिनाक उबराखसे.

कुलुस्सि 1:12

एने बासोन धन्यवाद कोरो जू आमु काजे एरे लायक बोनायू कि विजावामा चुखला माणसो साते वाटामा सहभागी होये.

2 कुरीन्थियो 1:7

आमरी आस तुमरा बारामा पाकी छे; काहाकि आमु जानतला छे कि तुमु जोसा आमरा दुखोमा, तोसात आमरा शांतीमा भी भागीदार छे.

1 कुरीन्थियो 1:2

परमेश्वरोन तिना मंडव्यान नावे यो कुरिन्थमा छे, मतलब तिंदरा नावे ये मसिह येसुमा पवित्र कोराय गोया, एने पवित्र होयनेन कोरता बुलवाय गोयलो छे; एने हिंदरा आखान नाव बी जे होर एक जागे आमरा एने प्रभू येसु मसिहन नावोसी प्रार्थना कोरतेला छे.

रोमी 15:27

तीनु काजे वारू ते लाग्यो बाकीन चे दीसरा कोरजा वावान छे काहाकि ओगर दिसरा जातीन तिंदरी आत्मिक वातो पोर भागीदार होया ती तीनुक बी वारू छे कि शारीरिक वातोमा तिंदरी सेवा कोरे.

रोमी 11:17

पुन ओगर काहना डाव्या काटनेमा आव्यो, एने तू जंगली जेतुन बोनीन तिंदरेमा छाटाय गोयो, एने जेतुनोन मुव थुलोक नोरमायीन भागीदार होय गोयलो छे.

रोमी 9:24

बाकीन आमरेपोर जीनुक चू नी बाकीन यहुदिमा गोथा एने, दिसरा जातीमा गोथा.

योहान 20:27

तेत्यार चू थोमा काजे कोयू, “तारी आंगवी न्या लावीन मारा हातो काजे देख एने तारू हात लावीन मारा कुखीमा घाल, एने कोम भुरस्या नि बाकीन विस्वासी बोन.”

प्रकाशित वाक्य 18:20

“हे सोरग, एने चुखला माणसे, एने प्रेषितोन, एने भविष्य कोरता, तिना पोर खुशी कोरु, काहाकि परमेश्वर नियाव कोरीन तिनी जुव गोथू यु बोदलू लेदलु छे.”

प्रकाशित वाक्य 17:14

चे गाडरा पुठी लोळायसे, एने गाडरो तिंदरे पुठी जय हासील कोरसे, काहाकि चू प्रभून प्रभू एने राजान राजा छे, एने जे बुलावला एने नेवाळला एने विस्वासी छे, चे तेरे पुठी छे; चे बी जय हासील कोरसे.

1 योहान 1:3

जो काय आमु देख्या एने सोमवतला छे तेरो वारली खोबर तुमु काजे बी आपजे, इनान कोरता कि तुमु बी आमरे पुठी भागीदारी होयू; एने आमरी जी सहभागीता बास पुठी एने तेरु पुऱ्यु येसु मसिह पुठी छे.

1 पतरस 5:10

तुमु इतरीक वार तोकलीत झेलीन आखो दयान परमेश्वर छे, जू तुमु काजे येसु मसिहमा तेरी ओमोरकाईन महिमान कोरता बुलावलु, चू खुद तुमु काजे सिद्ध, पाक्का ताकत वावा एने स्थिर कोरसे.

1 पतरस 5:1

एरेन कोरता मी जो तुमु आखा डाह-डाहा छे, मसिहन दुखोन गोवा छे, एने देखायने वावी महिमामा भागी होयीन तीनुक यो सोमजाडो,

1 पतरस 3:5

जूनला दाहळामा चुखला बायरा भी, न परमेश्वर पोर आस राखता होता, खुदो काजे इना रितीसी सोजाळतला एने आपना-आपना ओदमीन अधीन रोयती होती.

इब्रानियो 9:11

बाकीन जेतार मसिह आवने वावी वारली वातोन महायाजक होयीन सामने आव्यु ती चू एने मोटला एने बोनावला तंबूमा गोथा भोराईन गोयू, चू हातोन बोनावलु मतलब इनी जोगोन नी.

इब्रानियो 6:20

जा येसु आमरेन कोरीन ओगोवान्यो बोनीन एने मल्कीसदियकन रिती पोर हमेशान कोरता महायाजक बोनीन भोरायलु छे.

इफिसीयो 3:6

मतलब यो कि मसिह येसुमा वारली खोबरोन लारे दिसरा जातीन माणसे विरासत मा भागी से एने एक डीलन एने वायदान भागी छे.

1 कुरीन्थियो 10:17

कि एकुत रुटू छे ती आपु बी जे जादा छे, एक डील छे, काहाकि आपु आखा तिना एकुत रुटामा भागीदार रोयतला छे.

योहान 17:3

एने ओमोर जीवन यो छे कि चे तुसेक एक धोळ्या खोरला परमेश्वर काजे येसु मसिह काजे, जीनाक तू मुकेललु छे, जाणे.

प्रेषित 1:15

तीनु दाहळान पतरस भाशोन इचमा जे एकसोव वीस माणसोन लगभग होता, उभा रोयीण कोयने बाज गोयू,

2 कुरीन्थियो 9:13

काहाकि इना सेवा काजे कबूल कोरीन चे परमेश्वरोन महिमा सामने लावतेला छे, कि तुमु मसिहन वारली खोबर काजे सोमवीन मानीन तेरे स्वाधीन मा रोयतला एने तिंदरी एने आखान मदत कोरणेमा उद्धारता प्रगट कोरतेला छे;

इब्रानियो 3:12

हे भाशो हुशारीमा रोयू कि तुमरेमा असलो भुंडलो एने अविस्वासीन मोन नि जुवे जो तुमु काजे जीवतला परमेश्वर सी नांबे लीन जात रोये.

इब्रानियो 7:28

काहाकि शास्त्रनियमोन ते कोमजुर माणसो काजे महायाजक कोरीन नेवाळ देतलो छे, बाकीन वायदान चो वचन, जो शास्त्रनियमोन बादमा खावाय गोय तिना पुऱ्या काजे नेवाळे जू कायमोन कोरता पाक्कू बोन होयू.

इब्रानियो 9:15

एने इना वोजेसी चू नोवला वायदान अगवू छे जीनासी कि तिना मोरनोन लारे जू पेहेले वायदान टेमे पापोसी छुटकारू लेनेन कोरता कोरायला छे, बुलावला माणसे वायदान अनसारे ओमोरोन उत्तराधीकारोन वायदा काजे ली सोकतला.

इब्रानियो 10:19

इनान कोरता हे भाशो, जेतार आपुक येसुन लुयोन लारे एक नोवला एने जीवतली वाटसी मंदीरमा भोरायनेन हिंमत आव लागली छे.

इब्रानियो 10:23

आवू आपु आपनी आसोन अंगीकार काजे पाका बोनीन हिंमतसी धोर रोयू काहाकि जू वायदू कोऱ्यु कि चू खोरलो छे.

इब्रानियो 13:22

हे भाशो मे तुमु काजे विनता कोरो कि इना प्रचारोन वचन काजे धीर धोरीन सोमवी लेयू, काहाकि मे तुमु काजे कोम लिखलू छे.