इब्रानियो 2:11 - बारेली पावरी

¹¹ काहाकि चुखलो कोरणे वावू एने पवित्र होयने वावू आखा एकुत मा गोथो छे, इनान कोरता तीनुक भाश कोयने नी लाजवायतू.

इब्रानियो 2:11 Referans Kwoze

इब्रानियो 10:14

काहाकि चू एकुत बलिदानोन लारे जे चुखला कोराय जातला हमेशान कोरता पाको कोर देतलु छे.

इब्रानियो 10:10

इना मोर्जीन लारे येसु मसिहन डीलोन एकुत कावा हमेशान कोरता बलिदान चोळाव जाणेसी आपु चुखला कोराय गोयला छे.”

योहान 20:17

येसु तिनी काजे कोयू, “मेसेक मा छिमे, काहाकि मी हिमी तोक बासोनचा उपोर नि गोयू, बाकीन मारा भाशोनचा जायीन हिनु काजे कोय दे, कि मे मारा बास एने तुमरू बास, एने मारू परमेश्वर एने तुमरू परमेश्वर तेरेनचा जाम.”

इब्रानियो 13:12

इनान कोरता येसु बी माणसो काजे आपना लुयोन लारे चुखलो कोरणेन कोरता सोहोरोम झोपलान बारथे दुख झेल्यू.

रोमी 8:29

काहाकि जीनु काजे चे पेहेलेसी सोमजी गोयला छे तीनु काजे पेहेलेसी ठेराय गोयलो छे कि तेरा पुऱ्यान रुपमा छे, काहाकि चू भाशोमा पेहेलु ठेराये.

योहान 17:19

एने तिंदरेन कोरता मी आपना खुदो काजे चुखो कोरो, काहाकि चे बी खोरलान लारे चुखा कोराये जाय.

योहान 17:21

कि चे आखा एक होये; जोसू तू छे बास मारेमा छे, एने मे तारेमा छे, तोसाच चे बी आमरेमा होये, जीनामा जोग भुरसू कोरे कि तूच मेसेक मुकेललु छे.”

मत्ती 25:40

तेत्यार राजा तीनुक जोवाब आपसे, “मे तुमु काजे छाचलीन कोय कि, तुमु जे मारा नानामा नाना भाशोमा गोथा काहना एका साते कोऱ्या चो मारे साते कोऱ्या.”

इब्रानियो 2:14

आखरी; जिना रितीसी पुऱ्या मास एने लुयोन सहभागीता छे, ती चू खुद बी तीना रितीसी सहभागी होय गोयू, कि मोरोनोन लारे तीनाक मोरने पोर ताकत जोळी मतलब भुतडा काजे रिकामो कोर देये.

गलातियों 4:4

बाकीन जेतार टेम पुरी होय गोयी ती परमेश्वर आपना पुऱ्या काजे मूकल्यु जू बायरा गोथू जन्मो लेदू एने नियम शास्त्रान तेरे हातोन बोनलु छे.

प्रेषित 17:26

चू एकुत मूवमा गोथो माणसोन आखा जाती काजे आखा धोरती पोर रोयनेन कोरता बोनावली छे; एने तेरो ठेरावला टेमे झुनो रोयनेन सिमाकाजे इनान कोरता बांदली छे,

इब्रानियो 11:16

बाकीन चे एक वरदान मतलब सोरगोन परमेश्वरोन लालच छे, इनान कोरता परमेश्वर तिंदरू परमेश्वर कोवायनेन नी लाजवायतू काहाकि चू तिंदरेन कोरता एक देस तीयार कोरलु छे.

मरकुस 8:38

जू कुदू जे भुंडला विचारे एने पापी जातीन इचमा मेसेक एने मारी वातो काजे लाजवायसे, माणसोन पुऱ्यु बी तेत्यार चू चुखला सोरग दूत पुठी आपना बासोन महिमा साते आवसे, तेतार तीनाक बी लाजवाळसे.”

मत्ती 28:10

तेत्यार चे येसु तीनु काजे कोयु, “मा बिहु; मारा भाशो काजे जायीन कोयू कि गलील काजे जात रोये, चा मेसेक देखसु.”

प्रेषित 17:28

काहाकि तीनामा आपु जीवतला रोयतला एने चालता फिरता एने पाका रोयतला पोसो तुमरा कोतरा भविष्य कोरता बी कोया आमु तेरा पिढी छे.

लुका 9:26

जू कुदू मेसेक एने मारी वातोक लाजवायसे, माणसोन पुऱ्यु बी, जेतार आपनी एने आपना बास तोरोफसी एने चुखला सोरग दूतोन महिमा साते आवसे, ती तीनासी लाजवायसे.

मरकुस 3:34

एने तीनुपोरसी जे तेरे आळी-धोळे बोस रोयला होता, नोजोर नाखीन कोयू, “देखू, मारी आश एने मारा भाश जे छे.

इब्रानियो 3:1

इनान कोरता हे चुखला भाशो, तुमु जे सोरगोन बुलावनेन सहभागी छे, तिना प्रेषित एने महायाजक येसु पोर जीनाक आमु मानतला मोन लागाळू.