इब्रानियो 10:12 - बारेली पावरी

¹² बाकीन जे पुजारू ते पापीन बोदले हमेशान कोरता एकुत बलिदान चोळावीन परमेश्वरोन जेवळे धोळे जायीन बोश्यू.

इब्रानियो 10:12 Referans Kwoze

इब्रानियो 1:3

चू तेरी महिमान विजावो एने परमेश्वरोन रुपोन प्रतिरूप छे, एने आखा चीजो काजे हेरो ताकतोन वचनोन लारे सोमावतेलु छे, चू पापो काजे धुवीन उचला जागा पोर महामहीमोन जेवळे धोळे बोस रोयू.

कुलुस्सि 3:1

आखरी, जेतार तुमु मसिह पुठी जीवाळाय गोया, ती सोरगोन चीजोन हेर कोरणेमा रोयू, जा मसिह रोयतेलु छे, एने परमेश्वरोन जेवळे धोळे बोस रोयू.

रोमी 8:34

ती कून छे दोंडोन आग्या आपसे? येसु मसिह छे जू मोर गोयू, एने मोरलामा गोथू जीव उठ्यू एने परमेश्वरोन जेवळे धोळे छे एने आमरेन कोरीन मध्यस्ती बी कोर रोयू.

इब्रानियो 9:12

एने बुकळान एने केवळान लुयोन लारे नी बाकीन खुद आपना लुयोन लारे हमेशान कोरता एकुत कावा चुखला जागामा भोराइन ओमोर छुटकारू ली लेदू.

इब्रानियो 8:1

हिमी जी वाते आमु कोय देदला छे, तीनामा खास वात यी छे कि आमरू ओसलु महायाजक छे, जू सोरगोमा परम सोयावान सिहासनोन जेवळे धोळे जायीन बोठलु छे.

मरकुस 16:19

प्रभू येसु तिंदरे साते वात कोरनेन ओवतेन सोरग पोर चुटाय गोयू, एने परमेश्वरोन जेवळे धोळे बोस गोयू.

इफिसीयो 5:2

एने मोंगोमा चालू जोसू मसिह तुमरे पोर मोंग कोरलु, एने आमरेन कोरता खुदो काजे सुख आपने वावो सुगंधोन कोरता परमेश्वरोन ओगोव भेट चोळावीन बलिदान कोर देदू.

इब्रानियो 5:1

आखा महायाजक माणसोमा गोथो नेवळाय जातलो छे, एने माणसोन कोरता नेवळाय जातलो छे, तिना वातोन बारामा जो परमेश्वर साते नात राखे, ठराय जातलो कि पापोन कोरता भेट एने बलिदान दुयू चोळाव्या कोरे.

इब्रानियो 5:3

इना वजेसी चू निसतू नी माणसोन कोरता बाकीन आपनेन कोरता बी पापोन बलिदान चोळाव्या कोरे.

इब्रानियो 7:27

जीनुक दिसरा महायाजक सारखो यो गोरोज नी होय कि दाहळीन पेहेले आपना पापो एने ओवी माणसोन पापोन कोरता बलिदान चोळावे, काहाकि चू खुद काजे बलिदान चोळावीन हमेशान कोरता पुरो कोर देदु.

इब्रानियो 9:14

ती मसिहन लुय जू आपना खुदो काजे हमेशान आत्मान लारे परमेश्वरोन सामने निरदोष चोळाव गोयू तुमरा मोनो काजे ओवी बी जादा काहा नी चुखो कोरे तुमु जीवतला परमेश्वरोन सेवा कोरु.

इब्रानियो 10:10

इना मोर्जीन लारे येसु मसिहन डीलोन एकुत कावा हमेशान कोरता बलिदान चोळाव जाणेसी आपु चुखला कोराय गोयला छे.”

इब्रानियो 10:14

काहाकि चू एकुत बलिदानोन लारे जे चुखला कोराय जातला हमेशान कोरता पाको कोर देतलु छे.