इब्रानियो 1:3 - बारेली पावरी

³ चू तेरी महिमान विजावो एने परमेश्वरोन रुपोन प्रतिरूप छे, एने आखा चीजो काजे हेरो ताकतोन वचनोन लारे सोमावतेलु छे, चू पापो काजे धुवीन उचला जागा पोर महामहीमोन जेवळे धोळे बोस रोयू.

इब्रानियो 1:3 Referans Kwoze

प्रकाशित वाक्य 4:11

“हे आमरा प्रभू एने परमेश्वर, तुत गौरव एने मान एने ताकत लायक छे; काहाकि तूत आखा चीजे सोजाडयु एने चे तारीत मोर्जीसी सोजाडाय गोया”.

योहान 1:14

एने वचन देहधारी होयो; एने दया एने खोरलायसी पुरो होईन आमरे इचमा वस्ती कोऱ्यु, एने आमु तेरी ओसी महिमा काजे देख्या, जोसो बासोन एखला जून महिमा.

2 कुरीन्थियो 4:4

एने तीनु अविस्वासन कोरता जिंदरी बुद्धी इना संसारोन भोगवान आंदवी कोर देदलु छे, काहाकि मसिह जू परमेश्वरोन प्रतिरूप छे, तेरे विजावान वारली खोबरोन विजावो तीनु पोर चोमके.

इब्रानियो 12:2

एने भुरसान कोरता एने पुरो कोरणे वावा येसु भूनी तुमरी नोजोर लागाळ रोयू, जू तिना खुशीन कोरता जो तेरे ओगोव मेकलो होतो लाजवायनेन चिंता नी कोरीन ख्रुसोन दुख झेल्यू, एने परमेश्वरोन सिहासनोन जेवळे धोळे जायीन बोश्यू.

योहान 1:4

तेरेमा जीवन होतो एने चो जीवन माणसोन विजावो होतो.

इब्रानियो 10:12

बाकीन जे पुजारू ते पापीन बोदले हमेशान कोरता एकुत बलिदान चोळावीन परमेश्वरोन जेवळे धोळे जायीन बोश्यू.

यहुदा 1:25

तिना एकुत परमेश्वर आमरू छुटकारू कोरणे वावान महिमा एने गौरव एने पराक्रम एने होक, आमरू प्रभू येसु मसिहन लारे जोसो संसारोन पेहेले गोथो छे, हिमी बी होये एने हमेशा-हमेशा रोये. आमेन.

इब्रानियो 9:26

एने जोग बोनलो तिनी टेमे गोथो तिना घोळी-घोळी दुख वेठतू पोळतो बाकीन हिमी संसारोन आखरी चू एक कावा सामने आव्यु कि आपनात बलिदानोन लारे पाप काजे मिटाळ देदु.

1 योहान 1:7

बाकीन कोदि जोसो चू विजावामा छे तोसोत आपनु बी विजावामा चालू, ती एक दिसरा पुठी सहभागीता रोयतला छे एने तेरु पुऱ्यु येसुन लुय आमुक आखा पापोमा गोथू चुखो कोरतेलू छे.

इब्रानियो 4:14

जेतार कि आपनु ओसू मोटलु महायाजक छे, जू सोरगोमा गोथू होयीन गोयू, मतलब परमेश्वरोन पुऱ्यु येसु, ती आवू आपनु आपना स्वीकारला काजे मजबूत धोरीन रोयसू.

1 योहान 3:5

तुमु जानतला छे कि चू इनान कोरता प्रगट होयू कि पापो काजे हारवी देय; एने तेरा स्वभाव पाप नि होय.

2 पतरस 1:16

काहाकि जेतार आमु तुमु काजे आपना प्रभू येसु मसिहन ताकत एने आगमोनोन खोबर आपलु होतु, ती चू हुशारीसी बोनावने गाळायला काहन्यान चाल नी चालनो होतो, नि तेत्यार आमु आपनूत तिनान मोटला कामो काजे देखला होता.

1 पतरस 3:22

चू सोरग पोर जाईन परमेश्वरोन जेवळे धोळे बोठ गोयू; एने सोरग दूत एने अधिकारी एने ताकत वावा तेरे अधीन कोराय गोयला छे.

1 पतरस 1:21

तेरे लारे तुमु तिना परमेश्वर पोर भुरसू कोरतेला छे, जीनाक मोरलामा गोथो जीवाळ्यो एने महिमा आप्यू कि तुमरु भुरसू एने आस परमेश्वर पोर होयसे.

इब्रानियो 8:1

हिमी जी वाते आमु कोय देदला छे, तीनामा खास वात यी छे कि आमरू ओसलु महायाजक छे, जू सोरगोमा परम सोयावान सिहासनोन जेवळे धोळे जायीन बोठलु छे.

मरकुस 16:19

प्रभू येसु तिंदरे साते वात कोरनेन ओवतेन सोरग पोर चुटाय गोयू, एने परमेश्वरोन जेवळे धोळे बोस गोयू.

प्रकाशित वाक्य 3:21

जो जय हासील कोरे, मे तीनाक मारे पुठी मारा सिहासन पोर बोसाळीस, जोसू मे बी जय हासील कोरीन मारा बासो पुठी तेरा सिहासन पोर बोठ गोयू.

इब्रानियो 7:27

जीनुक दिसरा महायाजक सारखो यो गोरोज नी होय कि दाहळीन पेहेले आपना पापो एने ओवी माणसोन पापोन कोरता बलिदान चोळावे, काहाकि चू खुद काजे बलिदान चोळावीन हमेशान कोरता पुरो कोर देदु.

प्रेषित 2:33

इना रितीसी परमेश्वरोन जेवळे हातोसी आखान मोटो पोद एने बासोनचा गोथो पवित्र आत्मा लीन जेरो वायदू कोरलो होतो चू उतार देदू चू तुमु देख रोया एने सोमवी रोया.

योहान 1:29

दिसरे दाहळे चू येसु काजे आपने भूनी आवतेलु देखीन कोयू, “देखू, यु परमेश्वरोन गाडरो छे जू जोगोन पाप उचलीन लीजात रोयतलु छे.

कुलुस्सि 3:1

आखरी, जेतार तुमु मसिह पुठी जीवाळाय गोया, ती सोरगोन चीजोन हेर कोरणेमा रोयू, जा मसिह रोयतेलु छे, एने परमेश्वरोन जेवळे धोळे बोस रोयू.

रोमी 8:34

ती कून छे दोंडोन आग्या आपसे? येसु मसिह छे जू मोर गोयू, एने मोरलामा गोथू जीव उठ्यू एने परमेश्वरोन जेवळे धोळे छे एने आमरेन कोरीन मध्यस्ती बी कोर रोयू.

प्रेषित 7:56

कोयू, “देखू मी सोरग काजे उगाळलो एने माणसोन पुऱ्या काजे परमेश्वरोन जेवळे धोळे उबरोया देखणे बाज रोयू.”

रोमी 1:16

काहाकि मे वारली खोबरोन प्रचारोन कोरनेन कोरता नी लाजवायतू, इनान कोरता कि चू होर एक जे भुरसू कोरणे वावान कोरता पेहेले ते यहुदि ओवतेन युनानीन कोरता छुटकारू वोजेसी परमेश्वरोन ताकत छे.

इब्रानियो 9:16

काहाकि जा वायदू बांदलू छे चा वायदा बांधणे वावान मोरोन होयनेन गोरोज छे.

मत्ती 22:24

“हे गुरु, मुसा कोयलु होतु कि ओगर माणूस, बिना कामोन मोर जाय ती तेरु भाश तेरी लाडी पुठी वियाव कोरीन आपना भाशोन कोरता पिढी पोयदा कोरे.

तीतुस 2:14

जू खुद काजे आमरेन कोरता आप देदू कि आमु होर एक भातीन पापोमा गोथू छुळाव लेय एने चुखा कोरीन आपनेन कोरता एक ओसी जात बोनाव लेये जे वारला-वारला कामोमा तीयार जुवे.

इब्रानियो 1:13

बाकीन सोरग दूतोमा गोथू चू कुणी काजे केतार कोयू, “तू मारे जेवळे धोळे बोठ, जेतार तोक मे तारा दुष्मोनो काजे तारा पायोन नेचली पिढी नि कोर दोम.”

2 पतरस 1:17

काहाकि जेतार चू परमेश्वर जून आदर एने महिमा जोडी एने प्रतापमय महिमासी जी आवाज आयु, “यु मारा मोंगावा पुऱ्यु छे, जेरेसी मी खुश छे.”