8 काहाकि जू आपना डीलोन कोरता वेरतलु, चू डीलोन लारे विनाशोन काटनी कोरसे एने जू आत्मान कोरता वेरतलु, चू आत्मान लारे ओमोरकाईन जीवनोन काटनी काटसे.
काहाकि अगर तुमु डीलोन अनसारे दाहळा निकावसु ती मोरसू अगर आत्मासी डीलोन कामो काजे मारसु ती जीवतला रोयसु.
मिलाव कोरणे वाला धारमिकतान फोव हिव मेवीन वेरतला छे.
चे तीनु काजे छुटकारू कोरनेन वायदू कोरतेला छे, बाकीन आपुत सोळलान चेला छे; काहाकि जी एक जन जीनामा हार गोयला छे, चू तेरु दास बोन जातलु.
धोकू मा खावू; परमेश्वर मोजाकमा नी उळावाय जातलो, काहाकि माणूस जो काय वेरतलु चोत काटसे.
बाकीन प्रभू येसु मसिह काजे पेहेर लेवू, एने डीलोन मोर्जी काजे पुरो कोरनेन इलाज मा कोरु.
जू अन्याय कोरतेलू छे, चू अन्यायुत कोरतू रोये; एने जू भुंडलु छे, चू भुंडलुत बोनीन रोये; एने जू धोरमी छे, चू धोरमी बोनीन रोये; एने जू पवित्र छे; च चुखला बोनीन रोये.”
काटने वावान दाहाळकी जोळतली एने ओमोर जीवनोन कोरता फोव काटतेलु, काहाकि वेरणे एने काटने वावू दुयू मेवीन खुशी कोरे.
आपना खुदो काजे परमेश्वरोन मोंगसी बोनावीन राखू; एने ओमोर जीवनोन कोरता आमरा प्रभू येसुन मसिह दयान वाट जुवता रोयू.
नाश होयने वावा खाणान कोरीन मेहनत मा कोरु, बाकीन तीना खाणान कोरीन जो ओमोर जीवन तोक उबो रोये, जीनाक माणसोन पुऱ्यु तुमुक आपसे; काहाकि बास मतलब परमेश्वर तीना पोर छापू लागाळलु छे.”
एने नी आपना डीलो काजे धोरमोन हत्यार होयने कोरता पापोन होवाले कोऱ्या एने आपना खुदो काजे मोरलामा गोथा जीव उठनेन जानीन परमेश्वरोन होवाले कोऱ्या एने आपना डीलो काजे अधोरमोन हत्यार होयनेन कोरता परमेश्वर काजे आप देदा.
एने कुदू घोर, एने भाशो एने, बहोनिश एने, बास एने, पुऱ्या-पारीक एने, खेतोक मारो नावोन कोरता छुळ देदला छे, तीनुक सोव गुणा जोळसे, एने चू ओमोरकाई जीवनोन अधिकारी होयसे.
जीनासी आमुक तेरा दयासी धोरमी ठोरायू, ओमोर जीवनोन आसोन अनसारे वारीस बोन्या.
बाकीन जू कुदु तिना पाणीमा गोथू पीसे जो मी तीनाक आपीस, ओवतेन चू ओमोरकाई तोक तीसलु नि रोये; बाकीन यो पाणी मे तीनाक आपीस, चू तीनामा एक झोर बोन जासे जो ओमोर जीवनोन कोरता उमळतो रोयसे.”
एने इनी टेमे इना गोथू जादा नि जोळे एने आवने वावा संसारमा ओमोर जीवन.”
बाकीन जे माणसे बिना दिमाकोन जोनावर सारखा छे, जे धोराय जाणे एने नाश होयनेन कोरता पोयदा होयला छे; एने जिना वातो काजे उवेखतला नि तिंदरा बारामा दिसरा काजे वारलो भुंडलो कोयतेला छे चे आपनी सोळलामा खुद सोळ जासे.
पुन मार पोर इनान कोरता दया होई कि मारेन तोसलू आखान मोटू पापीमा येसु मसिह तेरी पुरी सोहोन कोरणे वावू देखाळे, कि जे माणसे हिनापोर ओमोर जीवनोन कोरता भुरसू कोरसे हिंदरेन कोरता मे एक नमुना बोनो.
एने जे ओमोरकाई दोंड भुगसे, बाकीन धोरमी ओमोर जीवनोमा जासे.’”
काहाकि पापोन दाहाळकी ते मोत छे बाकीन परमेश्वरोन वरदान आपना प्रभू येसु मसिहमा ओमोर जीवन छे.
शरीर पोर मोन लागाळनो ते मोत छे, बाकीन आत्मान वातो पोर मोन लागाळनो जीवन एने शांती छे,
अगर काहनासोन आत्मा जू येसु मसिह काजे मोरलामा गोथू जीवाळ्यु चू तुमरा नाश होयने वावा डीलो काजे बी आपना आत्मान लारे जू तुमरेमा बोस रोयू जीवाळसे.
मोरलान जीव उठनो बी ओसोत छे डील नाशोन देसोमा वेराय जातलो छे एने ओमोरकाईन रूपमा जीव उठतलु छे.