गलातियों 6:10 - बारेली पावरी

¹⁰ इनान कोरता जा तोक टेम जोळे, आपनु आखा पुठी वारू कोरु, खास कोरीन भाशो साते.

गलातियों 6:10 Referans Kwoze

इब्रानियो 13:16

भोलाई कोरनो एने मोंता देखाळने मा वीसरु काहाकि ओसला बलिदानोसी परमेश्वर खुश होय जातलु छे.

1 थिस्सलुनीकियो 5:15

सावधान, कुदु कुदासी बुराईन बोदले बुराईमा कोरु; बाकीन हमेशा वारू कोरणे पोर तीयार रोयू, आपनामा एने आखा साते भी भोलाईन मोजाक कोरु.

तीतुस 3:8

जी वात खोरली छे, एने मेसेक लागे कि, तू इनी बारामा नि बिहता बुले इनान कोरता कि जे परमेश्वर पोर भुरसू कोरला छे चे वारला-वारला कामोमा एने माणसोन फायदान होयो.

मत्ती 25:40

तेत्यार राजा तीनुक जोवाब आपसे, “मे तुमु काजे छाचलीन कोय कि, तुमु जे मारा नानामा नाना भाशोमा गोथा काहना एका साते कोऱ्या चो मारे साते कोऱ्या.”

इब्रानियो 6:10

काहाकि परमेश्वर अधोरमी नी होय कि तुमरा कामो एने तिना मोंग काजे विसरी जाय जे तुमु तिनान नावोन रुपमा इना रितीसी देखाळ्या कि चुखला माणसोन सेवा कोऱ्या एने हिमी बी कोर रोया.

इफिसीयो 2:19

इनान कोरता तुमु हिमी दिसरा एने भोटकने वावा नी होय बाकीन चुखला माणसोन साते आपना देसोन एने परमेश्वरोन घोरानान होय गोया.

योहान 12:35

येसु तीनु काजे कोयू, “विजावो हिमी थुलिक वार तोक तुमरेमा छे जेतार तोक विजावो तुमरे पुठी छे तेत्यार तोक चालता रोयू, ओसो नि होये कि आंदारो तुमुक आवीन घेर लेये; यु आंदाराम चालतलु चू नि जानतलु कि कांखुर जाणे बाज रोयू.

लुका 6:35

बाकीन तुमरा दुष्मोन पोर मोंग कोरु, एने वारलो कोरु, एने ओवी पोछो जोळनेन आस नि राखीन उदार आपु; एने तुमरेन कोरता मोटलो फोव रोयसे, एने तुमु परमप्रधानोन पुऱ्या रोयसू, काहाकि चू तिंदरे पोर जु धन्यवाद नी कोरतेला एने बुरो कोरणे वावा पोर बी दयावू छे.

योहान 9:4

जू मेसेक मुकललू छे, आमु तेरा काम दिसू दिसुत कोरनो जोरुरी छे; ची रात आवने वावी जीनामा कुदू काम नि कोर सोकतलू.

तीतुस 2:14

जू खुद काजे आमरेन कोरता आप देदू कि आमु होर एक भातीन पापोमा गोथू छुळाव लेय एने चुखा कोरीन आपनेन कोरता एक ओसी जात बोनाव लेये जे वारला-वारला कामोमा तीयार जुवे.

फिलिप्पि 4:10

मे प्रभूमा घोनु खुश छे कि हिमी ओतरा दाहळान बाद तुमरी चिंता मारा बारामा पोसी जाग गोयली छे, छाचलीन तुमु काजे पेहेले गोथो एरू विचार होतु, बाकीन तुमु काजे टेम नी जोळी.

मत्ती 12:50

काहाकि जो कुदु मारा सोरगोन बासोन मोर्जी पोर चाले, चेत मारा भाशे एने बहोनिशा, एने मारी आया छे.”

3 योहान 1:11

हे मोंगावा, बुराई नि बाकीन भोलाईन कोरण्या सारका रोयू जू वारलो कोरतेलू छे, चू परमेश्वर जुव गोथू छे, बाकीन जू बुरो कोरतेलु छे, चू परमेश्वर काजे नि देख्यू.

कुलुस्सि 4:5

टेमो काजे किमती सोमजीन बारथे वावा साते ग्यानसी व्यहवार कोरु.

इफिसीयो 5:16

टेम काजे घोनो किमती सोमजू, काहाकि दाहळा काठला छे.

1 योहान 5:1

जिंदरु यु भुरसू छे कि येसु मसिह छे, चू परमेश्वरोनचा गोथू बोनलु छे; एने जू कुदू बोनावने वावासी मोंग कोरतेलू, चू तेरो पोर बी मोंग कोरतेलू, जू तिना जुव गोथू बोनलू छे.

इब्रानियो 3:6

बाकीन मसिह ते पुऱ्यान रुपमा परमेश्वरोन घोरोमा अधिकारी छे, एने तेरो घोर आमु छे ओगर आमु आपना धीरोन एने आसोन मोटाय काजे आखरी तोक पाका रोये.

मरकुस 3:4

एने तीनु काजे कोयू, “काय शब्बाथोन दाहळे वारू कोरनो वारू छे कि बुरो कोरनो, जीवो काजे वाचाडनो कि मारनो?” बाकीन चे हुगा रोया.

इफिसीयो 3:15

जीनासी सोरग एने धोरती पोर होर एक घोरोन नाव मेकाय जातलो छे.

मत्ती 5:43

“तुमु सोमवी लेदला छे कि कोवाय गोयलो होतो, आपना साते वावा पोर मोंग कोरुजू, एने आपना दुष्मोन साते दुष्मोनी”.

मत्ती 10:25

चेलान एने गुरुन, एने दासोन एने स्वामीन बोराबोर रोयनो सोवटो छे जेतार चे घोरोन स्वामी काजे भुतडो कोये ती तेरे घोर वावा काजे काहा नि कोये.

प्रेषित 6:7

एने परमेश्वरोन वचन फेलतो गोयो एने यरुशलेममा चेलान गिनती लोकेत बोढ गोयी; एने पुजारान मोटूत समाज इनी वातो काजे मानणेवावा बोन गोया.

गलातियों 1:23

बाकीन योत सोमव्या कोरता होता कि जे आपनुक पेहेले सोतावतू होतु, चू हिमी भुरसान वारली खोबर सोमवाळे, जीनाक पेहेले नाश कोरतू होतु.

इफिसीयो 4:28

चुरी कोरणे वावू ओवी चुरी नि कोरे, बाकीन वारला कामे कोरणेमा आपनो हातसी मेहनत कोरु इनान कोरता कि जीनाक गोरोज से तीनाक आपनेन कोरता तेरे जुव काहीन रोये.

1 थिस्सलुनीकियो 5:21

आखा वातो काजे पारखू; जी वारली छे तिनाक धोरीन रोयू.

1 पतरस 2:5

तुमु बी जीवतलु दोगळान तोसो आत्मिक घोर बानावतला छे, जेरेन कोरता पुजारान चुखला सोमाज बोनीन, ओसो आत्मिक बलिदान चोळावू जू येसु मसिहन परमेश्वर काजे मान्यो छे.

1 पतरस 4:17

काहाकि टेम आव लागली छे, कि परमेश्वरोन घोरोमा गोथो सुरवात छे, आखरी नियावोन सुरवात आमरे गोथो होयसे ती तिंदरू काय पोरीनाम होयसे जे परमेश्वरोन वारली खोबरोक नि मानतेला?

3 योहान 1:3

काहाकि जेतार भाश आवीन तारा तीना खोरलान गोवायी आप्या, जिना पोर तु छाचलीन चालतलु छे, ती मे जुदु खुश होयू.

3 योहान 1:10

इनान कोरता जेतार मे जाईस तेत्यार तिनान कामोन जू चो कोयणे बाज रोयू, खोबर देवाळीस, कि चू आमरा बरामा भुंडला वाते बोकतला छे; एने रनपोर बी संतोष न रोयीन तुमु च भाशो काजे ग्रहण नि कोरतेला, एने तीनुक जू ग्रहण कोरणे हिंडे तीनुक मोना कोरतेलू एने मंडवीमा गोथू निकाव देतलू.

2 कुरीन्थियो 2:8

इनान वोजेसी मे तुमु काजे विनता कोरो कि तिना काजे आपना मोंगोन सबूत आपो.