गलातियों 6:1 - बारेली पावरी

¹ हे भाशो अगर कुदु माणूस काहना गुणामा धोराय बी जाय ती तुमु जे आत्मिक छे, नम्रता पुठी ओसला काजे सोमावू, एने खुद बी हुशारीमा रोयू कि तुमु बी परीक्षामा नी पोळे.

गलातियों 6:1 Referans Kwoze

रोमी 15:1

आखरी आपु ताकत वावा काजे जुवे कि कोमजुर वावान कोमजुरी सोहोन कोरे, नि कि आपना खुदो काजे खुश कोरे.

2 थिस्सलुनीकियो 3:15

तीबी तीनाक दुष्मोन मा सोमजू बाकीन भाश जानीन जोताळू.

2 तीमथी 2:25

चू खिलाप काजे नम्रतासी सोमजाडने, काय मालूम परमेश्वर तिंदरा मोन फिरावनेन मोन आपे कि चे बी खोरला काजे उवखे.

1 योहान 5:16

अगर कुदू आपना भाश काजे पाप कोरतेलू देखे, जेरो फोव मोरण नि होय, ती विनता कोरु, एने परमेश्वर तेरेन कोरता, जे असो पाप कोऱ्या जेरो फोव मोरण नि होसे, जीवाय आपसे. ओसलो पाप बी रोये कि तेरो फोव मोरण छे एरा बारामा मे विनता कोरणे नि कोयो.

2 कुरीन्थियो 2:7

इनान कोरता एरे गोथो वारू यो छे कि तेरु गुणू माफ कोरु एने शांती आपु, ओसो नी होयनो जुवे कि माणूस जादा नाराजमा डूब जाय.

इब्रानियो 12:13

एने आपना पायोन कोरता सुदी वाट बोनावू, जीनासी कि जू लेंगळू छे भोटकी नी जाय बाकीन वारू आरगु होय जाय.

1 पतरस 3:15

बाकीन प्रभू येसु मसिह काजे जानीन आपना आपने मोनमा चुखो सोमजू, जू कुदू तुमरेसी तुमरे आसोन बारामा काय पुछे, तीनाक जोवाब आपने कोरता हमेशा तीयार रोयू, बाकीन नम्रता एने बिक साते;

रोमी 14:1

जू भुरसामा कोमजुर छे, तीनुक आपने साते कोरु, पुन तिंदरा शंकापोर जो विवाद कोरनेन कोरता नि.

1 कुरीन्थियो 10:12

इनान कोरता जो सोमजे, मे पाकु छे, “चो हुशारीमा रोये कि कोदि पोळ नी जाय,

1 कुरीन्थियो 4:21

तुमु काजे काय जुवे? काय मे लाकळी लीन तुमरेनचा आवो, नीती मोंग एने नम्रतान आत्मा साते?

याकुब 3:2

कोरीन कि आमु आखा लेके कावा चूक जातला छे; जू कुदू वचनमा नी चुकतलु चू ते तीयार माणूस छे एने आखा डील पोर भी लगाम लागाळ सोकतलु छे.

2 कुरीन्थियो 10:1

मे चू पौलुस जू तुमरे सामने नम्र छे बाकीन तुमरे पोछोव तुमरेसी कोळक रोयतेलु, तुमु काजे मसिहन नम्रता एने नोरमाईन वजेसी सोमजतेलु.

मत्ती 9:13

इनान कोरता तुमु जायीन एरू मतलब सिक लेवू मे बलिदान नि बाकीन दया मांगतलु काहाकि मे धोरमीन कोरता नि, बाकीन पापी काजे बुलावने आवलु छे.”

1 कुरीन्थियो 14:37

ओगर कुदू माणूस आपना खुदो काजे भविष्य कोरता नि ते आत्मिक जन सोमजे, ती यो जान लेवू कि जे वाते मे तुमुक लिखो, चे परमेश्वरोन आग्या छे.

1 कुरीन्थियो 7:5

तुमु एक दिसरासी ओलोग मा रोयू; बाकीन निस्तो काहीन टेमे तोक आपोसमा सोम्मतीसी कि प्रार्थनान कोरता टेम जोळे, एने पोछो एक सात रोयू; ओसो नी होयनो जुवे कि टेम नी आपनेन वोजेसी भुतडू तुमुक पारखे.

1 कुरीन्थियो 2:15

आत्मिक जोन आखो काय पारकतलु छे, बाकीन चू खुद कुदासी पारखाय नी जातलो.

रोमी 8:6

शरीर पोर मोन लागाळनो ते मोत छे, बाकीन आत्मान वातो पोर मोन लागाळनो जीवन एने शांती छे,

मत्ती 11:29

मारो जुवळो आपनेपोर हाकली लेवू, एने मारेसी सीकू; काहाकि मे नम्र एने मोनोन गोरीब छे एने तुमु काजे आपना आत्मामा आराम जोळसे.

याकुब 3:13

तुमरेमा ग्यानवान एने समोजदार कून छे? जू ओसो छे चू आपनो कामो काजे वारलो चाल-चलनमा तिना नम्रता साते प्रगट कोरे, जू ग्यानमा उत्पन होयतेली छे.

इब्रानियो 13:3

बंधनमा जेलमा छे तिंदरी फोम कोरु जोसा तुमु बी तिंदरे साते जेलमा छे, एने तिंदरा विचार कोरु जिंदरे साते दुय कावार कोरे काहाकि तुमरो बी डील छे.

गलातियों 5:23

नम्रता एने सय्यम छे, ओसला-ओसला कामोन खिलापमा काहनो बी नियम शास्त्र नी होय.

1 कुरीन्थियो 3:1

हे भाशो, मे तुमरे पुठी इना रितीसी वाते नि कोर सोक्यू जोसू आत्मिक माणसो साते, बाकीन जोसू डीलवावा माणसो पुठी, एने हिंदरे साते जे मसिहमा पुऱ्या से.

मत्ती 26:75

तेत्यार पतरस काजे येसुन कोयली वात फोम आवी कुकळू वासने पेहेले तू तीन कावार मारू इनकार कोरिस एने चू बारथे जायीन ढसा-ढसा रोड्यू.

मत्ती 26:69

पतरस बारथे आंगनामा बोस रोयु होतु कि एक पावेरनी तेरेनचा आवी एने कोयी “तू बी येसु गलीली साते होतु.”

गलातियों 6:18

हे भाशो, आपनु प्रभू येसु मसिहन दया तुमरो आत्मा पुठी रोये. आमेन.

1 थिस्सलुनीकियो 4:1

इनान कोरता हे भाशो, आमु तुमरेनचा विनता कोरजे एने तुमु काजे प्रभू येसुमा सोमजाडतला छे कि जोसा तुमु आमरे साते खोरलो चाल चालजू एने परमेश्वर काजे खुश कोरनेन सिकला छे, एने जोसा तुमु चालतला भी छे, तोसात एने बोढता जावू.

2 कुरीन्थियो 2:8

इनान वोजेसी मे तुमु काजे विनता कोरो कि तिना काजे आपना मोंगोन सबूत आपो.