गलातियों 5:21 - बारेली पावरी

²¹ डाव मोतलोबी हेवा एने तिंदरे सारखा एने लोकेत कामे छे, इंदरा बारामा तुमु काजे पेहलेन कोय दोम जोसू पेहेले बी कोयलु छे, कि ओसा-ओसा कामे कोरने वावा परमेश्वरोन राजान वारीस नी होये.

गलातियों 5:21 Referans Kwoze

रोमी 13:13

जोसो दाहळा काजे शोभा आपतलु, तोसोच आपनु बी सुधा चाल चालनो, नी कि खाण्या पिण्या एने मोंदळ्या एने मोटकाईमा नी भुंडला विचारमा एने काम कोरनेन मोर्जीमा, एने नी झोगळामा एने नी रीस धोरणेमा.

रोमी 8:13

काहाकि अगर तुमु डीलोन अनसारे दाहळा निकावसु ती मोरसू अगर आत्मासी डीलोन कामो काजे मारसु ती जीवतला रोयसु.

इफिसीयो 5:18

आंगुरोन रोससी छाकला मा बोनु, काहाकि तीनामा लुचळाय होयतेली छे बाकीन आत्मामा पुरा भोराय जावू.

1 कुरीन्थियो 5:11

बाकीन मारो कोयनो यो छे कि कोदि कुदू भाश कोवाये, व्यभिचार, नीती लोभी, नीती मूर्ती पुजक, नीती लोळने देणे वावू, नीती मोंदळ्यु नीती खोराब कोरणे वावू होसे, ती तिंदरी संगती मा कोरु; बाकीन ओसला माणसो पुठी खाणो भी झुन खाता.

प्रकाशित वाक्य 21:27

बाकीन हेरेमा कुदू विटोव चीजे, नीती भुंडला काम कोरणे वावा, नीती झुटान गाळने वावू काहना रितीसी जाय नि सोके, बाकीन निस्ता चे माणसे जिंदरा नावे गाडरान जीवनोन किताबमा लिखला छे.

1 पतरस 4:3

काहाकि दिसरा जातीन मोर्जी अनसारे काम कोरणे, एने लुचळा भुंडली लालूच, मोतलोबी, लीलाक्रीडा, मोंदळ्या एने भुंडला नीती मूर्ती पूजामा जा तोक आपनु पेहेल टेमे खुवाळ्या, चू जादा होये.

कुलुस्सि 3:6

इना वजेसी परमेश्वरोन रिस आग्या नि मानने वावा पोर पोळतेलु छे.

1 थिस्सलुनीकियो 5:7

काहाकि जे सुवतलु छे चे रातीत सुवतला छे, एने जा छाकला रोयतला छे चे रातीन छाकला होयतला छे.

1 कुरीन्थियो 15:50

हे भाशो, मे यो कोय कि मास एने लुय परमेश्वरोन राज्योन अधिकारी नी होय सोकतला, एने नाश वावू अधिकारीन अविनाशीन अधिकारी होय सोकतलु छे.

प्रकाशित वाक्य 22:15

बाकीन कुत्रा, एने कुहरायने वावा एने व्यभिचार कोरणे वावा एने खुन कोरणे वावा एने मूर्ती पुजा कोरणे वावा एने होर एक झुटोसी मोंग कोरणे वावा एने गाळने वावू बारथे रोयसे.

मत्ती 25:34

तेत्यार राजा तेरे जेवळे धोळे वावा काजे कोयसे, “हे मारा बासोन सोयावा माणसे आवू इना राजोन अधिकारी बोन जावू, जो जोगोन पेहेले गोथो तुमरेन कोरता तियार कोरलु छे.”

लुका 21:34

इनान कोरता हुशारीमा रोयू, ओसो नि होये कि तुमरा मोन खुमारीमा, एने मोंदळ्यामा, एने इना जीवनोन चिंतामा पोड जाय, एने चू दाहळू तुमरे पोर फासी सारखु आवीन पोळे.

इब्रानियो 13:4

वियाव आखामा आदरोन वात सोमजनु जुवे, वियाव-आथरून निरदोष रोये, काहाकि परमेश्वर व्यभिचार कोरणे वावान एने दिसरा बायरा साते ओसो कोरणे वावान नियाव कोरसे.

2 थिस्सलुनीकियो 2:5

काय तुमुक मालूम नि कि जेतार मी तुमरे न्या होता, ती तुमरेसी ये वाते कोया कोरतु होतु.