गलातियों 5:2 - बारेली पावरी

² देखू मे पौलुस तुमु काजे कोयो कि ओगर सुंता कोरसु ती मसिहसी तुमु काजे काय नी लाभ होये.

गलातियों 5:2 Referans Kwoze

गलातियों 5:6

मसिह येसुमा संता वावा एने नी सुंता कोरला काय कामोन नी होय, बाकीन निसतू भुरसू, जू मोंगोन लारे प्रभाव पाळतलु.

प्रेषित 15:1

थुलाक माणसे यहुदियामा गोथा आवीन भाशो काजे सिकाळने बाज गोया, “जेतार तोक मुसान रितीन अनसारे तुमरी सुंता नि होये ती तुमुक छुटकारू नि जोळे.”

इब्रानियो 4:2

काहाकि आमुक तिंदरेन तोसा वारली खोबर सोमवाळ देदा, बाकीन तीना सोमवला वचनोसी तीनु काजे काहीन फायदू नी होयो, काहाकि सोमवने वावा मोनोमा भुरसासी नि बोठ्या.

गलातियों 5:11

बाकीन हे भाशो, ओगर मे हिमी तोक सुंतान प्रचार कोरो ती काहा हिमी तोक मेसेक सताव रोया? तेत्यार ते ख्रुसोन ठूकर जादा रोयो.

2 कुरीन्थियो 10:1

मे चू पौलुस जू तुमरे सामने नम्र छे बाकीन तुमरे पोछोव तुमरेसी कोळक रोयतेलु, तुमु काजे मसिहन नम्रता एने नोरमाईन वजेसी सोमजतेलु.

प्रेषित 15:24

जेतार आमु सोमव्या कि आमरे मायला काहनास आमरे आदेश बिगुर आमरी वातोसी तुमु काजे बिगाळ देदा, एने तुमरा मोनो काजे कोमजुर कोर देदला छे.

1 थिस्सलुनीकियो 2:18

इनान कोरता आमु (मतलब मे पौलुस) एक बार नि बाकीन दुय कावा तुमरेनचा आवनेन कोऱ्यु बाकीन भुतडू आमुक रुक रोयलु.

फिलेमोन 1:9

ते बी मार सारखा डायला पौलुस काजे जू हिमी मसिह येसुन कोरता बोंदी छे यो ओवी बी वारलो लाग्यो कि मोंगसी विनता कोरो.

1 कुरीन्थियो 16:21

मे पौलुस खुदोन हाते लिखलो नमस्कार.

प्रेषित 15:5

बाकीन फरुशी पंथान काहना विस्वासी उबरोयीन तीनु काजे कोया “तिंदरी सुंता कोरणे एने मुसा नियमशात्र पावणेन आदेश आपनेन गोरोज छे.”

फिलेमोन 1:19

मे पौलुस आपना हातोसी लिखो कि मे खुद भोर दिस एने यो कोयनेन जोरूरत नी पोळे कि मारू कोरजू जू मार पोर छे चू तूच छे.