गलातियों 5:1 - बारेली पावरी

¹ मसिह आजादोन कोरता आपु काजे आजाद कोरलु छे हिमी तोक इनामा पाका रोयू, एने गुलामोन हातोमा ओवी पोसा मा जावू.

गलातियों 5:1 Referans Kwoze

2 कुरीन्थियो 3:17

प्रभू ते आत्मा छे एने जा का प्रभून आत्मा छे चा स्वतंत्रता छे.

गलातियों 5:13

हे भाशो तुमु छुटकारू होयनेन कोरता बुलावला छे बाकीन ओसो नी होयो कि यो आजादी डीलोमा कामोन कोरता टेम बोनसे बाकीन मोंगसी एक दिसरान चेला बोनु.

1 पतरस 2:16

तुमु खुद काजे आजाद कोयू; बाकीन आपनी इनी आजादी काजे बुराईन कोरता आडोव मा बोनावु; बाकीन तुमु खुदो काजे परमेश्वरोन दास सोमजीन चालू,

रोमी 6:14

तेत्यार तुमरे पोर पापोन बंधन नी रोये काहाकि तुमु शास्त्रनियमोन ताबामा नी होय बाकीन दयान ताबामा छे.

रोमी 8:2

काहाकि जीवनोन आत्मान शास्त्रनियमोन जो येसु मसिहमा मेसेक पापोन एने मोतोन शास्त्रनियम सी आजाद कोर देदू.

गलातियों 4:9

बाकीन हिमी जो तुमु परमेश्वर काजे उवखी लेदू तेत्यार परमेश्वर तुमु काजे उवखसे, तेत्यार तिना कमजुर एने बिना कामोन एने शिक्षान वाते कोऱ्या एने काहा कोरतेला, जिनान तुमु दुय कावार दास होयने मोर्जी कोरतेला.

इब्रानियो 10:23

आवू आपु आपनी आसोन अंगीकार काजे पाका बोनीन हिंमतसी धोर रोयू काहाकि जू वायदू कोऱ्यु कि चू खोरलो छे.

गलातियों 2:4

जो इना झुटा भाशोन वोजेसी होये, जे चुरी कोरनेसी भोराय गोयला होता, कि इना छुटकारान जू मसिह येसुमा आमु जोळलु छे, भेद लीन आमु बोंदी बोनाव्यू.

गलातियों 4:31

इनान कोरता हे भाशो, आपनु नोकरानिन नी बाकीन बायराण पुऱ्या छे.

प्रकाशित वाक्य 3:3

इनान कोरता फोम कोर कि तू कोसली शिक्षा हासील कोरलु छे एने सोमवलू होतु, एने तीनामा बोनीन रोय एने मोन फिराव कोदा माईन तू जागतू नी रोये ती मे चुटा सारखो आव लागीस, एने तू कोदि नी जान सोके कि मे कानले टेमे तारेनचा आव लागीस.

2 पतरस 2:19

चे तीनु काजे छुटकारू कोरनेन वायदू कोरतेला छे, बाकीन आपुत सोळलान चेला छे; काहाकि जी एक जन जीनामा हार गोयला छे, चू तेरु दास बोन जातलु.

1 कुरीन्थियो 16:13

जागता रोयू, भुरसामा पाका रोयू, माणसो सारखा रोयू, ताकत वावा बोनु.

रोमी 7:6

बाकीन हिमी जिनान बंधनमा आमु होता तिनान कोरता मोरीन हिमी शास्त्रनियमोन नुसार ओसा छुट गोया कि लिखलान जूनली रितीन अनसारे नि बाकीन आत्मान नोवली रितीसी सेवा कोरतेला छे.

रोमी 6:18

एने पापोसी छुळाव जाणेसी धोरमोन गुलाम बोन गोया.

प्रेषित 15:10

आखरी चेलान खांदा पोर ओसो जुवळो मेकु, जीनाक नि आमरा डाहला पुढारी चूट सोक्या एने नि आमु चूट सोकजे, ती हिमी काहा परमेश्वरोन पारोख लेणे बाज रोया.

1 कुरीन्थियो 7:22

काहाकि जू दासोन हालोतमा प्रभूमा बुलावलु गोयलु छे, चू प्रभून स्वातंत्र कोरलु छे तोसुच जू मोकवायीन हालतमा बुलावलु गोयलु छे, चू मसिहन दास छे.

यहुदा 1:3

हे मोंगावा, जेतार मे तुमुक तिना छुटकारान बारामा लिखनेमा जादा मेहनतसी प्रयत्न कोर रोयू होतु जीनामा आमु आखा भागीदार छे, ती मे तुमुक यो सोमजाडनो जोरुरी जान्यू कि तिना भुरसान कोरता पुरो कोयीन कोरु जो चुखला माणसो काजे एकुत कावार सोपाय गोयलो होतो.

फिलिप्पि 1:27

निसतो ओतरो कोरु कि तुमरो चाल चलन मसिहन वारली खोबरोन लायक रोये कि मे आवीन तुमुक देखो, नीती नी बी आवो, तुमरे बारामा सोमवो कि तुमु एकुत आत्मामा पाका रोयू, एने एक मोन होयीन वारली खोबरोन भुरसान कोरता मेहनतोन कोरता रोयतला.

इफिसीयो 6:14

इनान कोरता खोरलासी कोळ्यो कोसीन, एने धारमिकतान चिलखत पेहेरीन,

प्रकाशित वाक्य 2:25

बाकीन होव, जो तुमरे जुव छे तीनाक मारे आवने तोक रुकीन मेकू.

इब्रानियो 4:14

जेतार कि आपनु ओसू मोटलु महायाजक छे, जू सोरगोमा गोथू होयीन गोयू, मतलब परमेश्वरोन पुऱ्यु येसु, ती आवू आपनु आपना स्वीकारला काजे मजबूत धोरीन रोयसू.

इब्रानियो 3:14

अगर आमु आपना पेहेला भुरसा पोर आखरी तोक मजबुतीमा पाका रोये ती आमु मसिहन भागीदार बोन गोयला छे.

इब्रानियो 3:6

बाकीन मसिह ते पुऱ्यान रुपमा परमेश्वरोन घोरोमा अधिकारी छे, एने तेरो घोर आमु छे ओगर आमु आपना धीरोन एने आसोन मोटाय काजे आखरी तोक पाका रोये.

2 थिस्सलुनीकियो 2:15

इनान कोरता हे भाशो, वातळा रोयू एने; जे-जे वाते तुमुक जुवे वचन नीती चिट्ठीन लारे आमरे जुव भोनला छे, तीनुक धोरला रखु.

1 थिस्सलुनीकियो 3:8

काहाकि हिमी ओगर तुमु प्रभूमा पाका रोयू ती आमु जीवतला छे.

गलातियों 4:26

बाकीन उपोरली यरुशलेम छुटकारू छे एने ची आमरी आस छे.

गलातियों 3:25

बाकीन जेतार भुरसू आव लाग्यू, ती आपनु आखा हिमी मास्तोरोन ताबामा नी रोयजे.

1 कुरीन्थियो 15:58

इनान कोरता हे मारा मोंगावा भाशो, पाका एने जागेत रोयू, एने प्रभून कामोमा आखामा बोढता जावू, काहाकि यो जानतला छे कि तुमरो मेहनत वायबार नी होय.

मत्ती 23:4

चे एक ओसा भारी बुझू काजे जीनाक चुटनो काठो छे, बाकीन तीनाक माणसोन खांदा पोर मेकतेला; बाकीन कुदू तीनाक आपनी आंगवे कोरीन बी नि सोरकावतेला.

रोमी 7:3

इनान कोरता ओगर घोरवावान जीवतेलामा ची काहनास दिसरान लाडी बोन जाय ती चो व्यभिचार कोवायसे बाकीन अगर लाडूस मोर जाय, ती ची तिना शास्त्रनियमोन गोथो छुट जाय न्या तोक कि अगर काहनास दिसरा माणसोन होय जाय ते बी सिनावो नी कोवाये.

रोमी 8:15

काहाकि तुमुक गुलामोन आत्मा नी कि तुमु बिही जावू, बाकीन सेवेत्र्यु मोंगोन आत्मा जोळली छे, जीनामा आपु हे अब्बा, हे बास कोयीन आयळीन कोयतेला.

2 कुरीन्थियो 11:20

काहाकि जेतार तुमुक कुदू पावोर बोनाव लेये नीती खाय जाय, नीती फोसाळ देये नीती खुदो काजे मोटू सोमजे नीती तुमरा मुयो पोर थापुळ देये, ती तुमु सोह लेतला.

लुका 5:38

बाकीन नोवलो आंगुरोन रोस नोवला ठाहरामा मा भोरनो जुवे.