गलातियों 4:9 - बारेली पावरी

⁹ बाकीन हिमी जो तुमु परमेश्वर काजे उवखी लेदू तेत्यार परमेश्वर तुमु काजे उवखसे, तेत्यार तिना कमजुर एने बिना कामोन एने शिक्षान वाते कोऱ्या एने काहा कोरतेला, जिनान तुमु दुय कावार दास होयने मोर्जी कोरतेला.

गलातियों 4:9 Referans Kwoze

1 कुरीन्थियो 8:3

बाकीन कुदू परमेश्वर पोर मोंग कोरे ती परमेश्वर तीना काजे उवेखतलु कि.

गलातियों 3:3

काय तुमु ओसा बिन ओकोलोन छे कि आत्मान रिती पोर शुरू कोरीन हिमी डीलोन रिती पोर आखरी कोरसे.

रोमी 8:3

काहाकि जो काम नियम डीलोन वोजेसी कमजोर होयीन नि कोर सोकी, तीनुक परमेश्वर कोरलु छे, मतलब तेरात पुऱ्या काजे पापमय डीलोन सारखो, एने पापोन बलिदान होयनेन कोरता मूकल्यु, डीलोमा पापोन दोंडोन आग्या आप्यू.

1 योहान 5:20

एने यो बी जाणेजे, परमेश्वरोन पुऱ्यु आव रोयू एने चू आमुक सोमज आपलु छे, हिमी तिनी खोराइ काजे जानजे, एने आमु तीना माइली जी खोराइ छे, मतलब परमेश्वरोन पुऱ्यु येसु मसिहमा रोयतला. खोरलू परमेश्वर ओमोरकाईन जीवाय यित छे.

2 पतरस 2:20

जेतार चे प्रभू एने छुटकारू आपनेवावू येसु मसिहन उवोखन लारे जोगोन भाती भातीन विटोवायला सी वाचीन निकव्या, एने ओवी तीनामा कोरीन हार गोया ती तिंदरी पोछली हालत पेहेले गोथी बी भुंडी होय गोयली छे.

इब्रानियो 7:18

एक एने पेहेली आग्या आपनी कोमजुरी एने बिना कामोन वजेसी निकवी गोयी.

2 तीमथी 2:19

ते बी परमेश्वरोन पाकु पायु बोनतलु रोयतलु एने तीना पोर छापू लागलु रोयतलु “प्रभू आपनु काजे उवखतलु एने जो कुदू प्रभून नाव लेतलु चू अधोरमोन सी वाचीन रोये.”

इफिसीयो 1:17

कि आमरा प्रभू येसु मसिहन परमेश्वर जू महिमान बास छे तुमु काजे आपनी उवखमा ग्यान एने विजावान आत्मा आपे.

2 कुरीन्थियो 4:6

इनान कोरता कि परमेश्वरुत छे, जू कोऱ्यु, “आंदारलामा गोथो विजावो चोमके, एने चू मोनोमा चोमक्यू कि परमेश्वरोन महिमान उवखनोन दिवू येसु मसिहन मुयो पोर विजावो होये.”

1 कुरीन्थियो 13:12

हिमी आपनु आरसामा झिंजवायलो देखायतलो; बाकीन तिनी टेमे आमने सामने देखसे; इने टेमे मारो ग्यान आदलो छे, बाकीन तिनी टेमे ओसो पुरी रितीसी उवखती जोसू मे उवखाय गोयलु छे.

रोमी 8:29

काहाकि जीनु काजे चे पेहेलेसी सोमजी गोयला छे तीनु काजे पेहेलेसी ठेराय गोयलो छे कि तेरा पुऱ्यान रुपमा छे, काहाकि चू भाशोमा पेहेलु ठेराये.

योहान 17:3

एने ओमोर जीवन यो छे कि चे तुसेक एक धोळ्या खोरला परमेश्वर काजे येसु मसिह काजे, जीनाक तू मुकेललु छे, जाणे.

योहान 10:27

मारा गाडरा मारू बुल सोमवतला छे; मी तीनु काजे उवखतलु एने चे मारा पोछोव-पोछोव आवतेला छे;

योहान 10:14

वारलु गुवाव्यू मे छे; मे मारा गाडरा काजे जानतलु छे, एने मारा गाडरा मेसेक जानतेला छे.

मत्ती 11:27

“मारू बास मेसेक आखो काहीन सोप देदलु छे; एने कुदू बासो काजे नी उवखतलु, निस्तु; पुऱ्या काजे; एने चू जीना पोर पुऱ्यु तीनाक देखाळने हिंडे.”

1 कुरीन्थियो 15:34

धारमिकतान कोरता जाग उठू एने पाप मा कोरू; काहाकि काहनास ओसा छे जे परमेश्वर काजे नी जानतला. मे तुमुक लाजवाडने कोरता यो कोयो.

2 कुरीन्थियो 11:20

काहाकि जेतार तुमुक कुदू पावोर बोनाव लेये नीती खाय जाय, नीती फोसाळ देये नीती खुदो काजे मोटू सोमजे नीती तुमरा मुयो पोर थापुळ देये, ती तुमु सोह लेतला.

गलातियों 4:3

तोसोत आमु बी, जेतार पुऱ्या होता ती जोगोन पेहेली शिक्षान ताबाम रोयीण गुलाम बोनला होता.

लुका 5:38

बाकीन नोवलो आंगुरोन रोस नोवला ठाहरामा मा भोरनो जुवे.