गलातियों 4:4 - बारेली पावरी

⁴ बाकीन जेतार टेम पुरी होय गोयी ती परमेश्वर आपना पुऱ्या काजे मूकल्यु जू बायरा गोथू जन्मो लेदू एने नियम शास्त्रान तेरे हातोन बोनलु छे.

गलातियों 4:4 Referans Kwoze

रोमी 1:3

आपनु पुऱ्यु आपना प्रभू येसु मसिहन वारली खोबरोन बारामा वायदू कोरलु होतु, जू डीलोन भावशी दाऊदन पिढीमा पोयदा होयू,

योहान 1:14

एने वचन देहधारी होयो; एने दया एने खोरलायसी पुरो होईन आमरे इचमा वस्ती कोऱ्यु, एने आमु तेरी ओसी महिमा काजे देख्या, जोसो बासोन एखला जून महिमा.

मरकुस 1:15

एने कोयू, “टेम पुरी होय गोयली छे, एने परमेश्वरोन राज साते आव गोयलो छे; मोन फिरावू एने वारली खोबर पोर भुरसू कोरू.”

योहान 3:16

काहाकि परमेश्वर जोगो पोर ओसू मोंग कोऱ्यु कि तेरु मोंगावू पुऱ्यु आप देदु, काहाकि जू कुदू तीना पोर भुरसू कोरे चू नाश नी होये, बाकीन तीनाक ओमोर जीवन जोळे.

मत्ती 1:23

“देख, एक कुवारी भारीस होयसे एने एक पुऱ्याक जन्मो आपसे, एने तेरो नाव इम्मानुएल मेकायसे,” जेरो मतलब छे-परमेश्वर आमरे पुठी से.

1 योहान 4:14

आमु देखी बी लेदा एने गोवायी आपजे कि बास पुऱ्या काजे जोगोन छुटकारू आपन्यु कोरीन मुकली रोयू.

इफिसीयो 1:10

कि टेमोन पुरो होयने पोर जो काय सोरगोमा एने धोरती पोर आखो काय चो मसिहमा एखठा कोरे.

लुका 2:7

एने ची तेरा पेहेला पुऱ्या काजे जन्मो आपी एने तीना काजे कापळामा गुंडाविन वाळामा मेकी; काहाकि तिंदरेन कोरता जागा नि होती.

रोमी 8:3

काहाकि जो काम नियम डीलोन वोजेसी कमजोर होयीन नि कोर सोकी, तीनुक परमेश्वर कोरलु छे, मतलब तेरात पुऱ्या काजे पापमय डीलोन सारखो, एने पापोन बलिदान होयनेन कोरता मूकल्यु, डीलोमा पापोन दोंडोन आग्या आप्यू.

लुका 1:35

सोरगो दूत तिनी काजे जोवाब आप्यू, पवित्र आत्मा तारे पोर आवसे, एने परमप्रधानोन ताकत तारे पोर सहावू कोरसे; इनान कोरता चू पवित्र जू पोयदा होयने वावू छे, परमेश्वरोन पुऱ्यु कोवायसे.

योहान 6:38

काहाकि मे मारा मोर्जी नि बाकीन आपने मुकलने वावान मोर्जी पुरी कोरनेन कोरता सोरगे गोथू उतरलू छे;

इब्रानियो 2:14

आखरी; जिना रितीसी पुऱ्या मास एने लुयोन सहभागीता छे, ती चू खुद बी तीना रितीसी सहभागी होय गोयू, कि मोरोनोन लारे तीनाक मोरने पोर ताकत जोळी मतलब भुतडा काजे रिकामो कोर देये.

योहान 10:36

ती जीनाक बास चुखो ठेरावीन जोगमा मुकलु छे, तुमु तीनाक कोयतेला छे, “तू बुराई कोरतेलू छे,” इनान कोरता कि मे कोयू, “मे परमेश्वरोन पुऱ्यु छे?”

1 तीमथी 3:16

इनुमा शंका नी होय कि भोक्तीन फरक गंभीर छे, मतलब होयो जे डीलोमा प्रगट होयलो, आत्मामा धोरमी ठेरायू, सोरग दूत काजे देखायतू दिसरा जातीमा हेरा प्रचार होयलू, जोगोमा हेरे पोर भुरसू कोरलु होतु, एने महिमामा उपर चुटायलु होतु.

रोमी 15:8

इनान कोरता मे कोयो कि जी वायदू बाप दादा काजे आपाय गोयली होती तीनुक पाका कोरनेन कोरता मसिह, परमेश्वरोन खोरलायीन सबूत आपनेन कोरता, सुंता कोरला माणसोक सेवक बोनाव;.

प्रेषित 1:7

चू तीना काजे कोयू, “तिनी टेमोक एने काव काजे जाननेन, जीनाक बास आपना होकमा मेकलु छे, तुमरो काम नी होय.”

लुका 1:31

देख, तू भारीस होयीस, एने तारू एक पुऱ्यु पोयदा होयसे; तू तेरो नाव येसु मेकजी.

मत्ती 3:15

बाकीन येसु तीना काजे जोवाब आप्यू, “हिमी ते ओसोत होयने दे, काहाकि आपनु इना रितीसी आखी धर्म काजे पुरो कोरनो वारू छे” तेत्यार चू तेरी वात मान लेदू.

1 योहान 4:2

परमेश्वरोन आत्मा तुमु इना रितीसी उवखी सोकतला; जी आत्मा मान लेतली छे, कि येसु मसिह डीलोमा होईन आवलो छे, चू परमेश्वर भूनी गोथू छे.

इब्रानियो 9:10

काहाकि यो निसतो खाणो पिणेन चीजे एने भाती भातीन उंगवनेन विधीन बारामा डीलोन नियम छे यो सुधार कोरनेन टेमे तोक ठेराय गोयलो छे.

कुलुस्सि 2:14

एने नियमोन चू लेख जू आपना नावो पोर एने आपसे दुष्मोन होतो मिटाव देदा एने तीनाक ख्रुस पोर खिवा ठुकीन ओगोव गोथू छेटो कोर देदू.

रोमी 9:5

डाह-डाहा बी तिंदरा छे एने मसिह बी डीलोन रूपसी तीनुमा गोथू होयू जू आखान उपोर परम परमेश्वर पिढ्यान पिढ्या सोयावा होये. आमेन.

योहान 8:42

येसु तीनु काजे कोयू, “कोदि परमेश्वर तुमरू बास रोयतु, ती तुमु मार पोर मोंग कोरता; काहाकि परमेश्वर भूनी गोथू आव रोयू मे मार मारे नि आव्यु, बाकीन चू मेसेक मूकल्यु.

मत्ती 5:17

यो मा सोमजू, कि मी नियमशास्त्र नीती भविष्य कोरतान किताब काजे ढाकणे आवलु छे, ढाकणे नि, बाकीन पुरो कोरणे आवलु छे.

रोमी 5:6

काहाकि जेतार आमु कोमजुर होता ती येसु मसिह सही टेम पोर धोरमीन कोरता मोर गोयू.

1 तीमथी 2:6

जू खुदो काजे आखान छुटकारान दामोमा आप देदू, एने हेरी गोवायी ठीक टेमो पोर आपाय गोयी.

लुका 20:44

दाऊद ते तिनाक प्रभू कोयतलु छे, “ती चु तीनाक पुऱ्या कोसू कोयसे?”